باوکی حەوت مناڵە و لەبەر نەبوونی خۆی خنکاند


یەكێك لە هاوژینەكانی زۆر لە دەرگا دەدات، بەڵام دەرگا ناكرێتەوە، بۆیە بە ناچاری دەرگاكە دەشكێنن و بەسەر دیمەنێكی ناخهەژێندا دەكەون، دەبینن ئیبراهیم ملی بە پەتێكەوە شۆڕ بووەتەوە.
 
ئیبراهیم فەرهاد، تەمەن 29 ساڵ كە دانیشتووی گەڕەكی تەیراوەی شاری هەولێر بوو، شەوی 16/2/2018 لە نێو ماڵەكەی خۆیدا بە پەتێك خۆی خنكاند. ئیبراهیم دوو هاوژینی هەبوو، باوكی حەوت منداڵ بوو (پێنج كوڕ و دوو كچ). شوفێری ئەمبوڵانس بوو لە نەخۆشخانەی فریاكەوتنی رۆژهەڵاتی هەولێر.

كەسوكاری ئیبراهیم بە تایبەتی هاوژین و منداڵەكانی شۆك بوون بەو رووداوە، بۆیە دەڵێن ناتوانن هیچ قسەیەك لەسەر ئەو بابەتە بكەن، بەڵام كە پۆلیس گوتەی لێوەرگرتوون، دەڵێن ئیبراهیم هیچ كێشەیەكی لەگەڵ ئەوان نەبووە.

رائید هۆگر عەزیز، گوتەبێژی پۆلیسی هەولێر بە (رووداو)ی گوت: "پۆلیس لە رووداوێك ئاگادار كرایەوە لە گەڕەكی تەیراوەی شاری هەولێر، دەستبەجێ‌ هێزەكانی پۆلیس گەیشتنە شوێنی رووداوەكە. هاووڵاتییەك لەوێ خۆی بە شوێنی پانكەدا هەڵواسیبوو. تەرمەكەی رەوانەی پەیمانگەی دادپزیشكی هەولێر كرا و دۆسیەی لێكۆڵینەوەش بۆ رووداوەكە كراوەتەوە".

پۆلیس ئیفادەی لە كەسوكاری وەرگرتووە، باوكی ئیبراهیم دەڵێت: "كوڕەكەم كێشەی لەگەڵ هیچ كەسێك نەبوو، بەڵام باری دارایی زۆر خراپ بوو، توانای بەخێوكردنی منداڵەكانی نەبوو، رەنگە هەر لەبەر هەژاریش خۆی خنكاندبێ‌". 

هاوژینی یەكەمیشی گوتبووی: "لەگەڵ هاوسەركەم هیچ كێشەیەكمان نەبووە، بە خۆشی دەژیاین". هاوژینی دووەمی ئیبراهیم كە منداڵێكی لە ئیبراهیم هەیە، باوەڕ ناكات مێردەكەی لە ژیاندا نەمابێ‌ و دەڵێت "پیاوێكی زۆر باش و بێ‌ كێشە بوو".

هەروەها كارمەندێكی نەخۆشخانەی فریاكەوتنی رۆژهەڵاتیش زۆر پەسنی ئیبراهیمی دا و گوتی "كاك ئیبراهیم ماوەی پێنج ساڵ بوو لێرە شوفێری ئەمبوڵانس بوو، كەسێكی تا بڵێی بێ‌ كێشە بوو، زۆر هێمن و لەسەرخۆ بوو". 

دراوسێیەكی ئیبراهیم كە نەیویست ناوی بڵاوبكرێتەوە، بە (رووداو)ی گوت: "كاتێك چووین بۆ ماڵەكە، بینیمان  لەسەر ئەژنۆ بوو پەتەكەی لە مل بوو". 

سەرچاوەیەكی ئاگادار كە خۆی چووەتە ئەو ژوورەی تەرمی ئیبراهیمی لێبووە، گوتی :"رووداوەكە جێی گومانە، پێدەچێ‌ خنكێنرابێ‌، ئینجا بە پەت هەڵواسرابێ‌، هیچ شتێكی لەژێر پێی نەبوو، لەسەر ئەژنۆ كەوتبوو، پەتەكەش لە خاولی و چەفیە دروستكرابوو".

بەپێی ئاماری یەكێتیی پیاوانی كوردستان، ساڵی رابردوو 74 پیاو بە (خۆكوشتن، خۆخنكاندن، خواردنی دەرمان و خۆسووتاندن) گیانیان لەدەستداوە. 

بەپێی زانیاریی پۆلیسی هەولێر، ئەمساڵ ئەوە دووەمین حاڵەتی خۆخنكاندنی پیاوانە لە سەنتەری شاری هەولێر. رۆژی 6/1/2018، پیاوێكی دیكە بەناوی سەركەوت محەممەد رەشید، تەمەن 36 ساڵ كە دانیشتووی گەڕەكی رۆشنبیری شاری هەولێر بوو، لە ماڵەكەی خۆیدا بە پەتێك خۆی بە شوێنی پانكەدا هەڵواسی و كۆتایی بە ژیانی خۆی هێنا. دوای ئەوەی پۆلیس لێكۆڵینەوەی لە رووداوەكە كردبوو، دەركەوت ئەو پیاوە بەهۆی كێشەیەكی كۆمەڵایەتی، خۆی خنكاندبوو.
ڕووداو
به‌روار:  28/02/2018
177   جار خوێندراوه‌ته‌وه
  بابه‌تی زیاتر ...
سەرۆکی پەرلەمان ئاندرێیاس نۆرلێن لە کۆنفرانسێکی چاپەمەنیدا ئەم بەیانییە وتی پێشنیاری من ئەوەیە پەرلەمان ڕۆژی هەینی دەنگ بۆ پۆستی سەرۆکوەزیران بدات. کاندیدی ئەم جارەش بۆ ئەم پۆ درێژه‌ ...
بەپێی ئامارێکی فیدراسیۆنی سەراسەریی پەنابەرانی عێراقی، لە ماوەی چوار ساڵدا، ٥٥٥ هەزار و ٧٣٥ هاوڵاتی عێراقی کۆچی نایاسایان کردووە و ٢٧٤ کەسیش لە ڕێگای کۆچبەرییدا گیانیان لەدەستداوە. درێژه‌ ...
به‌شێك له‌و په‌نابه‌رانه‌ به‌ڕه‌گه‌ز كوردن به‌هۆی‌ خراپی‌ گوزه‌رانیان، زیاتر له‌ هه‌زار په‌ناخوازی‌ دوورگه‌كان سكالاَ تۆمار ده‌كه‌ن ماڵپه‌ری‌ هه‌واڵی‌ گاردیان بلاَویكرده‌وه‌ دو درێژه‌ ...
🌷پـێـشـکـەش بــەهـــەمــوتــان هــاوڕێــیــان🌷 (((=ئــــامـــێـــزی دڵــــبــــەر=))) مەکەن مەنـعـم خەڵکـیـنـە عـاشقی دڵـبەرم ئـەمشەو نـاوگـوڵـزاری ئ درێژه‌ ...
ە ئۆسلۆی پایتەختی نەرویج و لە مەراسیمێکدا، هەریەك لە نادیە مورادی رزگاربووی دەستی داعش و دێنیس موکوێگی پزیشکی کۆنگۆیی، خەڵاتی نۆبڵی ئاشتییان بۆ ساڵی ٢٠١٨ وەرگرت. لە میانی بەرێوە درێژه‌ ...
(ماجید.م) تەمەن 24 ساڵ، تا ئێستا زیاتر لە 4000 دۆلاری داوە بە سارا بۆ ئەوەی وێنە و ڤیدیۆكانی بڵاونەكاتەوە و ئابڕووی نەبات. ماجید كە كاسبكارە و شەوانە لەگەڵ هاوڕێكانی چووەتە كافتر درێژه‌ ...
سەرۆکی پارتی سێنتێر ئانی لیۆڤ ڕایگەیاند کە ناتوانن لەگەڵ سوسیالدیموکراتەکان حکومەت پێک بهێنن. دوای ٥ ڕۆژی چڕ و پڕ لە کۆبوونەوە لە نێوان پارتەکانی سوسیالدیموکرات، ژینگە، لیبێراڵ درێژه‌ ...
سبەی.. ھەولێر فیستیڤاڵی کۆچبەران ساز دەکات - شاخەوان مستەفا: بەرھەمە کوردییەکان ئاوێتەی فیلمە جیھانیەکان دەکەین بڕیارە سبەی، کاتژمێر 6:30 خوولەکی ئێوارە، لە ھۆڵی ڕ درێژه‌ ...
بكوژی “رەحیمى زەبیحی” دەستگیر دەكرێت FacebookFacebook MessengerViberWhatsAppTwitterEmailSMS بكوژی “رەحیم زەبیحی” دەستگیر دەكرێت، لەمبارەیەوە جێگری بەشی كۆمەڵایەتی پۆلیسی سنە، درێژه‌ ...
لە کۆنگرەیەکی ڕۆژنامەوانیدا نادیە موراد کچە کوردی ئێزیدی و براوەی خەڵاتی ئاشتی نۆبێل لە ئۆسلۆی پایتەختی نەرویج باسی لە گرنگی خاڵاتەکە کرد. نادیە موراد ئەمڕۆ لە کۆنگرە ڕۆژنامەو درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   67
کۆی سه‌ردان:   17456868