کۆمیتەى بەڕێوەبەرى پەکەکە کۆبووەوە
فورات نیوز

کۆبوونەوەى کۆمیتەى بەڕێوەبەرى پەکەکە لە چیاکانى کوردستان لە رۆژانى ٢١ تاوەکو ٢٤ى نیسان / ١ تاوەکو ٤ى جۆزەردان ئەنجامدرا. کۆمیتەى بەڕێوەبەریى پەکەکە لەبارەى کۆبوونەوەکە و ئەنجامەکانییەوە راگەیاندراوێکی بڵاوکردەوە.

کۆمیتەى بەڕێوەبەری پەکەکە رایگەیاند، رۆژانى ٢١ تاوەکو ٢٤ى نیسان / ١ تاوەکو ٤ى جۆزەردان کۆمیتەى بەڕێوەبەریى پەکەکە کۆبوونەوى ئاسایى خۆى بەڕێوەبرد. لەو بارەیەوە راگەیاندراوێکى بڵاوکردەوە و تیایدا هاتووە "بەرخۆدانى شۆڕشگێڕ – دیموکراتیکى هەمەلایەنەی گەلەکەمان و دۆستەکانی لە دژى هێرشی هەمەلایەنەى فاشیست – پاکتاوکار، لە هەموو رووەکانى ئایدۆلۆژی، سیاسی، ڕێکخستنی و سەربازییەوە بە بەرفراوانى هەڵسەنگاندنى بۆ کرا".

ئەوەشی تیادا هاتووە، بۆ بەهێزکردنى تێکۆشانى ئازادی و دیموکراسی لەسەر بنەماى بەرخۆدانى هەمەلایەنە بڕیار و پلانى پێویست دەستنیشانکران.

لە بەردەوامیى راگەیاندراوەکەدا ئاماژە بەوەکراوە "کۆبوونەوەکەمان لە کەسایەتیى شەهید دەلال ئامەد و شەهیدانى بەرخۆدانى عەفرین، هەموو شەهیدەکانمان بۆ رێگاى ئازادی و دیموکراسی بە یادهێنایەوە. سڵاوى لە هەڵوێستى تێکۆشەرانەى گەلەکەمان و هێزە دیموکراتیکەکان کرد، کە لە ٨ى مارس، نەورۆز، بەرخۆدانى عەفرین و ١ى ئایار چالاکییان ئەنجامدا و سڵاویشمان نارد بۆ چالاکییە مێژووییەکانى گەریلا قارەمانەکانمان لە دژى داگیرکەری فاشیست – پاکتاوکار.  بانگیش لە هەموو هێزە دیموکراتیکەکان کرا، کە لە دژى فاشیزمى ئاکەپە – مەهەپەى داگیرکەر و چەوسێنەر و پاکتاوکار، تێکۆشانى ئازادی و دیموکراسییانەى خۆیان زیاتر و بەهێزتر بکەن".  

گۆشەگیریى سەر ئۆجەلان

لە کۆبوونەوەی دەستەى بەڕێوەبەرایەتیماندا بارودۆخى گشتیى بەرخۆدانى دیموکراتیک و هەمەلایەنە لە دژى هێرشە هەمەلایەنەکانى فاشیەت هەڵسەنگاندنى بۆ کرا. گوشار و گۆشەگیریى قورس لە ئیمرالی لەسەر رێبەر عەبدوڵا ئۆجەلان و هاوڕێیانى تر لە زیندانەکانى تردا، بابەتێکى تایبەتى گفتوگۆى کۆبوونەوەکە بوون. لەو بارەیەوە دەستنیشانکرا، کە لە دژى واتەواتى شەڕی دەروونی هۆشیار بن و لە بەرامبەر گوشار و گۆشەگیریییەک، کە فاشیزمى ئاکەپە – مەهەپە چڕ و قورستری دەکەنەوە، بە بەرپرسیارێتییەوە بجوڵێنەوە.

 ڕێکخراوى جیهانیى دژ بە ئەشکەنجە (سی پی تى) پێش نەورۆز راپۆرتێکى بۆ راى گشتى بڵاوکردەوە، کە ٢ ساڵ لەوە پیش ئامادەى کردبوو. ئەوە بۆ چاوەڕوانی و نیگەرانییەکانى گەلی کورد نەبووە وەڵامدەر. بە پێچەوانەوە، ڕێگاى بۆ توڕەبوونى گەل و دۆستانى کورد کردەوە.

لە کۆبوونەوەکەماندا ئەوەمان لە چوارچێوەى شەڕی دەروونیى فاشیزم و وەک هەوڵیک بۆ قەتیسکردنى ناڕەزایەتییەکانى گەل لێکدایەوە. لە کۆبوونەوەکەماندا جاریکیتر ئەوە دەستنیشانکرایەوە، کە نزیکایەتی بەرامبەر رێبەر عەبدوڵا ئۆجەلان هێڵی سووری گەلی کورد و هەموو هێزە دیموکراتیکەکانە.

 ئاماژەش بەوەکرا، بۆ ئەوەى کۆمەڵگە و راى گشتى بەشێوەیەکى باش زانیارییان پێبدرێت و ئاگادار بکرێنەوە، دەبێت سی پى تی، بنەماڵە، پارێزەران بتوانن بەشێوەى رێکوپێک بچن بۆ ئیمرالی. داواش لە هەموو لایەنە پەیوەندیدارەکان کراوە، کە بەرامبەر ئەو بابەتە زیاتر بە بەرپرسیارێتییەوە بجوڵێنەوە و هەوڵ بدەن.

لە کۆبوونەوەکەشماندا سڵاومان بۆ تێکۆشان و کەمپەینەکان، کە بۆ ژیانی ئازادی رێبەر عەبدوڵا ئۆجەلان ئەنجام دەدرێن نارد. بانگیش لە گەلەکەمان و دۆستەکانمان لە هەر چوارپارچەى کوردستان و دەرەوەى وڵات کرد، کە چالاکی و تێکۆشانە مێژوویەکەتان لەسەر ئەو بنەمایە گەورەتر و بەهێزتربکەن.

یەکێتیى نەتەوەیى

کۆبوونەوەى کۆمیتەى بەڕێوەبەری، هاوکات لەگەڵ گرنگیى تێکۆشان بۆ دیموکراسی و ئازادى، سەرنجیشی خستەسەر گرنگیى مێژوویى یەکێتیى و تێکۆشان لە هەموو ئاست و گۆڕەپان و قۆناغەکاندا. لەسەر ئەو بنەمایە دەستنیشانکرا، کە دەبێت لە ناو گەلی کورددا یەکێتیى نەتەوەیى – دیموکراتیک بەئافرێنرێت و لە هەر چوارپارچە و لە دەرەوەى وڵات لەگەڵ گەلانى تر تێکۆشانى هاوبەش بەڕێوەببرێت. لەسەر ئەو بنەمایە جارێکیتر ئەوە دەستنیشانکرایەوە، کە لە هەر ئاست و گۆڕەپانکێکدا بە ئەرکی خۆیان هەستن. بانگیش لە هەموو هێزە پەیوەندیدارەکان کرا، کە ئەوانیش بە بەرپرسیارێتیى مێژوویى خۆیان هەستن. بەشێوەیەکى تایبەت ئەوە دەستنیشاکرا، کە ئەوە یەکێکە لە فەرمانەکانى مێژوو و شەهیدەکانمان.

شەهیدانى مانگى ئایار بە بیرهێنرانەوە

کۆبوونەوەنەوەى بەڕێوەبەرایەتیى حزبمان لە کۆتایى مانگى نیسان و ماوەیەکی کەم، لە پێش مانگى شەهیدانمان، واتە شەهیدانى ئایار بەڕێوەچوو. بەڕاستی مانگى ئایار بۆ شۆڕشى کوردستان و تورکیا مانگێکە، کە هەموو رۆژێکى بە خوێنى دەیان شۆڕشگێڕی قارەمان نەخشێنراوە. بەو هۆیەشەوە، ئێمەی ئەندامانى کۆمیتەى ناوەندیى پەکەکە، محەمەد قەرەسونگور فەرماندەى بەرخۆدانى حیلوان – سیوەرەگ و میلیتانی هێژاى حزبەکەمان، ئیبراهیم بیلگین لە ٣٥هەمین ساڵیادى شەهیدبوونیاندا بە ڕێزەوە و بەپێزانیەوە بە بیر هێنایەوە.

هەروەها ئێمە فەرماندەى هەرێمى ئامەد، هاوڕێ ئازاد سیسەر، کە شەهیدى ئێمەى ٢ى ئایارە، لە دووەمین ساڵیادى شەهادەتەکەیدا بە ڕێز و پێزانینەوە بەیاد دەهێنینەوە.

پێشەنگەکانی بزووتنەوەى شۆڕشگێڕیى تورکیا دەنیز گەزمیش، یوسف ئاسلان و حوسێن ئینان، کە لە ٦ى ئایاری ١٩٧٢دا لەسێدارەدران، لە ٤٦هەمین ساڵیادی شەهادەتەکەیاندا بە ڕێزەوە یادیان دەکەینەوە.

هەروەها ئۆلاش بایراکدار ئۆغڵو یەکێک لە رێبەرەکانى بەرخۆدانى گەزی و شۆڕشى تورکیا، دۆستى راستگۆى گەلی ڕۆژئاوا و گەلانى سوریا، کە لە ٩ى ئایاری ٢٠١٧دا لە شەڕی دژ بە داعشدا شەهیدبوو، لە یەکەمین ساڵیادى شەهادەتەکەیدا بە ڕیزەوە یادى دەکەینەوە.

ئۆزان مزگین (غوربەت ئایدن) فەرماندەى گەریلا و پێشەنگى هونەر و میلیتانى ژنى ئازاد، کە لە ١١ى ئایاردا شەهید بوو، لە ٢٦ هەمین ساڵیادى شەهادەتەکەیدا بەڕێز وخۆشەویستییەوە یادى دەکەینەوە.

ئێمە جارێکیتر بەڵێن دەدەینەوە، کە خاوەندارى لە یاد و ئامانجى هەموو شەهیدەکانمان، کە بۆ هەبوون و ئازادی شەهیدبوون، دەکەینینەوە و ئامانجەکانیان بە مەنزڵ دەگەیەنین و سەریدەخەین. ئێمە بانگ لە گەلە وڵاتپارێزەکەمان و هەموو هێزە دیموکراتیکەکان دەکەین، کە لە هەموو رۆژێکى مانگى ئایاردا شەهیدە قارەمانەکانمان بە بیر بهێننەوە و لەسەر هێڵى شەهیدان خۆیان نوێ بکەنەوە و تێکۆشانى ئازادى گەش بکەن".

 فورات نیوز
به‌روار:  02/05/2018
148   جار خوێندراوه‌ته‌وه
  بابه‌تی زیاتر ...
دەزگای کۆچ کاری پارێزەرە حکومدراوەکان ڕادەگرێت 2:07 min لیستەی هەڵبژاردەکانم 78 بڵاو کرایه‌وه‌ kl 10.40 دەزگای کۆچ کاری ١٠ پارێزەر و دادناسی ڕەسمی کە نوێنەرایەتی پەنابەر درێژه‌ ...
مانگرتنی مامۆستایانی بەشێک لە شارەکانی رۆژهەڵاتی کوردستان و ئێران دژی کەمی موچەکانیان و بارگرانی ژیانی خوێندکاران و مامۆستایان بەردەوامە و ناوەندی هاوکاری حزبەکانی رۆژهەڵاتی کوردست درێژه‌ ...
بێجگە لە ئەو کەسانەی گیانیان لە دەستدا، ١٣ کەسیش بە برینداری ڕەوانەی نەخۆشخانە کراون. لانی کەم ٢٢ کەس، لە نێویاندا منداڵان، گیانیان لە دەستدا کاتێک لۆرییەک لە تورکیا کە هەڵگری ک درێژه‌ ...
لەم سەدەیە دا سینەما و ڕاگەیاندن بوونەتە چەک، چەکی ئابووری ، چەکی سیاسی و چەکی ... کورد لە کوردستانی باشوور چۆن لەم چەکە دەڕوانێ و تا چەند کەڵکی پێویستی لێوەرگرتووە؟ تا چە درێژه‌ ...
وێنەو لیستی ناوی ژمارەیەک لەو قوربانیانەی بڵاو کرایەوە کە دوێنێ لە دەریای ئیجە-ی تورکیا بەهۆی وەرگەڕانی بەلەمەکەیانەوە گیانیان لەدەستدا. ئەمڕۆ پێنجشەممە فیدراسیۆنی پەنابەران وێ درێژه‌ ...
خەندان- میدیاکانی تورکیا ناسنامەی ئەو ژنەیان ئاشکراکرد کە لە ڕووداوی نقومبوونی بەلەمێکی کۆچبەران لە دەریای ئیجە ڕزگاری بوو. بەپێی زانیاریەکانی ماڵپەڕی"ئێن سۆن هەبەر"ی تورکی ژنە درێژه‌ ...
ئاری جەلال سەرپەرشتیاری گشتی فیدراسیۆنی پەنابەران بە دیجیتاڵ میدیای ئێن ئاڕ تی راگەیاند، ئەو كۆچبەرانەی کە شەوی چوارشەممە یەختەكەیان لە كەناراوەكانی ئیزمیر لە دەریای ئیجەدا نقومبوو درێژه‌ ...
ناوەندی راگەیاندنی یەپەگە راگەیانداورێکى لەبارەى ئۆپراسیۆنێکى تایبەتى یەکەى دژە تیرۆر (یات - Y.A.T)ی سەر بە یەپەگە لە دژی شانە نووستووەکانى چەتەکان بڵاوکردەوە. لەو چالاکییەدا ٣ چەت درێژه‌ ...
خه‌ندان- یه‌ختێكی كۆچبه‌ران له‌ ده‌ریاى ئیجه‌دا نوقم بوو و له‌ كۆى ٣٥ كۆچبه‌ر كه‌ له‌ناو به‌له‌مه‌كه‌دا بوون ته‌نها یه‌ك كه‌سیان رزگارى بووه‌. ئارى جه‌لال سكرتێرى فیدراسیۆنى درێژه‌ ...
ئەوا لە دیوەخانی شێخ حەبیبی تاڵەبانی دانیشتووین لە کەرکوک. کۆڕ گەرم بووبوو، قسە هاتە سەر نێربازی کە باشە یان خراپە؟! مەلایەک لەوێ بوو وتی: وەڵا بابم لە کتێبا ئەفەرموێ، ئەگەر یەکێ ل درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   134
کۆی سه‌ردان:   17289713