|
مردم لە ئەحمەدئاوا بمنێژن.
د.مایکڵ دۆناڵد هیستن، دكتۆرێكی ئەمەریکییە، پزیشكی بواری هیستۆپاسۆلۆجییە، 14 ساڵە لەهەرێمی کوردستان و لەشاری سلێمانی دەژیت، لە نەخۆشخانەی شۆڕش کاردەکات خۆبەخشانە، ڕۆژانی هەینیش دەچێتە نەخۆشخانەی هیوا.
لەکۆتا لێدوانیدا وتی گەرمردم مەمنێرنەوە بۆ ئەمریاکا لە ئەحمەدئاوا بمنێژن.
چیرۆکەکە لێرەوە دەست پێدەکات، دکتۆر مایکڵ نەخۆش گەلێکی زۆر لەکوردستان ڕوی لێ دەکەن، چەند نەخۆشێکی گوندی ئەحمەدئاواش ڕوحیان شادبێت کە ژیانیان ئاوەبووە پێشتر سەردانی دکتۆر مایکڵیان کردوە، ڕێز نواندنی زۆری کەسوکاری نەخۆشەکان بۆ دکتۆرو میوانداری کردنی بۆ گوندی ئەحمەد ئاوا سەرتای ئاشنابونی دکتۆر ئەبێت بەم گوندە، هەر ئەمەش وادەکات بڵێت گەر مردم مەم بەنەوە بۆ نیشتمانی خۆم لێرە و لە گوندی ئەحمەدئاوا بم نێژن، هاوکاتیش خاتو دکتۆرە ڕوناک عبدالقادر کە ئەحمەد ئاوا زێدی دایکیەتی و خوێندکاری دکتۆر مایکڵ دەبێت زوزو لەگەڵ خۆی بەرەو گوندی ئەحمەد ئاوا دەیبات و تێکەڵی لەگەڵ دانشتوانی گوند زیاتر دەبێت.
منیش دەڵێم لێی مەگرن چونکە دکتۆرم بینیوە لە مەڕاسیمی بەخاک سپاردنی نەخۆشەکانی ئامادەبووە لە ئەحمەد ئاوا، چلۆن خەڵکی دێ گەورەو بچوک ماتەم دەگێڕن پولێک شین دەکەن و پولێک گۆڕ ئامادەدەکەن، مەگەر هەرخودا خۆی بزانێت چەند بەڕێزەوە ماڵئاوای لەمردوەکەیان دەکەن، ئەم دیمەنانە وای لە دکتۆر مایکڵی هەشتاو پێنج ساڵ کردوە خەم لەڕۆژی پرسەکەی بخوات، خۆی چاک دەزانێت جەستەی ئەمانەتی دەستی کێ بکات، چەند بەڕێزەوە بەخاکی دەسپێرین،
نازانم تەمەنی من درێژتر ئەبێت لە دکتۆر یاننا، لێ ئەگەر عومری من باقی بوو، داخی مەرگی مایکڵم چەشت بەڵێن بێت بەدەستی خۆم ئەسپەردەی خاکی بکەم جوانترین مەزاریشی بۆبکەم، دڵنیام ئەحمەد ئاواش بەکۆڵێک لەعشقەوە لەئامێزی دەگرێت.
بەیارمەتی شێرکۆ بێکەس منیش دەڵێم
لێرە بمرە .. جانی جانان!
لێرە بمرە
شەماڵی ئێرە تۆ دەناسێ و
داڵ و هەڵۆکانی
ئێرەش دەزانن
تۆ لەكام بەفری شاخانی!
لێرە بمرە
جانی جانان!
لێرە بمرە
من دەزانم خاکی ئێرە
عاشقەو مەیل بڕە
بۆنت ئەکاتەبەری
دار سۆنبەرەکانی دێێ
هەمو ساڵێ
کرسمسان پەخشت ئەکا
من دڵنیام غەریب نابیی
لێرە گردە گوێیت بودەگرێ
نەیجەکۆڵە کۆڵی غەریبت لەکۆڵ ئەنێ.
ڕەزی نێو مەزارەکە سەمات بۆدەکا
سێداران بەزمانی خۆتو کوردی و هەورامی
بۆت ئەچڕێ کەوئاسا.
لێرە بمرە جانی جان لێرە بمرە.
شوان هەورامی .
به‌روار: 01/07/2022
524 جار خوێندراوه‌ته‌وه
|