|
بەردی بناخەی گەورەترین کونسوڵخانەی ئەمریکا لە هەولێر دانرا
نه‌وا
باڵیۆزی ئه‌مریكا له عیراق رایگه‌یاند، هه‌رێمی كوردستان ده‌بێته خاڵێكی گرنگی وه‌به‌رهێنان. سه‌رۆكی حكومه‌تی هه‌رێمیش ده‌ڵێت "ئه‌مریكا پشتگیری له سه‌قامگیریی كوردستان ده‌كات".
ئه‌مڕۆ له‌میانی دانانی به‌ردی بناغه‌ی كۆمه‌ڵگه‌ی كونسوڵخانه‌ی گشتی ئه‌مریكا له شاری هه‌ولێر، دۆگلاس سیلیمان باڵیۆزی ئه‌مریكا له عیراق وتی "ئه‌مریكا به بایه‌خه‌وه ده‌ڕوانێته هه‌رێمی كوردستان و به گرنگه‌وه كاری له‌گه‌ڵدا ده‌كات".
وتیشی "هه‌رێمی كوردستان له داهاتوودا ده‌بێته خاڵێكی گرنگی وه‌به‌رهێنان".
له‌لایه‌ن خۆیشیه‌وه نێچیرڤان بارزانی سه‌رۆكی حكومه‌تی هه‌رێمی كوردستان خۆشحاڵی خۆی به بنیاتنانی كۆمه‌ڵگه‌ی كونسوڵخانه‌ی گشتی ئه‌مریكا له هه‌ولێر ده‌ربڕی و ئاماژه‌ی به‌وه‌كرد، ئه‌مریكا په‌یوه‌ندییه‌كانی له‌گه‌ڵ هه‌رێمی كوردستان په‌ره‌پێده‌دات و گرنگی به سه‌قامگیری كوردستان ده‌دات.
كۆمه‌ڵگای كونسوڵخانه‌ی ئه‌مریكا ده‌كه‌وێته سه‌ر رێگای هه‌ولێر- پیرمام و به گه‌وره‌ترین كۆمه‌ڵگه‌ی دیپلۆماسیی ئه‌مریكا داده‌نرێت له ناوچه‌ی خۆرهه‌ڵاتی ناوه‌ڕاستدا.
به‌روار: 23/04/2018
538 جار خوێندراوه‌ته‌وه
|