|
داخستنی كەناڵی ئێن ئاڕتی بۆ ماوەی هەفتەیەكی دیكە درێژ کرایەوە
خەندان- سالار محمەد
وەزارەتی ڕۆشنبیریی حكومەتی هەرێم بڕیاری داخستنی كەناڵی ئێن ئاڕتی بۆ ماوەی هەفتەیەكی دیكە درێژدەكاتەوە.
لەوبارەوە، فەرهەنگ گۆمەشینی، وتەبێژی وەزارەتی ڕۆشنبیری حكومەتی هەرێمی كوردستان ئەمڕۆ تایبەت بە خەندان-ی ڕاگەیاند بەفەرمانێكی ویزاری ماوەی داخستنی میدیاكانی نالیا درێژكراوەتەوە بەهۆی ئەوەی كە تەلیپۆرتی بەنایاسایی و بەبێ مۆڵەت بەكارهێناوە.
ڕونیشیكردەوە كە ئێن ئاڕتی لەڕێگای سیستمی تێلیپۆرتەوە چەندین كەناڵی دیكەی لە سەر پەخشی خۆی ئیش پێكردووە، بۆیە "بڕیارماندا داخستنەكەی بۆ ماوەی یەك هەفتەی دیكە درێژبكەینەوە تایەكلای كردنەوەی كەیسەكە."
ئاماژەشیكرد بەوەی كەناڵی ئێن ئارتی بەبێ مۆڵەتی وەزارەتی ڕۆشنبیری، و وەزارەتی ناوخۆ، و وەزارتی گواستنەوەو گەیاندن، ئەو سیستمەكی بەكارهێناوە.
لای خۆشیەوە، ئاوات عەلی، بەرێوەبەری دامەزراوەی میدیایی ئین ئارتی، ئەمڕۆ لەلێدوانێكدا بۆ خەندان راگەیاند " سبەینێ ،چوارشەممە، هەڵوێستی خۆمان لەوبارەیەوە ڕادەگەیەنین."
به‌روار: 27/12/2017
1318 جار خوێندراوه‌ته‌وه
|