حکوومەتی سوید پارەی تەرخانکراوی بۆ گەڕانەوە لەسەر بودجەی دەزگای کۆچ زیاد کردووە و ڕای سپاردوون هەڵمەتێکی ئاگادارکردنەوە بەڕێوە ببەن، ئێستا لەناو کۆموونەکانی سویدیشدا کۆموونی ئالە یەکەم شارەوانی بوو هەڵمەتەکەیان ڕاگەیاند.

لە دە ساڵی ڕابردوودا تەنها ٤٦ کەس کە ئیقامەیان هەبووە، بەخواستی خۆیان سویدیان جێ هێشتووە و گەڕاونەتەوە بۆ وڵاتی خۆیان، کە بڕەکەی دە هەزار کرۆنە. ئێستا حکوومەتی سوید دەیەوێت چاو لە دانیمارک بکات و ئەو بڕە پارەیە زیاد بکات. هەربۆیە دەیەوێت لێکۆڵینەوەیەک لەم بارەوە دەست پێ بکات.

یادگار بورهان کوردێکی سویدە و شەش ساڵە لێرە دەژی، دەڵێت  ٢٠٠ هەزار وای لێ ناکات، دەستبەرداری ئیقامەکەی ببێت و بگەڕێتەوە بۆ کوردستان، بەڵکو هۆکارگەلێکی تریش هەن وای لێ دەکەن، کە پارەکە بەس نەبێت.

گوێ لە ڕاپۆرتەکە بگرە