شه‌ڕو بانگەشەی کۆنه‌په‌رستانەو ئاکامه‌ مه‌ترسیداره‌کانی مه‌حکومه‌!
ئاراس ڕەشید
مالمۆکورد

بەدوای شکستی حزبەکانی بزوتنه‌وه‌ی کوردایەتی لە ١٦ ئۆکتۆبەردا و خولقاندنی کارەسات و کوشتارو ئاوارەیی، رۆژ لە داوی رۆژ دۆخی سیاسی کوردستان ئاڵۆزتر و نا ئارامتر دەبێت. هێزە شکستخواردوەکان، چ ئه‌وانه‌ی ده‌سه‌ڵاتدارن وچ ئه‌وانه‌شی به‌موخالیف ونارازی له‌ده‌سه‌ڵات خۆیان ده‌ناسێنن، دەوری راستەخۆیان هەیە لە تێکدانی زیاتری ئەم دۆخە، تاڕاده‌ی ئه‌وه‌ی ‌ئاماده‌ن له‌پێناو هه‌ستانه‌وه‌ی لاسه‌نگی شکست و بنبه‌سته‌ سیاسیه‌کانیاندا، ژیان و گوزەرانی خەڵکی به‌ره‌و مەترسی کێشمەکێش و شەری نیوانیان ڕاپێچ بکه‌ن. روداوەکانی شه‌وی٢٩ی ئۆکتۆبەری ناو پەرلەمان و هێرش و پەلاماری بارەگای حزبەکان لە زاخۆ و تۆمەتبار کردنی یەکترو شەری میدیایی تا بەنگەشەی تۆله‌کردنه‌وه له‌یه‌کتری‌.. سەرەتای ده‌رکه‌وتنی شێوازێکی تره‌ له‌شەری ناوخۆ، کە بێگومان له‌ئاکامی قوڵبوونه‌وه‌ی زیاتریدا، نەک هه‌ر ده‌بێته ‌مایه‌ی نائارامکردنی هه‌رچی زیاتری ژیانی خه‌ڵک، به‌ڵکو کوردستان به‌ره‌و دابه‌شبوون ولێکترازان وچه‌نده‌ستەیی‌ دەبات.

ئه‌و هێزانەی شه‌وی ڕابردوو په‌رله‌مانیان کرده‌ مه‌یدانی شه‌ڕو هه‌رای نێوان خۆیان و له‌میداکانیانه‌وه‌ به‌رامبه‌ر به‌یه‌ک ڕاوه‌ستان، ئه‌و هێزانه‌ن که‌به‌شێکیان شکسته‌کانی خۆیان به‌گرتنه‌به‌ری سیاسه‌تی ته‌سلیمبوون به‌هێزه‌کانی عێراق درێژه‌ پێداوه‌، به‌شه‌که‌ی تریشیان به‌چاوپۆشیکردن له‌کاره‌سات و تاوانه‌کان و ‌له‌شکرکێشی عه‌بادی و وحکومەتی فاشیست- ئیسلامی و شۆڤێنستی عێراق بۆسەر کوردستان بۆ گێڕانه‌وەی خه‌لکی کوردستان بۆ ژیرسایه‌ی  دەسەڵات وده‌ستوره‌ قه‌ومی و ئیسلامیه‌که‌ی، دەیەوێ پایەی "حکومه‌تی ڕزگاری نیشتمانی"یەکەی دابمەزرێنێ! ئیستاش هه‌ردولایان ده‌یانه‌وێت خۆیان له‌به‌رپرسیارێتی و شکسته‌کان بدزنه‌وه‌و به‌هه‌ڵخراندنی کەشوهەوای پشێوی خه‌بات وناره‌زایه‌تی رەوای جه‌ماوه‌ر بۆ نان و ئازادی بخنکێنن و کۆمه‌ڵگاش به‌ره‌و هه‌ڵدێرو لێکترازانی زیاتر به‌رن.  به‌مجۆره‌ش شه‌ڕو ململانێی ئه‌م هیزه‌ کۆنه‌په‌رستانه‌و ئاکامه‌کانی بۆسه‌ر ژیانی خه‌ڵک مه‌حکومه‌ و ده‌بێ له‌لایه‌ن جه‌ماوه‌ر وخه‌لکی ئازادیخوازە‌وه‌ وه‌ڵامی شایستەی پێبدرێته‌وه‌.

بێگومان له‌دۆخێکی وه‌ک ئیستادا، توڕەیی و بێزاری و نارەزایەتی بەرفراوانی جەماوەری کوردستان وهاتنه‌ مه‌یدانیان لەبەرامبەر ئەم پاشەكشە ریسواو رەزیلایەنەی حزبە دەسەڵاتدرەکان و ملکەچ بوونیان بۆ حکومەتی عێراق و ئێران، حاله‌ت و کرده‌یه‌کی نه‌ک هه‌ر ڕه‌واو به‌رهه‌قه، به‌ڵکو پێویسته‌ تاسه‌ر ئاستی ڕاپه‌ڕینێکی شۆڕشگێرانه‌ هه‌ڵکشێ. ده‌ستکۆتاکردنی ده‌سه‌لاتی ئه‌م حزبانه‌ و هێنانه‌کایه‌ی ده‌سه‌ڵاتدارێتی جه‌ماوه‌ری له‌کوردستانێکی ئازادو سه‌ربه‌خۆدا له‌ڕێگای خه‌باتێکی سیاسی یه‌کگرتوو ڕێکخراو وئازادیخوازنه‌وه‌ به‌کرده‌وه‌ بگرێته‌به‌ر‌. له‌م پێناوه‌شدا پێویستە خه‌ڵکی ناڕازی کوردستان لە هەموکات زیاتر هوشیارانه‌ ڕاوه‌ستن وڕێگانه‌ده‌ن به‌هیچ لایەن و دەستەو تاقمێک یاری بە چارەنوسی خۆیان و نارەزیەتیه‌کانیانه‌وه‌‌ بکه‌ن‌. پێویستە ریزی سەربەخۆی خه‌باتی جه‌ماوه‌ریان بپارێزن و تێکەڵ بە نەخشەو سیاسەتی هیچ لایەنێکی دەسەڵاتدارو ئەو هەلپەرستانە نەبن کە بەرژەوەندیەکانی جەماوەری کوردستان دەکەنە قوربانی نەخشەو سیاسەتەکانی خۆیان. به‌تایبه‌تیش له‌ئێستادا که‌‌بارگرژی وکێشه‌ی نیوان‌ کۆنه‌په‌رستان هه‌ڵگیرسانی شه‌ری ناوخۆ و لێکترزانی کۆمه‌لایه‌تی کردۆته‌ ئه‌گه‌رێک، ده‌بێ به‌ره‌ی ئازادیخواز وخه‌لکی توڕه‌و نارازی به‌رووی ئه‌م هێزانه‌دا بیته‌مه‌یدانه‌وه‌ وڕیگانه‌ده‌ن کوردستان بۆلێواری دابه‌شبوون ولیکترازانی کۆمه‌ڵایه‌تی به‌رن وئامانجه‌ گلاوه‌کانی ده‌وله‌تی عیراق و ئیران به‌سه‌ر خه‌ڵکی کوردستاندا بسه‌پێنن. 

حزبی کۆمۆنیستی کرێکاریی کوردستان بانگه‌وازی هه‌موو دەستەو کەسایەتی و هەڵسوڕاوانی چەپ و ئازادیخوازوهه‌ر لایه‌نیك دەکات که‌خۆی به‌به‌رپرس دەزانێ بەرامبەر بە ژیان و مه‌ده‌نیه‌تی کۆمه‌لگا، بۆئەوەی له‌ بەرەیەکدا ‌دژی ئه‌م دۆخه‌ کۆبینەوە بەمەبەستی وەگەڕخستنی فشارێکی کۆمه‌لایه‌تی بۆسه‌ر ئه‌و هیزانه‌و ناچارکردنیان به‌ده‌ستهه‌لگرتن ‌له‌شه‌ڕو ململانێی کۆنه‌په‌رستانه‌و دورخستنەوەی ئه‌گه‌ری هه‌لایسانی شه‌ری ناوخۆ.
 
حزبی کۆمۆنیستی کرێکاریی کوردستان
30/10/2017

به‌روار:  03/11/2017
126   جار خوێندراوه‌ته‌وه
  بابه‌تی زیاتر ...
ئەكادیمیای بەدرخان: سەرجەم ژمارەكانی كوردستان لە میسر چاپكراون لە یادی رۆژنامەگەریی كوردیی ئەكادیمیای بەدرخان رایدەگەیەنێت: پاش گەڕان و پشكنینی زیاتر لە ئەرشیفی 50 وڵات ، وای بۆ د درێژه‌ ...
مالمۆکورد یەکەمجارە لەمێژوودا کە ئەنجوومەنی ئاسایشی نەتەوە یەکگرتووەکان لە دەرەوەی بارەگای خۆی لە نیویۆرک کۆبوونەوە بکات. ئیمڕۆ هەیینی 2018.4.20., 15 ئەندامەکەی ئەنجوومەنی ئ درێژه‌ ...
پرسی سوریا تەوەری سەرەکی کۆبوونەوەکانی ئەمڕۆی نەتەوەیەگرتووەکان دەبێت لە هەرێمی سکۆنێ لە سوید. ئەنجوومەنی ئاساییشی ڕێکخراوی نەتەوەیەگرتووەکان کە پێکهاتووە لە ١٥ باڵێۆزی وڵاتان درێژه‌ ...
ستافی ئامادەکاری بەرگی دووەمی کتێبی سەردەشت عوسمان لەبەیاننایەکدا ئاماژە بەوە دەکەن ئاسایشی پارتی لەبازگەی بێستانە دەستی بەسەر ژمارەیەک کتێبی سەردەشت عوسماندا گرتوە، کاتێک لەلایەن درێژه‌ ...
خەڵك- بەشی هەواڵ كۆمیسیۆنی ئەوروپا، بڕیارێكی ئەڵمانیا بۆ وەرگرتنی زیاتر لە 10 هەزار پەنار لە باكووری ئەفریقا و خۆرهەڵاتی ناوەڕاستەوە ئاشكرا دەكات، ئەوەش لە چوارچێوەی پرۆگرامی یەك درێژه‌ ...
لە گروپێکی فەیسبوک دا باوکەکان هاندراون وێنەی سەرنجڕاکێش بە جلوبەرگی تەنک یان وێنەی رووتی ژنەکانیان یان دۆستەکچەکانیان بڵاو بکەنەوە. بە شێوەی ئاسایی لەو گرووپەدا زیاتر باسەکانی درێژه‌ ...
ئەندامێکى سەرکردایەتى حزبى دیموکراتى کوردستانى ئێران ئاشکرایکرد ساڵى ڕابردوو لەلایەن کۆمارى ئیسلامى ئێرانەوە ٣٠٠ کۆڵبەرى کورد کوژراون. ڕۆستەم جیهانگیرى بە ئاژانسى "سپۆتنیک نیوز" درێژه‌ ...
ئوسترالیا ڕاكێشانی‌ دایك و باوك له‌سه‌ر كۆچبه‌ران گران ده‌كات حكومه‌تی‌ ئوسترالیا به‌رده‌وامه‌ له‌ گۆڕینی‌ سیاسه‌ته‌كانی‌ كۆچی‌ ئه‌و وولاَته‌ و له‌ دواهه‌مین گۆڕانكاریدا و به‌گوێره درێژه‌ ...
له‌ شاری دیوانده‌ره‌-ی سه‌ر به‌ سنه‌-ی ڕۆژهه‌ڵاتی كوردستان، پاسدارێكی كۆماری ئیسلامیی ئێران هێرشی كرده‌ سه‌ر خێزانێكی كورد و له‌ ئه‌نجامی ئه‌و هێرشه‌ دڕندانه‌یه‌دا ٤ كه‌سی هه‌مان خ درێژه‌ ...
بڵاو کرایه‌وه‌ kl 17.24 سۆسیال دێموکراتەکان دەیانەوێ یاساکانی هێنانی کرێکار بۆ سوید سنووردار بکەن و زیاتر ئەو کەسانە بێنن بۆ سوید کە لە بازاڕی کاردا خواست لە سەر پسپۆڕیەکەیان هەیە درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   150
کۆی سه‌ردان:   16604220