|
هه‌ر كۆچبه‌رێك به قاچاخ و به‌به‌له‌م ڕوو له ئوسترالیا بكات یان دەگیرێ یان دەیگێڕنەوە
هەژار تەها
مالمۆکورد
ئوسترالیا : ڕێگه‌ی قاچاخی كۆچ له‌ڕێگه‌ی ده‌ریاوه بۆ ئوسترالیا كۆتایی هاتووه
له نوێترین ڕاگه‌یه‌ندراوی وه‌زاره‌تی ناوخۆی ئوسترالیادا كه وێنه‌یه‌كی به زمانی كوردیش له‌سه‌ر ئه‌و ماڵپه‌ری ئه‌و وه‌زاره‌ته بلاَوكراوه‌ته‌وه ، حكومه‌تی ئوسترالیا ڕایگه‌یاند سنوره ئاوییه‌كانی ئه‌و وولاَته له هه‌موو كات زیاتر توندكراوه و ڕێگه ده‌ریاییه قاچاخه‌كان بۆ ئه‌و وولاَته داخراون. هه‌ر له‌و ڕاگه‌یه‌ندراوه‌دا هاتووه ئوسترالیا به‌رده‌وام ده‌بێت له سیاسه‌تی گرتن و گێڕانه‌وه‌ی هه‌ر كۆچبه‌رێك كه بیه‌وێت به قاچاخ و به‌به‌له‌م ڕوو له ئوسترالیا بكات.
هه‌رچه‌نده سیاسه‌ته تونده‌كانی ئوسترالیا له‌باره‌ی كۆچبه‌رانی ده‌ریایی قاچاخدا بووه‌ته جێگه‌ی نیگه‌رانی ڕێكخراوه‌كانی داكۆكیكار له مافی په‌نابه‌ران ، به‌لاَم حكومه‌تی ئوسترالیا به‌به‌رده‌وامی ڕایده‌گه‌یه‌نێت ئه‌و سیاسه‌ته كۆتایی هێناوه به كاری بازرگانیكردن به كۆچبه‌رانه‌وه به‌ره‌و ئه‌و وولاَته.
به‌روار: 26/02/2018
1069 جار خوێندراوه‌ته‌وه
|