تورکیا بە کیمیاوی گوندى ئەرەندى لە ناوچەى شیەى عەفرین بۆردومانکرد
بەردەوامیى هێرش و بۆردومانەکانیدا بۆ سەر عەفرین، ئەمڕۆ گوندى ئەرەندى لە ناوچەى شیەى عەفرین بە چەکى کیمیایى بۆردومانکرد و بەو هۆیەوە ٦ هاووڵاتى برینداربوون. نەخۆشخانەى ئاڤرینیش ڕایگەیاندووە، بریندارەکان بەهۆى ماددەى کیمیایى خنکێنەرەوە ژەهراوى بوون.

ئاژانسى هەواڵى هاوار لە ڕۆژئاواى کوردستان بڵاویکردەوە، سوپاى تورکیا و گروپە چەکدارەکان گوندى ئەرەند-یان لەناوچەى شیەى عەفرین کردووەتە ئامانجى بۆردومانەکانیان و لە بۆردومانەکانیاندا چەکى کیمیاییان لە دژى هاووڵاتیانى ئەو گوندە بەکارهێناوە.

ئاماژە بەوەشکراوە، بەهۆى کاریگەریى ئەو چەک کیمیاییەوە ٦ هاووڵاتیى ئەو گوندە بەرکەوتوون و ڕەوانەى نەخۆشخانەى ئارڤین لە عەفرین کراون و لە ئێستادا چارەسەرییان بۆ دەکرێت.

باسى ئەوەشکراوە، ئەو هاووڵاتیانەى بەهۆى چەکى کیمیاییەوە بەرکەوتوون بریتین لە: ١ – محەمەد ڕەشید حەسون تەمەن ٣٣ ساڵ، ٢ – ئەحمەد محەمەد حسۆ تەمەن ٣٨ ساڵ، ٣ – محەمەد حەقى تەمەن ٤٧ ساڵ، ٤ – وەهاب مستەفا خەلیل تەمەن ٣٥ ساڵ، ٥ – عەدنان عوسمان شالیکۆ تەمەن ٣٥ ساڵ، ٦ – عەبدولڕەحمان محەمەد تەمەن ٢٩ ساڵ.

لەو بارەیەوە دکتۆر خەلیل سەبری ئەندامى دەستەى بەڕێوەبەریى نەخۆشخانەى ئاڤرین لە عەفرین ڕایگەیاندبووە، بریندارەکان بەهۆى ماددەى کیمیایى خنکێنەرەوە ژەهراوى بوون.

ئەو پزیشکە ڕاشیگەیاندووە، بریندارەکان چاویان فرمێسکى لێدێت، قوڕگیان دەکزێتەوە و تووشى خورینى پێست و حەساسیەتى پێست بوون. لە ئێستاشدا چارەسەریان بۆ دەکرێت و لە ژێر چاودێریدان.

خەلیل سەبرى ئەوەشى وتوە، لە دواى لێکۆڵینەوەکانیان بە وردى جۆرى چەک کیمیاییەکە و ئەو ماددە کیمیاییەى لە دژى هاووڵاتیان بەکارهێنراوە  دەستنیشان دەکەن و بۆ ڕاى گشتیشى دەخەنەڕوو. بەپێى وتەکانى ئەو پزیشکە، ئەو ماددە کیمیاییە هاووشێوەى ئەو ماددەییە کیمیاییە کە چەکدارەکانى داعش پێشتر لە دژى هاووڵاتیان بەکاریان هێناوە.

ئەوەش لە کاتێکدایە هەر ئەمڕۆ تورکیا مزگەوتى گوندى خەراب سۆرکى لە ناوچەى ڕاجۆ بۆردومانکردبوو.

لە بەردەوامى پێشهاتەکانى عەفریندا، ئەمڕۆ وەزیرانى دەرەوەى یەکێتیى ئەوروپا لە شارى سۆفیاى پایتەختى بولگاریا لەبارەى هێرشەکانى تورکیا بۆ سەر عەفرین کۆبوونەوە. نیگەرانیى خۆیان لەبارەى زۆربوونى شەڕ و نائارامى لە باکوورى سوریا و هەروەها زۆربوونى ناکۆکییەکانى نێوان ئەمریکا و تورکیا خستبووە ڕوو.

هەر ئەمڕۆ دەیدێر ڕێندەرس وەزیرى دەرەوەى بەلجیکا ڕایگەیاند، لە هێرشى تورکیا بۆسەر عەفرین نیگەرانن.

هەدەسەدەش لەبارەى شەڕەکانى ئەمڕۆى عەفرینەوە ڕایگەیاندبوو، سوپاى تورکیا ١٠ گوندى عەفرینى بۆردومان کردووە. شەڕڤانان هێرشێکى سوپاى تورکیا و گروپە چەکدارەکانى بەرەى نوسرە و داعش-یان تێکشکاندووە. هەروەها شەڕڤانان لە چالاکییەکانیاندا لە سەرتاسەرى عەفرین ٧ تانک و زرێپۆش و ئۆتۆمبێلى سەربازیى سوپاى تورکیایان تەقاندووەتەوە.

ئەوانەش لە کاتێکدایە لە ڕۆژی ٢٠ى کانوونی دووەمی ٢٠١٨وە، سوپاى تورکیا و گروپە چەکدارەکان هێرشیان کردووەتە سەر عەفرین و لەو هێرشەیاندا، خانووى هاووڵاتیان، بازاڕ، شوێنى مانەوەى هاووڵاتیان، گوندەکان، شوێنەوارە مێژوویەکان، مزگەوتەکان، گۆڕستانەکان، نەخۆشخانەکان، خوێندنگەکان، وێستگەى ئاو و بەنداوى عەفرینى کردووەتە ئامانج و زیانیان بەو شوێنانە گەیاندووە.

بەپێى ئامارە بڵاوکراوەکانی شەڕڤانانەوە و بە هۆى ئەو هێرشانەى تورکیاوە لە ماوەى ٢٣ رۆژى شەڕی عەفریندا، ٨٦٢ سەرباز و چەکدارى تورکیا کوژراون و ٥١ تانک و زرێپۆشى تورکیاش لەلایەن شەڕڤانانەوە تەقێنراونەتەوە. لەبەرامبەریشدا ١٨٠ هاووڵاتى مەدەنی و ٩٨ شەڕڤان شەهیدبوون و ٤١٣ هاووڵاتى تریش برینداربوون.

هەروەها زیاتر لە ٥٠ هەزار خوێندکار لە عەفرین بەهۆى هێرش و بۆردومانەکانى تورکیاوە لە خوێندن بێبەشبوون.
نالیا

بەڤیدیۆ بیبینە
به‌روار:  17/02/2018
146   جار خوێندراوه‌ته‌وه
  بابه‌تی زیاتر ...
رووداو – هەولێر شەوی رابردوو چەند هەواڵێک لەبارەی مردنی ئەستێرەو گۆرانیبێژی بەناوبانگ ئیبراهیم تاتڵیسێس بڵاوکرایەوە، چەند لاپەڕەیەکی فەیسبووک بڵاویانکردووەتەوە، گوایە ئەم ئەستێر درێژه‌ ...
میدیاکانی کۆماری ئیسلامی ئێران کوژران فەرماندەیەکی سوپای پاسداران لە سوریا پشتڕاست دەکەنەوە. بە پێی میدیای فەرمی کۆماری ئیسلامی ئێران، رۆژی هەینی فەرماندەیەکی پلە باڵای سوپای پا درێژه‌ ...
Parlementerê Swêdê Jabar Amin ku weke çavdêrê hilbijartinan îro çû Tirkî li balafirxaneya Stenbolê hate girtin. Jabar Amin ji ciyê girtî bi telefonê ji Radyoya Swêdê re got li c درێژه‌ ...
نوکتە.😜😜😜 قوتابیەک زۆر تەمەڵە لە وانەی ئینگلیزی .. هەموو جارێك مامۆستاکەی لە تاقیکردنەوە بۆی ئەنوسێ Donkey ( دۆنکی ) جارێکیان مامۆستا بیری دەچێ بۆی بنوسێ دۆنکی ..... قوت درێژه‌ ...
ێکهاتەیەکی ٦٠ کەسی لە پەرلەمەنتارانی ئوروپا سەردانی تورکیە دەکەن بۆئەوەی چاودێری هەڵبژاردنی تورکیە بکەن، لە نێو ئەوانەدا چوار ئەندام پەرلەمانی سویدی هەن، سێ دانەیان سەر بە پارتی مۆ درێژه‌ ...
له‌ ڕۆژی‌ جیهانی‌ په‌نابه‌راندا ، چه‌ندین كاره‌سات و ئاماری‌ تراژیدی‌ بلاَوكرانه‌وه‌ به‌رواری‌ 20 ی‌ حوزه‌یرانی‌ هه‌موو ساڵێك ، ڕۆژی‌ جیهانی‌ په‌نابه‌رانه‌ كه‌ به‌ بڕیارێكی‌ كۆم درێژه‌ ...
موراد قەرەیلان، ئەندامی کۆمیتەی بەڕێوبەریی پارتی کرێکارانی کوردستان- پەکەکە، ڕایدەگەیەنێت: ئەردۆغان هێرش بۆ سەر قەندیل وەک پروپاگەندەی هەڵبژاردن بەکاردێنێت، ئەگەر شەرەفی هەیە با بێ درێژه‌ ...
چالاکوانی مافی مرۆڤ ئێرێن کەسکین هاوڵاتی تورکیە خەڵاتی ئاننا لیندی پێ بەخشرا، بەوهۆیە کە بە زیاتر لە یەک تۆمەت دادگایی دەکرێ و داوا دەكرێ زیندانی هەتاهەتایی بکرێ، بۆیە ناتوانێ لە ر درێژه‌ ...
لە یادی حەوتەیەمین ساڵەی ماڵپەڕی مالمۆکورد پیرۆزبایی لە نووسەر و خوێنەر و بینەرەکانمان دەکەین و هیوادارین جێگای ڕەزامەندییان بین. لەڕۆژی 2011.6.21 ماڵپەڕەکەمان لە نێت وپاشا درێژه‌ ...
لە پشووی ڕابردوودا هاوڵاتیانی تورکیە توانیان بەشداری لە هەڵبژاردنی تورکیەدا بکەن. لەسەریەک نزیکەی یازدەهەزار کەس دەنگەکانی خۆیان بۆ تورکیە ناردەوە.هەفتەی داهاتوو ئەنجامەکانی هەڵبژا درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   59
کۆی سه‌ردان:   16873846