بۆ 120 هەمین ساڵڕۆژیی رۆژنامەگەریی كوردی
مالمۆکورد


ئەمڕۆ تەمەنی رۆژنامەگەریی كوردی دەبێتە 120 ساڵ، ئەم ژمارەیە كەم نیە بۆ داهێنان و نوێخوازی و باشتركردنی گوزەرانی میدیاكاران، كەچی هێشتا وێڵین بەدوای پێناسێكی گونجاودا بۆ میدیاكەمان، هێشتا توێژی رۆژنامەنووسان لە هەژارترینەكانی كۆمەڵگەن، هێشتا میدیاكان لەبەرژەوەندی خاوەنەكانیان وەك بەرهەمی تایبەت و تاكەكەس بەكار دەهێنرێن..

*پێنج كەیسی تیرۆركردنی میدیاكاران بەكراوەیی ماونەتەوە.

*میدیاكار لە چەندین لاوەو بەچەندین شێواز دەچەوسێنرێتەوە.

*گرێبەستی كاركردن تەنها لەبەرژەوەندیی خاوەنكارە..

*زانیاری وەك پێویست بەدەست میدیاكار ناگات.

*پەیوەندی نێوان میدیاكارو هێزەكانی ناوخۆ دۆستانە نیە.

*موچە لەكاتی خۆیدا و بەدیاریكراوی ناگاتە گیرفانی میدیاكار.

*بڕی داشكێنراو لەموچەی میدیاكار هەڕەمەكیەو بە یاسا رێكنەخراوە.

*مەحسوبیەت و مەنسوبیەت و جیاوازی لە دامەزراندن و كاركردندا هەیە.

*سەعاتەكانی كاركردن لەهەفتەدا لەستانداردی حیهانی زۆر زیاترن..

*ژنان و كچان لەژینگەو كەشوهەوایەكی میدیای نەگونجاودا كاردەكەن.

*هەڕەشەی دەركردن و نانبڕاو كردن مۆتەكەیەكە بەسەر میدیاكارەوە.

*نەبوونی یاسایەكی كاركردنی گشتگیر كە ماف و ئیمتیازانی میدیاكار بپارێزێت.

*میدیا لەهەندێك شوێندا وەك ئامێرێكی ئەشكەنجە لەجەستەی مێیینەدا كاردەكات.

*لەهەڵمەتەكەكانی هەڵبژاردندا هەندێك كەناڵ دەبنە كارتی تۆقاندنی كۆمەڵگە.

*تیمەكانی روماڵ هەڕەشەی هاووڵاتیانیش دەیانگرێتەوە.

*بژێوی قورسی ژیان وای كردوە هەندێك لەمیدیاكاران وەرزانە كەناڵەكان بگۆڕن.

*گوزەران وایكردوە هەندێك میدیاكار لەشوێنێكدا كار بكەن لەناخدا هاوجۆرو هاوئایدیا نەبن.

*هەڵمەتەكانی كەمكردنەوەو دەركردنی میدیاكاران لەكەناڵەكاندا بە میزاجی بەرپرسەكانە.

*كچانی میدیاكار لەهەندێ جێگادا لەبەردەم هەرەشەی جۆراوجۆردان.

*شەڕی دەروونی و برسی كردن لەكەناڵەكان هێشتا بەجۆرێك لەجۆرەكان هەیە.

*زۆرترین ژمارەی كەناڵمان هەیە بەڵام كەمترین فیدباك و كاریگەیی دروست دەكەن.

*لەدوای 120 ساڵ هێشتا خەون بەكەناڵێكی نیشتمانیەوە دەبینین.

*پەیامی میللەتێكمان بە كەرتكراوی و پچڕ پچڕ یش نەگەیاندوە بە دراوسێ و بێگانەكان.

*لەسەر ئەم هەسارەدا تاكە میللەتێكین میدیاكەمان تەنها بۆخۆمان بێت..

*مەسجی میدیای كوردی ناگاتە دەرەوەی بازنەیەكی داخراو و بچكۆلەی باشووری كوردستان..

*ناوەندە ئەكادیمیەكانی نەیانتوانیوە لەئاستێكی باڵادا میدیاكار دروست بكەن.

*سیستمی وەرگرتنی فێرخواز لە كۆلێژو ناوەندەكاندا پێویستە گۆڕانكاری تەواوی بەسەردا بێت.

*كاربكرێت بۆ دەرچوونی میدیا لەژێر چەترو هەیمەنەی حزب و سێبەری حزب و بازرگانانی میدیادا.

*كاری بەپەلەو بێ دواكەوتن بۆ جێبەجێ كردنی یاسای خانەنشینی رۆژنامەنووسان بكرێت.

-بۆیە لەسەردەمێكی وەك ئەم سەردەمەدا، ناكرێت تەنها پیرۆزبایی بۆ بنەماڵەی بەدرخانیەكان بنێرین و ستایشی رۆڵی ئەوان بكەین، بەڵام گلەییەك لەخۆمان و دەزگاو كەناڵەكانمان نەكەین كە پاش سەدەیەك و بیست ساڵ میدیاكانمان لەم ئاستەدا بن..

هەموومان.. لەدوای تێپەڕبوونی 120 ساڵ پشكێكی ئەم كەمتەرخەمییەو ئەم گلەییانەمان بەردەكەوێت، بۆیە خۆمان بەكەمتەرخەم دەزانین لەئاست ئەو كەلێن و كەموكوڕییانەی كە میدیای كوردی ئەمڕۆ بەدەستییەوە دەناڵێنێت..

لەناو گێژداوی ئەم هەموو كێشەو قەیرانانەی میدیادا دەستمان لەسەر دڵمانە نەك لەسەروبەندی هەڵمەتی هەڵبژاردندا میدیا ببێتە هۆكارێك بۆ تێكدانی یەكڕیزی نیشتمانی و كەتنێك لەدەستی بقەومێت، كە ئیتر نەتوانین رووی سووور بۆ میدیا بگەڕێنینەوە..

بۆیە ئێمە لە لقی سلێمانی سەندیكای رۆژنامەنووسانی كوردستان زۆر بە وردی و لەنزیكەوە چاودێری رەوشی میدیا و كارەكانی دەكەین و هەر لەم پێناوەشدا سەرجەم چالاكی و مەراسیمەكانی ئەم یادەمان دواخست بۆ وادەی دوای هەڵبژاردنەكان، تا لە ژینگەیەكی هێمن و بارێكی دەروونی جێگردا، سەرجەم چالاكیەكانی لقەكەمان بە زنجیرەیەك كۆڕو رێزلێنان و دیاریەوە بۆ كەناڵەكان و میدیاكاران  سازبكەین..

لێرەشدا سڵاوی بەئەمەك و وەفامان بۆ قوتابخانەی رۆژنامەوانانی سلێمانی و رابەری رۆژنامەگەریمان میر مقداد مەدحەت بەدرخان دەنێرین.

لقی سلێمانی

سەندیكای رۆژنامەنووسانی كوردستان

 

 

لقی سلێمانی پێشوازی لە میوانانی دەكات

سڵاوی كارو میدیا

هەروەك پێشتریش رامان گەیاندبوو سەرجەم چالاكی و دیدارو سیمنارەكانمان كە تایبەتن بە ساڵرۆژی رۆژنامەگەریی كوردیەوە دوادەخەین بۆ پاش وادەی هەڵبژاردنەكانی مانگی مایس و بەهیواین لەكەشو هەوایەكی جێگرو هێورتردا خزمەت بە میدیاكاران و كەناڵەكانیان بكەین..

بۆیە بەبۆنەی یادی 120 ساڵەی رۆژنامەگەریی كوردیەوە كە هاوزەمان 22/4/2018 یەك شەممە رۆژی پیرۆزی میدیای كوردیمانە ئەو یادە رووناكتر دەبێت.. ئێمە لە لقی سلێمانی لە سەعات 9 نۆی بەیانیەوە تا 12 ی نیوەڕۆ پێشوازی لە میوانەكانمان دەكەین..

بەخێرهاتن سەرچاوان

لقی سلێمانی

سەندیكای رۆژنامەنووسانی كوردستان

 

به‌روار:  23/04/2018
134   جار خوێندراوه‌ته‌وه
  بابه‌تی زیاتر ...
رۆژی ١٩ى ئابی ١٩٧٩ / ٢٨ى گەلاوێژی ١٣٥٨ى کۆچی هەتاوی و هاوکات لەگەڵ گەشەى بزووتنەوەى گەلی کورد لە رۆژهەڵاتى کوردستان و یەک ساڵ لە دواى هاتنە سەر کاری رژێمى کۆمارى ئیسلامیى ئێران، خو درێژه‌ ...
لە شارۆچکەی خانەقین پیاوێکی قەرزار لە دووکانی خاوەن قەرزەکەدا خۆی سوتاند. ئه‌مڕۆ هاوڵاتییەکی دانیشیشتووی شارۆچکەی خانەقین-ی سەر بە پارێزگای دیالە بەناوی ئیسماعیل ئه‌کره‌م له‌ د درێژه‌ ...
كه‌ناڵه‌ ناسراوه‌كانی ئه‌ڵمانیا باس له‌گه‌ڕانه‌وه‌ی ئه‌و كچه‌ ئێزیدیه‌ ده‌كه‌ن بۆ هه‌رێم و داواكاری گشتیشی هێنایه‌ قسه‌ دوای ئه‌وه‌ی ئه‌شواق حاجی حه‌میدی كچه‌ ئێزیدی هه‌ڵاتووی ده‌ درێژه‌ ...
رووداو - هەولێر سکرتێری گشتیی پێشووتری نەتەوە یەکگرتووەکان و براوەی خەڵاتی نۆبڵ بۆ ئاشتی، کۆفی عەنان ئەمڕۆ لە تەمەنی 80 ساڵیدا کۆچی دواییکرد. کۆفی عەنان لەدایکبووی 1938ـی غ درێژه‌ ...
په‌نابه‌ره‌ كورده‌كه‌ی‌ دوورگه‌ی‌ مانوس نوێترین كاری‌ خۆی‌ بلاَوكرده‌وه‌ به‌هرۆز بوچانی‌ ، ئه‌و په‌نابه‌ره‌ كورده‌یه‌ كه‌ ماوه‌ی‌ پێنج ساڵه‌ له‌ كه‌مپه‌كانی‌ دوورگه‌ی‌ مانوس ده‌ درێژه‌ ...
رووداو - هەولێر سەرۆکی ئەمریکا راگەیاند، ماوەیەکی زۆرە تورکیا بووەتە کێشە و وەک دۆست مامەڵەی نەکردووە. دۆناڵد ترەمپ، سەرۆکی ئەمریکا لە نوێترین لێدوانیدا کە بە پەیامنێرانی ر درێژه‌ ...
بە بەشداری هەزاران کوردستانی هێرشی دەوڵەتی تورکیا بۆسەرشەنگال لە چەندین شاری ئەورووپایی شەرمەزارکرا. هێرشی دەوڵەتی تورکیای داگیرکەربۆسەرشەنگال لە شارەکانی فرایبوورگ، مانهەیم، شتوت درێژه‌ ...
سەرۆکی پارتی دیموکراتەکانی سوید دەڵێ بۆ ئەوەی کەسێک ببێ بە سویدی پێویستە هەموو میژوو و ڕابردووی سوید بە هی خۆی بزانێ. پرۆسەی ئەم ئاسیمیلەبوونەش کاتێکی زۆری دەوێ. درێژه‌ ...
ئەو شتانەی كە ئینسان لە مەكتەب فێریان نابێ‌ 1- چۆن بە كۆمێنتێ‌ بەرامبەرەكەت راو ئەكەی؟ 2- سێ‌ رێگای كورت بۆ گەیشتنە هەندەران. 3- باشترین جۆرەكانی ماستاو. 4- لەپڕێك ببە بە كوڕ درێژه‌ ...
ئەمڕۆ هەڵبژاردنی پێشوەختە بۆ هاوڵاتیانی سویدی دەرەوەی وڵات دەست پێدەکات و هاوڵاتیانی سویدی دانیشتووی هەرێمی کوردستان دەتوانن لە شاری هەولێر دەنگ بدەن. ئەمساڵ کۆمسیۆنی هەڵبژاردن درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   63
کۆی سه‌ردان:   17085537