|
سبەینێ خۆپیشاندانی سەرتاسەریی ئەنجام دەدەین
مامۆستایانی ناڕازی و فەرمانبەران و بەشێک لە چین و توێژە جیاوازەکانی سلێمانی جارێکی تر لە بەردەم دادگای سلێمانی گردبوونەوە و خۆپیشاندانیان ئەنجامدا و تیایدا جەختیان لە داواکاریەکانیان کردەوە کە دیارترینیان هەڵوەشاندنەوەى سیستمی پاشەکەوتى موچەیە بە تەواوی.
بەشێک لە خۆپیشاندەران ئاماژە بەوە دەکەن، ئەوان لە ئەنجامى بێ متمانەیی حکومەت لەو چاکسازییانەى لە چەند ساڵى ڕابردوودا لە بوارە جیاوازەکاندا ڕایگەیاندووە بڕوایان بە بەڵێنەکانیان نەماوە و تا هەڵوەشاندنەوەی سیستمی پاشەکەوتی موچە بەردەوام دەبن لە بایکۆت و خۆپیشاندان.
هاوکات ئەنجومەنی مامۆستایانی ناڕازی ڕایگەیاند، ڕۆژی ٣١ ی ئازار لەبەردەم دادگای سلێمانی خۆپیشاندانی سەرتاسەری ئەنجام دەدەن و تا مافەکانیان بەدەست دەهێنن بەردەوامی بەخۆپیشاندانەکان دەدەن.
رۆژی چوارشەممەی ڕابردوو حکومەتى هەرێم کەمکردنەوەى پاشەکەوتى موچەى ڕاگەیاند بەجۆرێک ڕێژەکەى لەنێوان سەدا ١٠ بۆ سەدا ٣٠ دەبێت و لە ٤٠٠ هەزار دینار کەمتریش هیچى لێ پاشەکەوت ناکرێت بەڵام بەشێک لە خۆپیشاندەران، ئاماژەیان بەوەکرد، متمانەیان بە حکومەت نەماوە و بەردەوام دەبن لە خۆپیشاندانەکانیان.
نالیا
به‌روار: 30/03/2018
670 جار خوێندراوه‌ته‌وه
|