|
گوڵی بامێ 🤣🤣
لە ئاین و لە عورفی کۆمەڵایەتیشدا پیاوی پیاوانە و ژنی ژنانە ئەوانەن کە رێزی یەکتری دەگرن بەتایبەت لەناو خەڵک و لە بەرچاوی کەسوکاری یەکتری تا ئێرە ئیتر قسەیەکمان نییە ،
بەڵام لە دونیادا ئەو پیاوانەی کە بە شێوەیەکی شاهانە و تایبەت رێزی ژن ئەگرن پێیان ئەوترێ (جێنتڵمان) واتا پیاوێکی بەڕێز ، کەچی لای خۆمان چەندین ئیدیەم و دەستەواژەی پێچەوانەمان هەیە بۆ ئەوانەی رێزی ژنەکانیان ئەگرن وەک
(مل پان) (ژنانی) (ترسنۆک) (ژێردەستە) (چەوساوە) (ئەڵقە لەگوێ) (موو نەرم) (ئۆمەر) (نوعمان) (گوڵی بامێ) 😂 گوڵی بامێ زۆرجوانە رێک بەروانکە و دەستکێشە سورەکە و زاهیمان بیر ئەکەوێتەوە 😁
لە ناوچەی ئێوە چی پێدەڵێن؟
..................
جا ئەڵێن ژنێک بە رەفیقەکەی دەڵێت ئەوە دەست و پلت چۆن ئەوەنە جوان ماوەتەوە؟
ئەویش ئەڵێ وەڵا من لە کاتی قاپ شتن بەس نوعمان بەکاردەهێنم .
رەفیقەکەشی ئەڵێت (ئەڵا توخوا پاکەت یان دەبەکەی نوعمانم بدەرێ با لەسەری بکڕمەوە لە مارکێت)
ئەویش ئەڵێ کچێ ڕۆڵە نوعمان زاهی نییە مێردەکەمە 😁
.....................
تێبینی /پیاوی گەورە ئەوەیە خزمەتکاری خێزان و ماڵ و منداڵی خۆی بێت و لە تانە و توانجی چواردەوری نەترسێ و ژنی گەورەش ئەوەیە بەهەمان شێوە خۆی بە کۆیلەو ژێردەستە نەیەتە بەرچاو ئەم غەریزەیە لە زوربەی ئاژەڵ و باڵندەکان و سروشتدا هاوبەشە بێ ئەوەی چیرۆکیان بۆ دروست کردبێ
هەر بەراست لای ئێوە بە گوڵی بامێ ئەڵێن چی
هێمن عەبدولقادر
به‌روار: 01/11/2025
144 جار خوێندراوه‌ته‌وه
|