|
بەرپرسی لقی 17ی پارتی لە میحوەری زوممار شەهیدبوو
رووداو- زوممار
وەحید باکۆزی، فەرماندی پێشمەرگە و بەرپرسی لقی 17ی پارتی دیموکراتی کوردستان بەهۆی تۆپبارانی هێزەکانی حەشدی شەعبی و سوپای عێراق لە میحوەری زوممار شەهیدبوو.
پەیامنێری رووداو رایگەیاند، تۆپخانەکانی حەشدی شەعبی و سوپای عێراق تۆپبارانی سنوورەکانی پێشمەرگە دەکەن لە میحوەری زوممار، بەهۆی ئەو بۆردوومانەوە فەرماندەیەکی پێشمەرگە کە هاوکات بەرپرسی لقی 17ی پارتی دیموکراتی کوردستانە بەناوی واحید باکۆزی لەگەڵ دوو لەپاسەوانەکانی شەهیدبوونە.
لە بەرەبەیانی ئەمڕۆ پێنجشەممە 26-10-2017 حەشدی شەعبی و سوپای عێراق لە چەند میحوەرەوە هێرشیان دەستپێکردووە و بەگوتەی فەرماندەکانی پێشمەرگە لە زوممار و مەخموور و پردێ تێکشکێندراون. فڕۆکەیەکی چاودێری حەشدی شەعبی کەوتە خوارەوە، دوو تانک و چەندین هەمەریان تێکشکێندراون و ژمارەیەکی زۆر لە چەکدارەکانیان کوژراون و برینداربوون.
به‌روار: 27/10/2017
1081 جار خوێندراوه‌ته‌وه
|