عەفرین گەمارۆ نەدراوەو شەڕی سەخت لەدەوروبەری شارەكە یە.
راپۆرتی شیكاری: كەناڵی بی بی سی
سوپای توركیا بانگەشەی ئەوەی كرد، كە بەتەواوی گەمارۆی شاری عفرینی رۆژئاوای كوردستان داوەو هێزە كوردییەكانیش ئەوەیان رەتكردەوە.

سوپای توركیا رۆژی سێ‌ شەممە گەمارۆدانی شاری عفرینی راگەیاند، ئەوەش دوای كۆنتڕۆڵكردنی چەند ناوچەیەكی شارەكە، بەڵام سەرچاوەیەكی كوردی ئەو دەنگۆیانەی رەتكردەوەو رایگەیاند، عفرین گەمارۆ نەدراوەو شەڕی سەخت لەدەوروبەری شارەكە بەردەوامە.

بەهۆی چڕبوونەوەی شەڕەكانی دەوروبەری عفرین، لەرۆژی دوو شەممەوە دەیان هەزار كەس لەناوچەكە ئاوارەبوون‌و چوونەتە ئەو ناوچانەی لەنزیك عفرین بەدەست هێزەكانی سەر بەسوپای سوریاوەن.

مەبەستی ئۆپەراسیۆنی توركیا بۆ سەر عفرین بۆ دەركردنی شەرڤانانی یەكینەكانی پاراستنی گەل یەپەگەیە لەو ناوچەیە، كە ئەو وڵاتە شەرڤانانی یەپەگە بەدرێژكراوەی پارتی كرێكارانی كوردستان پەكەكە دەزانێت.

كەناڵی بی بی سی بڵاویكردەوە، كە بیانووی توركیا بۆ شەڕی پەكەكە ئەوەیە ئەو رێكخراوە چەكدارییە لەناوچە كوردییەكانی وڵاتەكەی شەڕی بۆ سەربەخۆیی كوردستان كردووە، بەهەمان شێوەش یەپەگە شەڕی سەربەخۆیی لەناوچەكانی رۆژئاوای كوردستان ‌و باكووری سوریا دەكات.

كەناڵەكە بڵاویشیكردەوە، كە توركیا جگە لەو بیانووە، پڕچەكردنی یەپەگەشی لەلایەن ئەمریكاوە كردووەتە بیانوویەكی تر بۆ ئەوەی هێرش بكاتە سەر هێزە كوردییەكان لەسوریا، كە واشنتۆن لەو بارەوە تائێستا كاردانەوەیەكی دیاریكراوی نەبووە، جگە لەدەربڕینی نیگەرانی.

ئەمریكا بۆ شەڕی داعش لەساڵی 2015وە دەستی بەهاوكاری یەپەگە كردووەو توركیاش لەو بارەوە نیگەرانی دەردەبرێت‌و دەسەڵاتی ئەنقەرە هۆشداری دەداتە واشنتۆن، كە هۆدارییەكانی گەیان بەشەڕی گرتنی عفرین.

بەپێی روانگەی سوری بۆ مافەكانی مرۆڤ، لەسێ‌ رۆژی رابردوودا لەناوچەكانی عفرین شەڕو پێكدادانی قورس لە نزیكەی 90 گوند روویداوەو شەڕەكانیش بەردەوامی هەیە، كە ئەوە زیانی بەكەسانی مەدەنی گەیاندووە.

هاوكات نوری مەحمود وتەبێژی یەكینەكانی پاراستنی گەل یەپەگە جەختیكردووەتەوە، كە سوپای توركیا سەرجەم رێگاكانی هاتووچۆی خستووەتە ژێر بۆردومانی تۆپخانەو فڕۆكە جەنگییەكانی، كە ئەوە گرفتی بۆ هاتووچۆی هاووڵاتیانی مەدەنی دروستكردووە.
 
هەروەها رایگەیاندووە، ئەوەی توركیا باسی دەكات، گەمارۆی عفرینی داوە، "تەنیا بانگەشەی راگەیاندنەو بۆ بەرزكردنەوەی ورەی هێزەكانییەتی لەشەڕەكان، چونكە چەند ساڵێكە عفرین گەمارۆدراوە".

سوپای توركیا لە 20ی مانگی رابردووەوە دەستی بەئۆپەراسیۆنی سەر كانتۆنی عفرین كردووە، كە بەنزیكبوونەوەی لەشاری عفرین رەنگە هاوكێشەی شەڕەكە بگۆڕێت‌و سوپاكە نەتوانێت پێشڕەوی زۆر بكات، ئەوەش بەهۆی ئەوەی شەرڤانان خۆیان بۆ رووبەڕووبوونەوەی سوپاكە لەدەورەبەری عفرین ئامادەكردووە.

لەگەڵ بەردەوامی هێرشەكان بۆ سەر عفرین كاردانەوە نێودەوڵەتییەكانیش زۆربوون‌و لەدواترین لێدوان‌و كاردانەوە، ئەنتنیۆ گۆتێرێزی سكرتێری گشتی نەتەوەیەكگرتووەكان رایگەیاندووە، شەڕی عفرین بووەتە هۆی ئاوارەبوونی هەزاران كەس‌و مەترسیش لەسەر ژیانی هەزارانی تر دروستبووە.
شارپرێس
به‌روار:  15/03/2018
562   جار خوێندراوه‌ته‌وه
  بابه‌تی زیاتر ...
سوپاس نامه‌ و پێزانین له‌ بنه ‌ماڵه‌ی قازی‌ و بنه ‌ماڵه‌ی بامرني ‌ و له‌ خانه‌واده‌ی خوای لێخۆش بوو خاتون حاجي (خديجة محمود ابراهيم بامرني ) ه‌وه به‌ناوی بنه ما‌لێ قازی و بامر درێژه‌ ...
نەوا نەخۆشخانەی زانكۆی ڤالەنسیا لە ئیسپانا روداوێكی سەیر بەخۆیەوە دەبینێت و ئەویش دوای ئەوەی ژنێكی سپی پێست منداڵێكی رەشپێستی دەبێت، لەگەڵ مێردەكەیدا دەبێت بە هەرا و كێشە و تۆمەتب درێژه‌ ...
(سبەی): دوای کۆتاییهێنان بە داعش لەلایەن شەڕڤانانی هەسەدە و کۆنتڕۆڵکردنەوەی دوا مۆڵگەیان لە شارۆچکەی باغۆز، ئێستا هەموان بە دوای وەڵامی ئەو پرسیارەدا دەگەڕێن کە ئەبوبەکر بەغدادی درێژه‌ ...
وێستگه‌ نیوز ـ سه‌رۆك حزبێكی‌ راستڕه‌وی‌ دانیماركی‌ له‌ كاتی‌ نوێژدا و به‌به‌رچاوی‌ نوێژخوێنانه‌وه‌، ژماره‌یه‌ك قورئانی‌ سووتاند. راسمۆس بالودان سه‌رۆكی‌ حزبی‌ "Hard Line"ی‌ ر درێژه‌ ...
وەزیری دەرەوەی ئەمریکا سەرکەوتنی شەڕڤانانی بە دەستکەوتێکی زۆر زۆر گرنگ و باڵا وەسفدەکات و پیرۆزبایی لە شەڕڤانان و سوپای وڵاتەکەی دەکات. مایک پۆمپیۆ وەزیری دەرەوەی ئەمریکا، لەسەر درێژه‌ ...
فەرمانداریی گشتی هێزەکانی سوریای دیموکراتی-قەسەدە لە مەراسیمێکی سەربازییدا، کە بەرپرسانی چەندین دامودەزگا ئامادە بوون، سەرکەوتنی خۆیان بەسەر داعشدا بۆ ڕای گشتی جیهان ئاشکرا کرد. درێژه‌ ...
ئەو کەسانەی پێشتر پەیوەست ببوون بە داعشەوە و ئێستا گەڕوانەتەوە سوید، کۆمەکی داراییان ناکرێ گەر بێت و لە کۆمۆنی ستافانستۆرپ نیشتەجێ بن. ئەنجومەنی شارەوانی کۆمۆنەکەی ئێوارەی دوێنێ ئە درێژه‌ ...
ئوگور شاکار، کە مانگی شوبات لەدژی گۆشەگیریی لە ئەڵمانیا چالاکیی گیانبازیی ئەنجامدا، دوای ئەوەی زیاتر لە مانگێکە لە نەخۆشخانە بوو، ئەمڕۆ شەهید بوو. ڕۆژی ٢٠ی شوبات لەدژی گۆشەگیریی درێژه‌ ...
باشووری کوردستان گەنجێك لە ھەڵەبجە خۆی خنكاند ئەڤین عەتا ئەڤین عەتا | 3 كاتژمێر لەمەوپێش Share share گەنجێك لە ھەڵەبجە خۆی خنكاند رێژوان نەورۆز، ئەو گەنجەی لە ھەڵەبجە خۆی خنكا درێژه‌ ...
میدیاکانی هۆڵەندا بڵاویانکردەوە، هێزەکانی پۆلیس تۆمەتباری هێرش و تەقەکردنەکەی ئەمڕۆی شاری ئوترێختی ئەو وڵاتەیان دەستگیرکردووە و، سەرۆک کۆماری تورکیاش لەسەر ڕووداوەکە قسەی کردووە، د درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   107
کۆی سه‌ردان:   17734273