لە سوید دادگایکردنی ئەکیلۆڤ دەستی پێ کرد
دادگایکردنی گومانلێکراوی هێرشە تیرۆریستییەکەی ستۆکهۆڵم ڕحمەت ئەکیلۆڤ ئەمڕۆ دەستی پێ کرد. ئەم دادگایکردنەش لە مێژووی سویدا بە یەکێک لە گەورەترین دادگایی دادەنرێت.

نزیکی سەعات 9 ی ئەم پێشنیوەڕۆیە ئەکیلۆڤ بە دەستی کەلەپچەکراو و دەستێ جلی سەوزە کە جلی تایبەت بە زیندانییانی دەستگەی چاودێریی تاوانکارانە برایە نێو هۆڵی دادگا. دواتر ئەو خاڵانەی بۆ خوێندرایەوە کە لەسەری دادگایی دەکرێت. ئەکیلۆڤیش سەری داخستووە و گوێی لە وەرگێرەکەی گرتووە.

یەکێک ئەو خاڵانەی کە ئەکیلۆڤی لەسەر دادگایی دەکرێت تاوانی تیرۆریستیی و هەوڵی کاری تیرۆریستی و نانەوەی مەترسی بۆ گیانی کەسانی دیکە. سەرجەم 155 کەس داوایان لەسەر ئەکیلۆڤ تۆمار کردووە.

بەپێی ئەو وەسفەی ڕاپۆرتوانی ڕادیۆی سوید دەیگوازێتەوە ئەکیلۆڤ لە ماوەی دەستبەسەرییەکەیدا لەڕ و لاواز بووە و ڕیشی هاتووە.

داواکاری گشتیی هانس ئیرمان لە ماوەی دادگاییەکەدا پێشنیوەڕۆی ئەمڕۆ جگە لەو خاڵانەی کە ئەکیلۆڤی لسەر دادگایی دەکرێت چەند وێنە و فیلم هەروەها دەنگی تۆمارکراوی پەیوەندیی هاوڵاتییان بە دەستگەی فریاگوزارییەوە نیشان دا. یەکێک لەو دەنگانە هاوڵاتییەکە کاتی ڕووداوەکە لە شەقامی درۆتنینگگاتانەوە پەیوەندی بە دەستگەی فریاگوزاریی خێرا (SOS Alarm) وە دەکات.

ئەم دەنگ و فیلمانەی کاتی ڕووداوەکە هاوار و گریانی خستە نێو ئامادەبوانی دادگاییەکە.

داواکاری گشتیی هەروەها وێنەی ئەو چات و پەیوەندییانەشی نیشانی ئامادەبووان دا کە لە نێو موبیلتەلەفۆنی ئەکیلۆڤدا دۆزراونەتەوە، بۆ نموونە پەیوەندیی ئەکیلۆڤ لەگەڵ تۆڕێکدا کە پەیوەندیی بە گرووپی تیرۆریستیی داعشەوە هەیە. تێیدا هاتووە کە ئەکیلۆڤ ئامادەیی نیشان داوە بۆ ئەنجامدانی کاری تیرۆریستی لە ستۆکهۆڵم.

ڕەحمەت ئەکیلۆڤ لە لە زاری پارێزەرەکەیەوە یوان ئێریکسۆن دەڵێت کە هیچ لارییەکی لەو خاڵانە نییە کە لەسەری دادگایی دەکرێت و ئەوەی کە داواکاری گشتیی لەسەری تۆمار کردووە وایە، بەڵێ ئەکیلۆڤ ئوتومبیلە بارهەڵگرەکەی لێخوڕیوە ڕێک بەو شێوەیەی کە داواکاری گشتیی باسی لێ دەکات.

هەروەها کە بۆتە هۆی کوشتنی پێنج کەس و بریندارکردنی 10 کەسی دیکە. بەڵام ئەکیلۆڤ دان بەوەدا نانێت کە هەوڵی کوشتنی هەموو ئەو سەد کەسەی دابێت کە داواکاری گشتیی وەک قوربانیی ڕووداوەکە باسی کردوون.  

جێی باسە دادگاییکردنەکەی ئەکیلۆڤ لە ئەمڕۆوە هەتاوەکو سێ مانگی دیکە بەردەوام دەبێت. هەروەها چاوەڕوان دەکرێت لە مانگی پێنجدا دادگا بریار بدات ئاخۆ ئەکیلۆڤ تاوانبارە بە کاری تیرۆریستی یان نا.

گوێ لە ڕاپۆرتەکە بگرە
به‌روار:  14/02/2018
272   جار خوێندراوه‌ته‌وه
  بابه‌تی زیاتر ...
بەدرێژایی چەندین سەدە و دوای کۆنترۆڵکردنەوەی شاری مەککە (فەتحی مەککە) وە هیچ دەسەڵاتدار و لێپرسراوێک لە سعودیەدا نەچووەتە سەربانی کەعبە، بەڵام چوونە سەربانی کەعبە لە لایەن محەمەد درێژه‌ ...
خەندان- ڕۆژنامەی دەیلی مەیڵی بریتانی بڵاویكردوەتەوە، پەنابەرێكی کوردی ئێران دانی بەوەداناوە سێ ڕۆژ دوای ئەوەی هاوسەرەكەی پشتگیرینەكردوە لە داواكاری مانەوەی لە بریتانیا "هاوسەرەك درێژه‌ ...
وەزیری كۆچ و كۆچبەرانی عێراق دژایەتی خۆی بۆ بە زۆر ناردنەوەی كۆچبەرانی عێراقی رادەگەیەنێت و دەڵێت، پێویستە گەڕانەوەیان ئارەزومەندانە بێت. نەوفل بەها موسەوی، وەزیری كۆچ و كۆچبەرانی درێژه‌ ...
زیاتر لە پێنج ساڵە رێگە نەدراوە خێزانەكەی چاویان بە ئۆجەلان بكەوێت 20 ساڵ بەسەر دەستگیركردنی عەبدوڵا ئۆجەلان سەرۆكی پارتی كرێكارانی كوردستان پەكەكەدا، تێپەر دەبێت و زیاتر لە پێ درێژه‌ ...
لە توێژینەوەیەکی نوێی زانکۆی یۆتێبۆریدا ئاشکرا بووە کە کەسانی بێ بەڵگەو ناسنامە لە سویددا ڕەوشی دەروونییان و باری تەندرووستیان خراپە. لە توێژینەوەکەی زانکۆی یۆتێبۆریدا ١٠٤ کەسی درێژه‌ ...
پاش ئه‌وه‌ی له‌ ڕۆژانی ڕابردوو له‌ شاری باسل، مانهایم و لوكسه‌مبۆرگ ڕێپێوانی درێژمه‌ودا به‌ره‌و شاری ستراسبۆرگی فه‌ڕه‌نسا ده‌ستی پێكرد، ئه‌مڕۆ به‌شداربوانی هه‌موو قۆڵه‌كانی ڕێپێوان درێژه‌ ...
راپۆرتی پێشێلكاری مافی مرۆڤ له‌ مانگی ژانویەی ۲۰۱٩ کە بە هەوڵی کۆمەڵەی مافی مرۆڤی کوردستان و بە پشت بەستن بەو ڕاپۆرتانە کە لەلایەن كۆمه‌ڵه‌ی مافی مرۆڤی کوردستان بڵاوکراونەتەوە، کۆب درێژه‌ ...
ئەمڕۆ هەشتا ساڵ بەسەر دامەزراندنی بەشی زمانە بیانییەکانی ڕادیۆی سوید (Radio Sweden) دا تێپەڕ دەبێت. بەشی زمانە بیانییەکانی ڕادیۆی سوید (Radio Sweden) ئەمڕۆ بە شەش زمانی جیاوازی درێژه‌ ...
ئەندامێکى دەستەى گەورە زانایانى سعودیە ڕایگەیاند، هەموو پایەکانى هاوسەرگیریی حەڵاڵ لە مسیاردا هەیە و ئەوانەى ئەم جۆرە هاوسەرگیرییە دەکەن "ترسنۆک نین"، تەنها ئەوە هەیە ژنان دەست ل درێژه‌ ...
رووداو-هەولێر قەیرانی سیاسی و ئابووریی ڤەنزوێلا و سزاکانی ئەمریکا بۆ سەر ئەو وڵاتە سەدان هەزار کەسی ئاوارەی وڵاتانی دراوسێ و دوورتر کردووە. قەیرانەکە بەردەوامە و تادێت رەوشی ئاب درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   77
کۆی سه‌ردان:   17631315