|
وەسیەتە ناکۆکەکان
١٠ وەسیەتن کە نوسەری ئەمریکی" کینت کینیث' ساڵی ١٩٦٨ نوسیونی و پاشتر لەساڵی 2002 کردونیەتە کتێبێک بەناوی " بەهەرحاڵ " کە لەوکاتەدا بوە پڕ فرۆشترین کتێبی ئەمریکی و، بۆ زۆر زمانی تریش وەرگێڕدرا و بوە جێگەی سەرنجی دنیاو ،لەسەردەرگاو دیوارەکان هەڵواسران.
وەسیەتەکان:
١-مرۆڤەکان نالۆجیکین و تەنها بەرژەوەندی خۆیانیان ئەوێت.
بەهەرحاڵ، هەر خۆشت بوێن.
٢-ئەگەر کاری باشت کرد ،خەڵک بەوە تاوانبارت دەکەن کە پاڵنەری خۆویست و نهێنیت هەیە.
بەهەرحاڵ، کاری چاک هەربکە.
٣- گەر سەرکەوتنت بەدەست هێنا، دەبیتە خاوەنی دۆستی ساختەو دوژمنی ڕاستەقینە.
بەهەرحاڵ ،سەرکەوتووبە.
٤-ئەو چاکەیەی ئەمڕۆ دەیکەی، سبەی لەبیر دەچێتەوە.
بەهەرحاڵ، هەر چاکە بکە.
ڕاستگۆیی و ڕاشکاوی ،دەتکەنە جێگای ڕەخنە.
بەهەرحاڵ، هەر ڕاستگۆو ڕاشکاوبە.
٦-مەزنترین پیاوان و ژنان کە هەڵگری مەزنترین بیرۆکەکانن،دەشێت لەلایەن بچوکترین لەو ژنان و پیاوانەوە ڕاوەستێنرێن کە خاوەنی بچوکترین ئاوەز(ئەقڵن).
بەهەرحاڵ، هەر هەڵگری بیرۆکەی مەزن بە.
٧-خەڵکی، چەوساوەکانیان خۆشدەوێت،بەڵام دەبنە پاشکۆی چەوسێنەران.
بەهەرحاڵ،هەر لەپێناوی چەوساوەکاندا تێبکۆشە.
٨-ئەوەی ساڵانێک بۆ بنیاتنانی سەرف دەکەیت ،ڕەنگە لەچاوتروکانێکا هەرەس بێنێت.
بەهەرحاڵ ،هەر بنیات بنێ.
٩-خەڵک زۆر پێویستیان بە یارمەتی هەیە،بەڵام کاتێک یارمەتیان دەدەیت ڕەنگە هێرشت بکەنەسەر.
بەهەرحاڵ،هەر یارمەتیان بدە.
١٠-گەرباشترین شتی خۆتت بە دنیا بەخشی،هەندێک هەر بەخراپەکاری وەڵامت دەدەنەوە.
بەهەرحاڵ،باشترین شتی خۆت بە دنیا ببەخشە.
هونەر و زانست
لە عەرەبیەوە وەریگێڕاوە
به‌روار: 30/01/2023
191 جار خوێندراوه‌ته‌وه
|