|
فاشر، غەززەیەکی لەبیرکراو! 😪
ماوەی زیاتر لە ٧٠٠ ڕۆژە شاری فاشر سەر بە ویلایەتی دارفور گەمارۆدراوە و موسڵمانانی بە ئافرەت و منداڵ و پیرەوە لەلایەن میلیشیاکانی (الدعم السریع)ـەوە شەهید دەکرێن.
تەنیا لەم شارەدا ٢٦٠ هەزار هاوڵاتی مەدەنی گەمارۆ دراون، ٦٠٠ هەزار کەس ئاوارە بوون و ٤٠٪ی منداڵان بەدەست بەدخۆراکییەوە دەناڵێنن، ژمارەی شەهیدان ٧٠٠ کەسی تێپەڕاندووە!
منداڵان قوربانی سەرەکین و زیاتر لە هەزار حاڵەتی کوشتن و شێواندن و بەسەربازکردنی زۆرەملێی منداڵان لە سەرەتای گەمارۆکەوە تۆمارکراوە، بەجۆرێک کە منداڵی لە دارفور بووەتە تاوانێک و مانەوە بە زیندوویی سزاکەیەتی.
شاری فاشر ناوەندێکی سەرەکییە بۆ کارە مرۆییەکان لە پێنج ویلایەتەکەی دارفۆر، لەبەرئەوەش لە ١٠ی ئایاری ٢٠٢٤ەوە لەلایەن هێزەکانی پشتیوانی خێراوە گەمارۆ دراوە.
لەبیرمان نەکردوون
شوانکورد
به‌روار: 30/10/2025
188 جار خوێندراوه‌ته‌وه
|