قاسملوو

شەهیدبوونی 1989.7.13

نه‌ ئاو كۆتایی‌ بۆ هه‌یه‌‌ و نه‌ نووسین له‌سه‌ر ئه‌و!
نه‌ مانگ له‌م ئاسمانه‌ ئه‌بڕێ‌‌ و
نه‌ شیعری‌ ئێمه‌ش له‌سه‌ر ئه‌و
نه‌ هه‌ڵاڵه‌ سورایی‌ ئه‌چێته‌وه‌‌ و نه‌ خوێنی‌ ئه‌و
قاسملوو به‌فرێكی‌ سووره‌‌ و…كلوو…كلوو
چوار وه‌رزه‌ به‌سه‌رماندا ئه‌بارێ‌
جارێك ئه‌مانكا به‌ یاقووت‌ و
جارێكی‌ دی‌ به‌ دار هه‌ناری‌ به‌ر مانگه‌شه‌و!
وه‌كوو زه‌رده‌خه‌نه‌ كاڵه‌كه‌ی‌
پڕمان ئه‌كات له‌ سروودی‌ نه‌رم نه‌رم
وه‌كوو قوڵپه‌ی‌ زنه‌ی‌ برینی‌ له‌ گه‌رووماندا
ئه‌بێته‌ لرفه‌ی‌ سروودی‌ گه‌رم گه‌رم!

شێركۆ بێكەس
به‌روار:  10/07/2024
110   جار خوێندراوه‌ته‌وه
مافەکان پارێزراوە بۆ مالمۆکورد
میوانی سه‌رهێڵ:   932
کۆی سه‌ردان:   29640103