|
سەڵاحەدین بەهادین کشانەوەی یەکگرتووی لە حکومەت راگەیاند
خەندان- شەوکەت قادر
سەڵاحەدین بەهادین ئەمینداری گشتیی یەکگرتووی ئیسلامی کوردستان لەکۆنگرەیەکی رۆژنامەوانییدا رایگەیاند یەکگرتووی ئیسلامی لەم کابینەیەی ئێستای حکومەت دەکشێتەوە.
سەڵاحەدین بەهادین ئەمشەو لەکۆنگرەیەکی رۆژنامەوانیدا لەشاری هەولێر رایگەیاند دوای چاوەڕوانکردنی حکومەت بۆ جێبەجێکردنی داواکارییەکانیان و گوێگرتن لەوەڵامی ئەوان، ئەمڕۆ بەزۆینەی دەنگی ئەنجومەنی سەرکردایەتییەکەیان بڕیاری کشانەوەیان لەم کابینەیەی ئێستای حکومەتی هەرێم داوە.
وتیشی "هەستمانکرد ئیرادەیەک هەیە کە سەرۆکی حکومەت و جێگرەکەی دەیانەوێت چاکسازیی بکەن، بەڵام کێشەیەکان کەڵەکەبوون و لەئیرادەی ئەوانیشدا نییە."
ئەمینداریی یەکگرتوو ئاماژەی بۆ ئەوەش کرد کە حزبەکەی لەکۆتایی ساڵی 2017 دوای "ئەو گەلەکۆمەیەکی کرایە سەر کوردستان بەبیانووی ریفراندۆم " سووربوون لەسەر ئەوەی حکومەت لەو دۆخەدا جێنەهێڵین و هەلێکی چاکسازیی بدەنە حکومەت.
ئاماژەی بۆ ئەوەش کرد "نەمانتوانی چاکسازییەک بخەینەڕوو دڵخۆشکەربێت، بەتایبەتی لەبارەی مووچەی هاوڵاتیان".
ئەوەش دوای ئەوە دێت کە کۆتایی مانگی رابردوو هەریەک لە بزوتنەوەی گۆڕان و کۆمەڵی ئیسلامی بەهەمان شێوە بڕیاریان دا بەکشانەوەی لەحکومەتی هەرێمی کوردستان، لەئێستاشدا تەنها وەزیرەکانی یەکێتی و پارتی لە کابینەی هەشتی حکومەتی هەرێمدا ماون.
به‌روار: 17/01/2018
393 جار خوێندراوه‌ته‌وه
|