ئەو چیایە 🖤


وا مەزانن ئەو چیایە 
هەر کۆمەڵێ بەرد و کەڤر و گژ وگیایە 

هەربەردێکی جانتایەکە عەشقنامەی 
عاشقێکی لە بندایە 

هەر کەڤرێکی ئاوێنەیە و 
وێنەی سەد شەهیدی تیایە 

هەر کانییەک لەو چیایە هەڵقوڵاوە 
 ئاو نیە خوێنی شەهیدە 
بۆبەرگری لەو چیایە ڕژاوە

هەموو پووش و پەڵاشێکی ئەو چیایە 
ڕمی ژەهراوی ناودڵی 
سەد سوڵتان و نادرشایە 

ئەو چیایە تووڕە مەکەن تکایە 
 با هەمووتان تێکنەشکێنێ 
 بەشەپۆلی ڕەشەبایە

لەتیف هەڵمەت
به‌روار:  03/06/2024
232   جار خوێندراوه‌ته‌وه
مافەکان پارێزراوە بۆ مالمۆکورد
میوانی سه‌رهێڵ:   556
کۆی سه‌ردان:   29486910