|
عێراق داوا له‌توركیا ده‌كات رێز له‌سه‌روه‌ری خاكی عێراق بگرێت
وته‌بێژی فه‌رمانده‌ی گشتی هێزه چه‌كداره‌كانی عێراق داوای له‌توركیا ده‌كات رێز له‌سه‌روه‌ری خاكی عێراق بگرێت.
ليوا یه‌حیا ره‌سوڵ، وته‌بێژی فه‌رمانده‌ی گشتی هێزه چه‌كداره‌كانی عێراق له‌كۆنگره‌یه‌كی رۆژنامه‌وانیدا رایگه‌یاند، عێراق رێز له‌سه‌روه‌ری خاكی وڵاتانی دراوسێ ده‌گرێت‌و له‌سه‌ر ئه‌وانیش پێویسته كه رێز له‌سه‌روه‌ری عێراق بگرن. وتیشی، "هێزی پێشمه‌رگه به‌شێكه له‌سیسته‌می به‌رگری نیشتمانی عێراق‌و قوربانیانداوه‌و له‌گه‌ڵ ئێمه شه‌ڕیان كردووه بۆ رزگاركردنی خاكی عێراق." وته‌بێژی هێزه چه‌كداره‌كانی عێراق جه‌ختییكرده‌وه، سه‌باره‌ت به‌هێرشه‌كانی توركیا، له‌به‌یاننامه‌یه‌كدا هێرشه‌كان سه‌ركۆنه كراون، له‌سه‌ر هه‌مووان‌و توركیاش پێویسته رێز له‌سه‌روه‌ری عێراق بگرن، سه‌روه‌ری خاك‌و ئاوو ئاسمانی عێراق. ليوا یه‌حیا ره‌سوڵ ڕاشیگه‌یاند، حكومه‌تی عێراقیش كار له‌سه‌ر ئه‌مه ده‌كات، به‌ڵێ پێشێلكاری رویداوه‌و له‌رێگه‌ی فڕۆكه‌و تۆپخانه‌كانه‌وه، ئێمه نامانه‌وێت خاكی عێراق بۆ هیچ هێرشێكی تیرۆریستی دژی هیچ كام له‌وڵاتانی دراوسێ به‌كاربهێندرێت، ئێمه رێز له‌سه‌روه‌ری ئه‌و وڵاتانه ده‌گرین، له‌سه‌ر ئه‌وانیش پێویسته، رێز له سه‌روه‌ری ئێمه بگرن."
ئاوێنە
به‌روار: 14/06/2021
1091 جار خوێندراوه‌ته‌وه
|