|
"داواکارین سوید لەسەر ڕۆژئاوا سست نەبێت و ئاکتیڤ بێت"
سەبارەت بە ڕەوشی ڕۆژئاوای کوردستان بە گشتی و بەتایبەت عەفرین ساڵح موسلیم، هاوسەرۆکی پێشووی پەیەدە و لێپرسراوی دەستەی دیپڵۆماسی تەڤدەم لە پەرلەمانی سوید کە پارتی ژینگە و پارتی سۆسیالدیموکرات میوانداریان کرد بوو کۆنفرانسێکی ڕۆژنامەوانی بەڕێوەبرد.
ساڵح موسلیم بەتایبەت باسی لە ڕەوشی ئێستای عەفرین کردوو.
ئەوەی لە عەفرین دەگوزەرێ تراژیدیایە. هاوکات ئێمە هیچ ئاگایەکمان لە ڕەوشی ئەو هاوڵاتیانەی ماونەتەوە نەماوە. لەبەر ئەوەی کە هەموو تۆڕەکانی گەیاندنیان تەقاندۆتەوە. خزمەتگوزارییەکانی ژیان نەماون و خەڵکی فشارێکی زۆریان لەسەر.
جێی باسە کە ساڵح موسلیم باسی لەوە کرد کە ئەوان ئێستا مەترسییان لە هەموو ڕوویەکەوە لەسەرە. هەروەها باسی لە ئامانجی هاتنەکەیان بۆ سوید کرد وتی.
ئێمە لێرەیەن بۆ ئەوەی دەنگمان بە هەموو لایەک بگات. سوید و وڵاتانی ئەسکەندەناڤیا دەتوانن ڕۆڵێکی دیکە ببین نەک سست بن. هاوکات نەوەک ئەوەی کە ئەمەریکاو ئەورووپا دەڵێن ئەوە بکەن. بۆیە پێویستە ئاکتیڤتر بن لەبەر ئەوەی ئێستا ئەوەی لەگەڵ تورکیا هێرش دەکاتە سەر ئێمە داعشە، بەس بەناوێکی دیکەوە. ڕەوشی ڕۆژئاوای کوردستانیش زۆر سەختە ئێستا.
درێژەی هەواڵ
به‌روار: 23/03/2018
879 جار خوێندراوه‌ته‌وه
|