له‌ به‌رده‌م نه‌ته‌وه‌یه‌كگرتووه‌كان مانگرتن له‌ خواردن ده‌ستیپێكرد
په‌رله‌مانتار و هاوسه‌رۆكه‌كان له‌ به‌رانبه‌ر هێرشه‌كانی توركیا بۆ سه‌ر عه‌فرین، له‌ به‌رده‌م بینای نه‌ته‌وه‌یه‌كگرتووه‌كان له‌ جنێڤ مانگرتن له‌ خواردنیان ڕاگه‌یاند.

ده‌میر چه‌لیك، په‌رله‌مانتاری پێشووی هه‌ده‌په‌ و وته‌بێژی هه‌ده‌كه‌-ئه‌ورووپا، فه‌یسه‌ڵ سارییڵدز په‌رله‌مانتاری شرناخ، ئۆزدال ئوچه‌ر پارله‌مانتاری وان، له‌یلا ئیرمه‌ت هاوشاره‌داری جزیر، بورها كۆجامان هاوشاره‌داری ده‌پێ، ئۆرهان شانسال هاوشاره‌داری سرووج، فاتمه‌ شك بارووت هاوشاره‌داری ناوچه‌ی سووری ئامه‌د، عه‌لیگول ئۆزبه‌ك سه‌رۆكی شاره‌وانی ناوچه‌ی هارنگه‌ی له‌نده‌ن، ده‌نیز ناكی یاریزانی یانه‌ی ئامه‌دسپۆر و فلیز كۆچالی ڕۆژنامه‌وان له‌ به‌رده‌م بینای نه‌ته‌وه‌یه‌كگرتووه‌كان له‌ جنێڤ مانگرتن له‌ خواردنیان ڕاگه‌یاند.
فه‌یسه‌ڵ سارییڵدز، به‌ناوی چالاكانی مانگرتنه‌كه‌ لێدوانێكی ڕۆژنامه‌وانی دا. سارییڵدز ڕایگه‌یاند:‌ له‌ دوای ده‌ستپێكردنی شه‌ڕی سووریا، سه‌دان هه‌زار كه‌س ڕوویان له‌ عه‌فرین كرد و له‌وێ به‌ ئاشتی ده‌ژیان، به‌ڵام له‌ ٢٠ی كانوونی دووه‌می ٢٠١٨\٣٠ی به‌فرانبار ده‌وڵه‌تی توركیا و چه‌ته‌كانی هاوپه‌یمانی ده‌ستیان به‌ هێرشی سه‌ر عه‌فرین كرد و هاوڵاتیانی سیڤیلیان كردنه‌ ئامانج.

به‌پێی یاساكان ئه‌مه‌ تاوانی جه‌نگه‌

سارییڵدز له‌ درێژه‌ی قسه‌كانیدا وتی: به‌پێی لێدوانی ڕێكخراوه‌كانی مافی مرۆڤ و ئه‌نجومه‌نی ته‌ندروستیی كانتۆنی عه‌فرین و نه‌خۆشخانه‌ی عه‌فرین وارگه‌كانی هاوڵاتیانی سیڤیل به‌ فڕۆكه‌، تۆپ و تانك بۆمباران كراون و به‌ سه‌دان سیڤیل به‌هۆی ئه‌و هێرشانه‌ شه‌هید و بریندار بوون. ناوبراو ئاماژه‌ی بۆ ئه‌وه‌ش كرد نه‌خۆشخانه‌ی ئاڤرین بۆردومان كراوه‌ و سه‌رچاوه‌ی ئاوی خواردنه‌وه‌ی شاره‌كه‌ بڕاوه‌، ئه‌مه‌ش به‌پێی یاساكانی نه‌ته‌وه‌یه‌كگرتووه‌كان تاوانی جه‌نگه‌.

به‌رپرسیار، بێده‌نگیی نه‌ته‌وه‌یه‌كگرتووه‌كانه‌

فه‌یسه‌ڵ سارییڵدز، په‌رله‌مانتاری هه‌ده‌په‌ له‌ درێژه‌ی قسه‌كانیدا ڕایگه‌یاند: داعش له‌ عه‌فرین نییه‌، به‌ڵام توركیا ده‌ڵێت له‌وێ له‌ دژی داعش شه‌ڕ ده‌كه‌ن، به‌هۆی بۆردومانی توركیا سه‌دان هه‌زار كه‌س له‌ عه‌فرین ئاواره‌ بوون. سارییڵدز ده‌ستنیشانی كرد چه‌ته‌كانی «سوپای ئازادی سووریا» چوونه‌ته‌ نێو شاری عه‌فرین و ماڵ و دوكانی هاوڵاتیانیان تاڵان كردووه‌. له‌ سووریا داعش و ئه‌لقاعیده‌ زیندوو ده‌بێته‌وه‌، به‌رپرسی ئه‌م دۆخه‌ش نه‌ته‌وه‌یه‌كگرتووه‌كانه‌ كه‌ له‌ به‌رانبه‌ر هێرشه‌كان بێده‌نگه‌.

فه‌یسه‌ڵ سارییڵدز ڕایگه‌یاند: نه‌ته‌وه‌یه‌كگرتووه‌كان و ئه‌مه‌ریكا له‌م قۆناغه‌دا له‌ به‌رانبه‌ر دڕندایه‌تیی بێده‌نگ مانه‌وه‌، به‌مه‌ش له‌ ویژدانی مرۆڤایه‌تیدا سزا ده‌درێن. وتیشی: له‌ كاتێكدا بڕیاری ئاگربه‌ستی نه‌ته‌وه‌یه‌كگرتووه‌كان جێبه‌جێ ناكرێت، نه‌ته‌وه‌یه‌كگرتووه‌كان بێده‌نگی هه‌ڵبژاردووه‌.

داواكاری مانگرتووان:

- پێویسته‌ فڕین له‌ ئاسمانی عه‌فرین قه‌ده‌غه‌ بكرێت.

- پێویسته‌ نه‌ته‌وه‌یه‌كگرتووه‌كان هێزێكی چاودێری بنێرێته‌ عه‌فرین.

- بۆ دابینكردنی پێداویستییه‌كانی ژیانی گه‌لی عه‌فرین، پێویسته‌ ڕێكخراوی خاچی سوور هه‌وڵه‌كانی بخاته‌گه‌ڕ.

- ده‌رفه‌ت بڕه‌خسێنرێت بۆ ئه‌وه‌ی گه‌لی عه‌فرین بتوانن بگه‌ڕێنه‌وه‌ واری خۆیان.

- بۆ ئه‌وه‌ی دیمۆگرافیای عه‌فرین نه‌گۆڕێت، نابێ خه‌ڵكی ده‌ره‌وه‌ی عه‌فرین له‌ عه‌فرین جێگیر بكرێت.

- پێویسته‌ له‌ژێر چاودێری نه‌ته‌وه‌یه‌كگرتووه‌كان كۆمسیۆنێك بۆ لێكۆڵینه‌وه‌ له‌ تاوانه‌كانی جه‌نگی شه‌ڕی ٢ مانگی ڕابردووی عه‌فرین پێكبهێنرێت.

فورات نیوز
به‌روار:  20/03/2018
293   جار خوێندراوه‌ته‌وه
  بابه‌تی زیاتر ...
Share چاپ کردن . پەرلەمانی ئەڵمانیا لەسەر داوایەكی دادگای دەستوری وڵاتەكەی، بڕیاریدا لەخانەی رەگەزی تۆماری باری كەسێتی و لەدایكبووندا لەپاڵ رەگەزی نێر و مێدا خانەیە درێژه‌ ...
.ستێفان لیۆڤێن کە کاندید بوو بۆ پۆستی سەرۆکوەزیران ئەم بەیانییە لە پەرلەماندا دەنگی پێ نەدرا ئێستا دیسان دەبێ سەرۆکی پەرلەمان ئاندرێیاس نۆرلێن بە دوای کاندیدێکی نوێ بۆ پۆستی س درێژه‌ ...
کوشتاری کۆڵبەران و کاسبکارانى رۆژهەڵاتى کوردستان لەلایەن هێزەکانى رژێمى ئێرانەوە بەردەوامە. شەوی رابردوو لە ناوچە سنوورییەکانی سەردەشت بەهۆی تەقەى چەکدارەکانى رژێمى ئێرانەوە کۆڵبە درێژه‌ ...
بەر لە ١٠٤ ساڵ، لەبەرامبەر وەرگرتنی بڕێک پارەدا، کوردێک، شێخ عەبدولسەلام بارزانی ڕادەستی عوسمانییەکان دەکات و کوردێک، کە والی ویلایەتی موسڵ دەبێت لە سێدارەی دەدات، سیاسەتمەداران و درێژه‌ ...
فڕۆكه‌ جه‌نگییه‌كانی سوپای توركیای داگیركه‌ر وارگه‌ی شه‌هید ڕۆسته‌م جوودی له‌ قه‌زای مه‌خموور و گوندی سكێنی-یان له‌ ڕۆژئاوای شاری شه‌نگال بۆردومان كرد. له‌ مه‌خموور ٣ ئه‌ندامی هێزه درێژه‌ ...
سەرۆکی پەرلەمان ئاندرێیاس نۆرلێن لە کۆنفرانسێکی چاپەمەنیدا ئەم بەیانییە وتی پێشنیاری من ئەوەیە پەرلەمان ڕۆژی هەینی دەنگ بۆ پۆستی سەرۆکوەزیران بدات. کاندیدی ئەم جارەش بۆ ئەم پۆ درێژه‌ ...
بەپێی ئامارێکی فیدراسیۆنی سەراسەریی پەنابەرانی عێراقی، لە ماوەی چوار ساڵدا، ٥٥٥ هەزار و ٧٣٥ هاوڵاتی عێراقی کۆچی نایاسایان کردووە و ٢٧٤ کەسیش لە ڕێگای کۆچبەرییدا گیانیان لەدەستداوە. درێژه‌ ...
به‌شێك له‌و په‌نابه‌رانه‌ به‌ڕه‌گه‌ز كوردن به‌هۆی‌ خراپی‌ گوزه‌رانیان، زیاتر له‌ هه‌زار په‌ناخوازی‌ دوورگه‌كان سكالاَ تۆمار ده‌كه‌ن ماڵپه‌ری‌ هه‌واڵی‌ گاردیان بلاَویكرده‌وه‌ دو درێژه‌ ...
🌷پـێـشـکـەش بــەهـــەمــوتــان هــاوڕێــیــان🌷 (((=ئــــامـــێـــزی دڵــــبــــەر=))) مەکەن مەنـعـم خەڵکـیـنـە عـاشقی دڵـبەرم ئـەمشەو نـاوگـوڵـزاری ئ درێژه‌ ...
ە ئۆسلۆی پایتەختی نەرویج و لە مەراسیمێکدا، هەریەك لە نادیە مورادی رزگاربووی دەستی داعش و دێنیس موکوێگی پزیشکی کۆنگۆیی، خەڵاتی نۆبڵی ئاشتییان بۆ ساڵی ٢٠١٨ وەرگرت. لە میانی بەرێوە درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   154
کۆی سه‌ردان:   17463755