لهكهربهلا باس باسی ئهیلان كوردییه
شۆڕش محەمەد
مالمۆکورد
فیلمی (ئهیلان)ی دهرهێنهر جوبرائیل ئهبوبهكر كه بهسپۆنسهری زانكۆی نۆلج بهرههمهێنراوه، لهفێستیڤاڵێكی سینهمایی نێونهتهوهیی لهشاری كهربهلا بهشداری پێشبڕكێی سهرهكی دهكات.
دهرهێنهر جوبرائیل ئهبوبهكر لهبارهی فێستیڤاڵهكهوه وتی "فیلمی (ئهیلان) بهشداری پێشبڕكێی سهرهكی خولی چوارهمی فێستیڤاڵی نههجی نێودهوڵهتی دهكات".
وتیشی "فێستیڤاڵهكه له رۆژانی 1تا5ی نیسانی 2018، لهشاری كهربهلا ئهنجام دهدرێت".
لهبارهی چیرۆكی فیلمهكهش دهرهێنهری فیلمهكه وتی "چیرۆكی فیلمهكه باس له ئهیلان كوردی دهكات كه لهسوریا شهڕ دهستپێدهكات لهگهڵ خێزانهكهی رێگهی تاراوگه دهگرنه بهر و بهرهو توركیا بهڕێدهكهون، بهڵام لهوێ بهر لهوهی بگهن بهكهناری ئارامی شهپۆلهكانی دهریا دهیكاته قوربانی".
فیلمی سینهمایی (ئهیلان) لهلایهن جوبرائیل ئهبوبهكر كاری دهرهێنانی بۆ كراوه و ئومێد رۆژ كاری مۆسیقای فیلمهكهی جێبهجێكردووه و ههروهها ئالان رۆژبهیانی كاری گرافیك و دیزاینی فیلمهكهی جێبهجێ كردوه.
دواههمین فیلمی سینهمایی دهرهێنهر جوبرائیل ئهبوبهكر فیلمێك بوو بهناوی (بێدهنگی ئاسمان) كه لهدهیان فێستیڤاڵی سینهمایی جیهانیدا بهشداری كردو چهندین خهڵاتی بهدهستهێنا.
جوبرائیل ئهبوبهكر رهحمان لهدایكبوی ساڵی 1983ی شاری ههولێره، لهساڵی 2001هوه دهستیداوهته كاری سینهمایی و لهنزیكهی 40 كورته فیلمدا یاریدهدهری وێنهگر بوه و له 13 فیلمی سینهمایی درێژیشدا یاریدهدهری وێنهگر بوه و لهساڵی 2010هوه كاری دهرهێنانی سینهمایی دهكات.
بهروار: 05/04/2018
1293 جار خوێندراوهتهوه
|