|
شەڕڤانێکی ئایسلاندیی لە عەفرین شەهید بوو.
یەکێکی دیکە لە شەڕڤانانی بیانی ناو ڕێزەکان یەپەگە بە ناوی هائوکور هیلمارسن بە نازناوی شاهین حسێن، شەڕڤانی ئایسلاندیی یەکینەکانی پاراستنی گەل (یەپەگە) لە عەفرین شەهید بوو
هیلمارسن لە شەڕەکانی ڕزگارکردنی منبج، تەبقا و ڕەقە لە دژی چەتەکانی داعشدا قارەمانانە بەشداری کردبوو، سەرئەنجام لە بەرخۆدانی سەردەم لە عەفرین لە شەڕ دژی سوپای داگیرکەری تورکیا گەیشتە کاروانی شەهیدان.
ناوبراو پاش شەڕی ڕەقە گەڕابووەوە ئایسلاند، بەڵام لەوێش دەستبەرداری تێکۆشان بۆ چەسپاندنی مافی گەلانی بندەست نەبوبوو، چەندین جار لە لایەن پۆلیسی نێودەوڵەتییەوە بۆ لێکۆڵینەوە بانگ کرابوو.
پاش دەستپێکردنی هێرشی سوپای تورک بۆ سەر عەفرین، هیلمارسن گەڕایەوە بەرەکانی بەرخۆدان لە عەفرین.
شەڕڤانانی بیانیی ڕایگەیاندووە، کە هائوکور هیلمارسن لە ئەنجامی شەڕێکی قارەمانانە لە دژی سوپای فاشیستی دا لە سنوورى گوندی بادینا لە عەفرین شەهیدبووە.
پێشتریش لە بەرخۆدانی سەردەمدا سێ شەڕڤانی بیانی دیکە، کە خەڵکی وڵاتانی ئیسپانیا، فەرەنسا بوون، شەهیدبووبوون.
فورات نیوز
به‌روار: 07/03/2018
566 جار خوێندراوه‌ته‌وه
|