کۆمەڵەی دەواری سەربەخۆ (کۆدەست)
مالمۆکورد
کۆمەڵەی دەواری سەربەخۆ (کۆدەست)
هاونیشتمانییانی کوردستان
کۆمەڵەی دەواری سەربەخۆ ڕێکخراوێکی نا‌حکومیی خۆبەخشە، بە دید و بۆچوون و پێشنیاری ئەندامانی کار دەکات و بەرنامەی سیاسیی خۆی هەیە بۆ کۆمەڵگە، لەم سۆنگەیەوە بە پێویستی دەزانێت کە هەڵویستی خۆی لە ئەزموونی دەسەڵاتدارێتیی کوردی، لە ماوەی بیستوشەش ساڵی ڕابردوودا بخاتە ڕوو، کە بە بەردەوامی کۆمەڵگەی ئێمەی ڕووبەڕووی شکستی کۆمەڵایەتی و سیاسی و کولتووی کردووەتەوە، شکستێک کە دوا نموونەی ئەم هەلومەرجە شەرمەزارکارەیە کە ئێستە تێیدا دەژیین و دەسەڵات بە هەموو جمگەکانیەوە، هیچ ڕەوایەتییەکی سیاسی و یاسایی و ئەخلاقیی نەماوە.
هەموان دەزانین کە ئەم ئەزموونە سیخناخە بە ستەم و نایەکسانیی چینایەتی و ڕەگەزی و کۆمەڵایەتی و سیاسی و پێشێلکاریی گەورە و ئینسانی ئێمەی لە مرۆڤێکی خاوەن کەرامەتەوە گۆڕیوە بۆ بوونەوەرێکی ناسیاسی کە تەنیا چاوەڕوانیی ئەو، قووتی ڕۆژانەی بێت.
هەر لەم هەلومەرجەشدا کە دەسەڵات و ئەزموونی کوردی خولقاندوویەتی، ئەو بزووتنەوانەی کە بە جۆرێک دژ و نەیاری ئەم دەسەڵاتە بوون و بەرەنگاری بوونەتەوە و ویستوویانە لە نێویەوە چاکسازی بکەن، لەبەر گەلێک هۆکاری وەک زەبروزەنگی دەسەڵات، فریوی گوتاری ناسیۆنالسیتی و ئایینی، میانڕەوی و لە دواییشدا ب ەهۆی تێنەگەیشتنەوە لە ڕیشەی ڕاستەقینەی کیشەکان، وێرای نییەتی باش و زۆر جار چاکەخوازانەشیان، کەوتوونەتە ژێر هەژموونیی گوتار و ساختەکارییەکانی دەسەڵاتەوە و بە بنبەست گەیشتوون.
لە وەها دۆخێکدا، کۆدەست گۆڕانکاریی ڕیشەیی بە پێویستییەکی حاشاهەڵنەگر دەزانێت و هەر چەشنە هەوڵێک بۆ چاکسازی لەم دەسەڵاتەدا، دووبارەکردنەوەی رابردووە. گۆڕان لە کۆمەڵگەی ئێمەدا تەنیا بە سیاسەتێک دەکرێت کە ڕیشەکان بکات بە ئامانج، نەک ڕووکارەکان، سیاسەتێک کە چاوی لە کەرامەت و سەروەریی مرۆڤ بڕیبێت، چاوی لە گۆڕانێک بڕیبێت کە پێش هەموو شتێک، ڕووی لە گێڕانەوەی ئیرادەی ژیانی بەهادار و خۆسەری و تێپەڕاندنی وەهمەکانی ڕابردوو دەبێت.
هەر بۆیە بانگی گەلانی ئازادیخواز و تێنووی ڕزگاریی کوردستان، ژنان، لاوان و هەموو ئەوانە دەکات کە هیچ کات ژیانی بندەستیتان قبووڵ نەکردووە و نایکەن، لەم وەختەدا زیاد لە هەر کاتێک هەموان پێکەوە و بۆ بەدیهێنانی ژیانێکی ئینسانی و بەهادار و سیستمێکی سیاسی و کۆمەڵایەتیی دادپەروەرانە و یەکسانیخواز یەکبگرین و بنچینەی پەیمان و ژیانێکی سیاسیی نوێ دابمەزرێنین.
دیارە و هەموان دەزانین دامەزراندنی ئەم پەیمان و ژیانە نوێیە ئاسان نییە و خەبات و بەرەنگاریی سەخت و فرەجۆر و فرەشێوەی پێویستە و کۆدەستیی دەوێت، بەڵام بڕواشمان وەهایە کە هێزی خەڵک پشتئەستوور بە بەها گەردوونی و هەمەگیرەکان، کە خۆی رێکبخات و یەکبگرێت، لە هەموو دەسەڵاتێک بەهێزترە، هەربۆیە لە بڕوای تەواومانەوە بە هێزی گەورەی خەڵک، ئێمە وەک کۆمەڵەی دەواری سەربەخۆ، هاوکات دداننان بە فرەڕەهەندی و فرەجۆرەیی بەرەنگاری و سیاسەتی ڕزگاریدا، داواکارین هەموان هێز و تواناکانی خۆمان لە کۆمەڵەیەکی سیاسی و کۆمەڵایەتیی هەمەگیر و ڕیشەیی وەک کۆمەڵەی دەواری سەربەخۆدا، بۆ بەدیهێنانی کۆمەڵگەیەکی دادپەروەر و یەکسان یەکبخەین، ئەم بانگەوازەی کۆمەڵەی دەواری سەربەخۆ، بانگەوازێکە بۆ یەکگرتنی هەموو ئەوانەی لەم دەسەڵاتە نائومێدن و بۆ بەدیهێنانی ژیان و کۆمەڵگەیەکی نوێ تێدەکۆشن و هەوڵی ئەوە دەدەن کە بە دید و ڕوئیا و بەهای مرۆیی و ئاکتی شێلگیرانەوە، سنوورێک بۆ شکست و نابەرپرسیارێتیی مێژوویی و گەندەڵیی سەراپاگیری ئەم ئەزموونە دابنێن و بۆ ڕووبەڕووبوونەوەی هەرەسی گەورەی ئەم ئەزموونە و داهۆڵە شڕەکەی، کە ناوی حکومەتی هەرێمە لە خۆڕێکخستن و ئامادەییدا بن.

کۆمەڵەی دەواری سەربەخۆ
کۆدەست
١٣/١٢/٢٠١٧

ڕێگەی پەیوەندی بە کۆدەست

Kodast.org@gmail.com

پەیجی فەیسبووکی کۆدەست
به‌روار:  15/12/2017
197   جار خوێندراوه‌ته‌وه
  بابه‌تی زیاتر ...
ئەكادیمیای بەدرخان: سەرجەم ژمارەكانی كوردستان لە میسر چاپكراون لە یادی رۆژنامەگەریی كوردیی ئەكادیمیای بەدرخان رایدەگەیەنێت: پاش گەڕان و پشكنینی زیاتر لە ئەرشیفی 50 وڵات ، وای بۆ د درێژه‌ ...
مالمۆکورد یەکەمجارە لەمێژوودا کە ئەنجوومەنی ئاسایشی نەتەوە یەکگرتووەکان لە دەرەوەی بارەگای خۆی لە نیویۆرک کۆبوونەوە بکات. ئیمڕۆ هەیینی 2018.4.20., 15 ئەندامەکەی ئەنجوومەنی ئ درێژه‌ ...
پرسی سوریا تەوەری سەرەکی کۆبوونەوەکانی ئەمڕۆی نەتەوەیەگرتووەکان دەبێت لە هەرێمی سکۆنێ لە سوید. ئەنجوومەنی ئاساییشی ڕێکخراوی نەتەوەیەگرتووەکان کە پێکهاتووە لە ١٥ باڵێۆزی وڵاتان درێژه‌ ...
ستافی ئامادەکاری بەرگی دووەمی کتێبی سەردەشت عوسمان لەبەیاننایەکدا ئاماژە بەوە دەکەن ئاسایشی پارتی لەبازگەی بێستانە دەستی بەسەر ژمارەیەک کتێبی سەردەشت عوسماندا گرتوە، کاتێک لەلایەن درێژه‌ ...
خەڵك- بەشی هەواڵ كۆمیسیۆنی ئەوروپا، بڕیارێكی ئەڵمانیا بۆ وەرگرتنی زیاتر لە 10 هەزار پەنار لە باكووری ئەفریقا و خۆرهەڵاتی ناوەڕاستەوە ئاشكرا دەكات، ئەوەش لە چوارچێوەی پرۆگرامی یەك درێژه‌ ...
لە گروپێکی فەیسبوک دا باوکەکان هاندراون وێنەی سەرنجڕاکێش بە جلوبەرگی تەنک یان وێنەی رووتی ژنەکانیان یان دۆستەکچەکانیان بڵاو بکەنەوە. بە شێوەی ئاسایی لەو گرووپەدا زیاتر باسەکانی درێژه‌ ...
ئەندامێکى سەرکردایەتى حزبى دیموکراتى کوردستانى ئێران ئاشکرایکرد ساڵى ڕابردوو لەلایەن کۆمارى ئیسلامى ئێرانەوە ٣٠٠ کۆڵبەرى کورد کوژراون. ڕۆستەم جیهانگیرى بە ئاژانسى "سپۆتنیک نیوز" درێژه‌ ...
ئوسترالیا ڕاكێشانی‌ دایك و باوك له‌سه‌ر كۆچبه‌ران گران ده‌كات حكومه‌تی‌ ئوسترالیا به‌رده‌وامه‌ له‌ گۆڕینی‌ سیاسه‌ته‌كانی‌ كۆچی‌ ئه‌و وولاَته‌ و له‌ دواهه‌مین گۆڕانكاریدا و به‌گوێره درێژه‌ ...
له‌ شاری دیوانده‌ره‌-ی سه‌ر به‌ سنه‌-ی ڕۆژهه‌ڵاتی كوردستان، پاسدارێكی كۆماری ئیسلامیی ئێران هێرشی كرده‌ سه‌ر خێزانێكی كورد و له‌ ئه‌نجامی ئه‌و هێرشه‌ دڕندانه‌یه‌دا ٤ كه‌سی هه‌مان خ درێژه‌ ...
بڵاو کرایه‌وه‌ kl 17.24 سۆسیال دێموکراتەکان دەیانەوێ یاساکانی هێنانی کرێکار بۆ سوید سنووردار بکەن و زیاتر ئەو کەسانە بێنن بۆ سوید کە لە بازاڕی کاردا خواست لە سەر پسپۆڕیەکەیان هەیە درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   168
کۆی سه‌ردان:   16598929