|
هێزەکانی ئێران کۆڵبەرێک لە سەردەشت بریندار دەکەن
مالمۆکورد
بە هۆی تەقەی راستەوخۆی هێزە سنوریەکانی کۆماری ئیسلامی ئێرانەوە لە سنورەکانی سەردەشت سەر لە بەیانی ۵ی سەرماوەزی ۲۷۱۷ی کوردی کۆڵبەرێک بە توندی بریندار دەبێت.
بە پێی زانیاری گەیشتوو بە کۆمەڵەی مافی مرۆڤی کوردستان: بە هۆی تەقەی راستەوخۆی هێزە سنوریەکانەوە بۆ سەر کۆمەڵێک لە کۆڵبەران کەسێک بەناوی “قادر ئازادە” دانیشتوی بەشی ناوەندی ئەم شارە بەر گوللە دەکەوێت و بە توندی بریندار دەکرێت.
بە پێی زانیاریەکان ئەم کۆڵبەرە کە بە هۆی بەرکەوتنی گوللە لە بەشی پشتیەوە بە سەختی بریندار دەکرێت و بە هۆی زۆربونی رێژەی برینەکەیەوە دەبرێت بۆ نەخۆشخانەیەک لە شاری ورمێ و بارودۆخی ئەم کۆڵبەرە ناجێگیر راگەیەندراوە.
کۆمەڵەی مافی مرۆڤی کوردستان
به‌روار: 30/12/2017
424 جار خوێندراوه‌ته‌وه
|