|
هانس دوبەی ئەو ئەڵمانیەی لەسەرە مەرگدا ئاواتی هەڵەبجە بوو
کۆچی دوایی 2004.3.14
ساڵی 2004 ڕۆژێکیان" کاک تەها هەڵەدنی " بە تەلەفۆن ووتی :
هانس دۆستێکی گەورەی کوردە و دەمرێ ، بە ڵکو بە کۆمیتەی یەکێتی سوید بڵێن هاوکاری سەردانێکی هەڵەبجەی بکەن.
" ئەو کاتە ئێمە بەرپرسی کەرتی مالمۆ بووین".
دواتر لەگەڵ کاک تەها لە خەستەخانەی شێرپەنجە لە بازاڕی سەوزەی مالمۆ سەردانمان کرد و کاک تەها زەرفێ مۆزی بۆ هێنابوو.
کەدانیشتین هانس ووتی:
دەمرم و لە مردنم ناترسم و ژیانی خۆم کردووە.، بەڵام ئاواتم ئەوە بوو پێش مردنم هەڵەبجەم ببینیایه.
هانس دوبەی پیاوێکی ئەڵمانی بوو کە له شاری مالمۆ ژیاوه.
ئەو چەپێکی بوێر بووە لە پارتی " پرۆلیتاریا" و سەردانی شاری ئامەدی کردووە لە باکووری کوردستان و لەوێ گیراوە و سنوورداشی سوید کراوەتەوە.
چالاکوانێکی سەرسەختی بەرگری بووە لە خەباتی کووردی باکوور.
بەداخەوە دواتر ئێمە نەمانبینەووە و لە هەواڵی دابڕاین.
ئەوە یەکەم جار بوو نەخۆشێکی شێرپەنجە ببینیم کە دەزانێ شێرپەنجەکەی دەیکوژێ و لە خەستەخانە بۆ مردن خەواندوویانە و بەو ئازایەتیەوە ڕووبەڕووی مەرگی خۆی بۆتەوە.
هەروەکو ئەوەی چووبووین بۆ پرسە یان لە سەرقەبرانی مردوویەک بووین کە لە ناو گۆڕەکەیدا هێشتا باسی ژیانی بۆ دەکردین.
ئێمە دەمانزانی لە توانای کۆمیتەی سوید نیە بۆ سەردانی هەڵەبجەی، بەڵام تا ئێستاش لام سەیرە چۆن بەدەستی بەتاڵ چووم بۆلای.
بەداخەوە لە 2004.3.14 ماڵئاوایی لە ژیان کرد.
کە ئێمه گەڕابووینەوە کوردستان.
لەسەر وەسێتی خۆی تەرمەکەی سووتاوە و ، خۆڵەمێشەکەی کراوەتە ناو ئاوی نێوان مالمۆ و کۆپنهاگن.
بەهیوای هەر کەسێک بیرەوەری لایە لەکۆمێنت وەکو وەفایەک بۆ ئەم دۆستە گەورەیەمان بینووسێ.
شێرزاد عەزیز
مالمۆ
به‌روار: 14/03/2024
178 جار خوێندراوه‌ته‌وه
|