یەکەم نەشتەرگەریی چاندنی سەر لە مرۆڤدا ئەنجامدرا
رووداو-سلێمانی

پزیشکان توانییان کەلـلەسەرێکی تەواو بۆ تەرمی مرۆڤێک بچێنن و ئەو پزیشکەش کە پێشووتر بەڵێنی دابوو دەڵێ بەو زووانە دەتوانن نەشتەرگەرییەکە لەسەر مرۆڤی زیندوویش ئەنجامبدەن.

سێرجیۆ کاناڤیرۆ، پزیشکی نەشتەرگەری ئیتاڵی، بەوە نێوبانگی دەرکرد کە بەڵێنیدا نەشتەرگەریی چاندنی کەلـلەسەری کەسێک بۆ سەر جەستەی کەسێکی دیکە ئەنجامبدات. ئێستا دەڵێ سەرکەوتنی پرۆسەی چاندنی کەلـلەسەر بۆ سەر تەرمەکە، دەریدەخات کەپلانەکەی ئەو سەرکەوتوو دەبێ.

کاناڤێرۆ دەڵێ سەرکەوتنی پرۆسە نوێیەکە دەریخست کە بیرۆکەکەی ئەو درووستە بۆ شیوازی پێکەوە لکاندنی دڕکەپەتک، هەستەدەمارەکان و بۆڕییەکانی خوێنی خاوەنی کەلـلەسەرەکە و خاوەنی جەستەکە. بەپێی خەمڵاندنەکانی ئێستا، نەشتەرگەری لکاندنی کەلـلەسەر بە جەستەوە لانیکەم 18 کاژێری پێدەچێ.

کاناڤێرۆ دەڵێ من خاوەنی بیرۆکەی ئەو نەشتەرگەرییەم و ئەوەش ئاسانکاریی بۆ خۆم و تیمەکەم دەکات بەو زووانە نەشتەرگەرییەکە لەسەر جەستەی زیندووش ئەنجامبدەین.

لەگەڵ راگەیاندنی بیرۆکەکە، کەسێکی رووسی بەنێوی ڤالێری سپیریدۆنۆڤ ئامادەیی دەربڕیبوو ببێتە خۆبەخش بۆ ئەوەی کەلـلەسەری لەسەر جەستەی کەسێکی دیکە بچێنرێ، چونکە جەستەی ئەو لە مل بەرەو خوار ئیفلیج بووە.

رۆژنامەی دەیلی تەلەگرافی بەریتانی ئەمڕۆ یەکەم نێوەندی هەواڵ بوو کە ئەمڕۆ ئاشکرای کرد کەلـلەسەری مرۆڤ لەسەر جەستەی مردوو "سەرکەوتووانە" ئەنجامدراوە.

پێشووتر تیمەکەی کاناڤێرۆ توانییان کەلـلەسەری مشکێک لەسەر جەستەی مشکێکی دیکە بچێنن و بەو شێوەیە مشکەکە بووە خاوەنی دوو سەر، پاشان لەسەر مەیموون و دواهەمنجاریش لەسەر جەستەی مردووی مرۆڤ ئەنجامیاندا و بە گوتەی خۆیان ئەوەندەی نەماوە لەسەر مرۆڤی زیندووش ئەنجامی بدەن.

چەند نێوەندێکی پزیشکی هۆشدارییان داوەتە کاناڤیرۆ و تیمەکەی کە چاندنی کەلـلەسەر لەسەر جەستەیەکی بێگانە، لەوانەیە لێکەوتەی ترسناکی ئەوتۆی لێ پەیداببن کە لە مردن خراپتر بن و زۆر سەختە کەلـلەسەرەکە لەگەڵ جەستەیەکی جیاواز لە جەستەکەی پێشووی رابێت.

ئەو پیاوەی بڕیارە بۆ یەكەمجار لە مێژوودا نەشتەرگەری چاندنی سەری بۆ ئەنجامبدرێت، ساڵی 2015 پێیگوترا كە كانوونی یەكەمی 2017 وادەی نەشتەرگەرییەكەیەتی، ئێستا روون نییە کە ئایا بەڕاستی لەو کاتەدا بۆی دەکرێیان دوا دەخرێ.

ڤالێری سپیریدۆنۆڤی تەمەن 30 ساڵان، نەخۆشییەكی بۆماوەیی دەگمەنی هەیە كە تێیدا ماسولكەكانی جەستەی دەپوكێنەوە و لە سەرەتای ئاشکراکردنی بیرۆکەکەی کاناڤیرۆوە رازیبووە بە نەشتەرگەرییەكە سەرەڕای هەموو مەترسییەكانی، هەرچەند هەندێک نێوەندی هەواڵ بەو دواییانە گوتیان رەنگە لە بڕیارەکەی پەشیمان ببێتەوە.

سپیریدۆنۆڤ كە شارەزایەكی بواری زانستی كۆمپیوتەرە لەبارەی بڕیارەكەیەوە لە هەڤپەیڤینێکی پێشووتریدا گوتوویەتی "كاتێك گەیشتمە ئەو بڕوایەی من بەشداریی كارێكی ئێجگار گەورە و گرنگ دەكەم، هیچ گومانێكم لە میشكی خۆمدا نەهێشتەوە و بڕیاری كۆتاییم دا"، هەروەها گوتبووی "تاكە شتێك هەستی پێدەكەم، هەستێكی خۆشە و پەلەی ئەنجامدانی پرۆسەكەمە، وەك ئەوەی ئامادەكاریی بۆ شتێكی زۆر گرنگ لە سەراپای ژیانم بكەم و شتەكەش ئەوەندەی نەمابێ رووبدات".

دكتۆر سێرجیۆ كاناڤێرۆ، پزیشكێكی نەشتەرگەری مێشك و دەماری ئیتاڵی، بڕیارە نەشتەرگەرییەكە لەسەر سپیریدۆنۆڤ ئەنجامبدات. پرۆسەكە ئێجگار ئاڵؤزە و رەنگە 36 كاژێری پێبچێت، هەروەك پێویستی بەوەیە سەری سپیریدۆنۆڤ و جەستەی كەسە بەخشەرەكەش لە پلەیەكی سارددا هەڵبگیرێن تاكو خانەكانیان بۆماوەیەك بەبێ ئۆكسجین بژین.
به‌روار:  19/11/2017
2132   جار خوێندراوه‌ته‌وه
  بابه‌تی زیاتر ...
ڕێبین فازیل كە گەنجێكی سلێمانییە توانی لەپاڵەوانێتی جیهان بۆ یاری كیك بۆكسینگ كە لەوڵاتی یۆنان بەڕێوەچو، مەدالیای زێڕ لەكێشی (٦٥ كگم)دا بەدەستبهێنێت‌و پاش بردنەوەی پێنج یاری ئاڵای درێژه‌ ...
رووداو - ئیستەنبوڵ خەڵکی دهۆكە و تاوانەكەی تەنیا ئەوەیە كە نێرەمووكە دەڵێت براكانی ئەشكەنجەی زۆریان داوە و ماوەی ساڵ و نیوێك لە ماڵەوە بەندیان كردووە، جارێكیش لەنێو باخێكدا لە درێژه‌ ...
هەنگاو: لەماوەی ڕۆژانی ڕابردوودا سێ هاووڵاتیی کورد لە شارەکانی شووت، پاوە و ئورمیە کۆتاییان بە ژیانی خۆیان هێناوە و ژنێکیش بە دەستی مێردەکەی کوژراوە. بەپێی ڕاپۆرتی ڕێکخراوی مافی درێژه‌ ...
خەندان - سەڵاحەدین دەمیرتاش، هاوسەرۆکی پێشووی پارتی دیموکراتی گەلان لە زیندانی ئێدیرنەوە ٣ کتێب پێشنیار دەکات بۆ هەوادارانی و ئارەزوومەندانی خوێندنەوەی کتێب. لە هەژماری تایبە درێژه‌ ...
دیجیتاڵ میدیای ئێن ئاڕ تی، کۆیە، خالید محەمەد لە ١٠ مانگی سەرەتای ئەمساڵدا ٣٧ ژن لە ناوچە جیاجیاکانی هەرێمی کوردستان کوژراون و ئەو ژمارەیەش بەراورد بە ساڵی رابردوو کەمیکردووە. درێژه‌ ...
گەریلا تیڤی ڤیدیۆیى چالاکیى گەریلاکانى هەپەگەى لە دژی هێزەکانى سوپاى تورکیا لە شاخی عەلی درێژ لە ناوچەى سیدەکان لە باشووری کوردستان بڵاوکردەوە، کە ٥ سەنگەری سوپاى تورکیا لەو چالاکی درێژه‌ ...
پانێڵێك بۆ په‌نابه‌رێكی‌ كورد ڕێكده‌خرێت به‌شی‌ لێكۆڵینه‌وه‌كانی‌ تایبه‌ت به‌ بابه‌ته‌ كه‌لتورییه‌كانی‌ زانكۆی‌ ماڵبۆرنی‌ ئوسترالی ، پانێڵێكی‌ تایبه‌تی‌ بۆ په‌نابه‌رێكی‌ كورد به‌ درێژه‌ ...
پێنجشەمە ۱۵ی نۆوەمبەر فڕۆکە جەنگییەکانی تورکیا بۆردومانی گوندێ ئەرەدنای ناوچەی ئامێدی باشوری کوردستانی کردوە کە ە ئەنجام دا سێ هاوڵاتی شەهید بوون. ناونیشانی گیانبەختکراوان بەو شێو درێژه‌ ...
ڕێژەی ئەو پەناخوازانەکی بەخواستی خۆیان دەگەڕێنەوە وڵاتەکانیان و لە بەرامبەردا کۆمەکی دامەزراندەنەوە لە وڵاتەکی خۆیان کە دەزگای کۆچی سوید ێیان دەدات کەمیکردووە. ئەو کەسانەی کە دا درێژه‌ ...
هێزی ئاسایشی بەریتانیا دەستی كوردێك دەشكێنن‌و هەڕەشەی كوشتنیشی لێدەكەن ‎پاسەوانانی ئاسایشی بەریتانیا، دوای ئەوەی هەوڵی دیپۆرتكردنەوەی كوردیكی پەنابەر دەدەن لەفڕۆكەخانەی هیزر درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   131
کۆی سه‌ردان:   17392876