|
پێنج سەرۆکى ئەمریکا لە ئاهەنگێکى میوزیکى خێرخوازیدا کۆبوونەوە
هەر یەک لە جیمی کارتەر وجۆرج بوش و بیل کلینتۆن و جۆرج بۆشی کوڕ و باراک ئۆباما سەرۆکانى پێشووی ئەمریکا ڕایانگەیاند، سەرکەوتووبوون لە کۆکردنەوەى بڕی ٣١ ملیۆن دۆلار بۆ بە هاناوە چوونى لێقەماوانى زریانەکانى ئەمریکا.
ئەو پێنج سەرۆکەى ئەمریکا کە پێکەوە بەشداری ئاهەنگێگی میوزکیان کرد کە تیادا داوای هاوکاری زیاتر کرا بۆ ئاوارە و زیانلێکەوتوانى زریانەکانى ئەمریکا و هەر یەکەیان وتارێکى پێشکەش کرد.
هاوکات هەر لە ئاهەنگەکەدا دۆناڵد ترەمپ سەرۆکى ئەمریکا سوپاسی هەر پێنج سەرۆکەکەى پێش خۆی کرد کە پێش ئەو سەرۆکایەتى ئەمریکایان کردووە و ڕایگەیاند، "هەوڵەکانیان بۆ دەمەوەچوونى لێقەوماوان بەرز دەنرخێنم".
ئەمەش لە کاتێکدایە ئەمساڵ دوو زریانى بەهێز کەنارەوەکانى ئەمریکای گرتەوە و زیانێکى زۆری گیانى و مادى بە ئەمریکا گەیاند و سەدان هەزار کەس ئاوارەى ویلایەتەکانى تر بوون.
کۆتا جاریش کە پێنج سەرۆکى پێشووتری ئەمریکا کۆبووبێتنەوە ساڵی ٢٠١٣ بوو ئەو کاتەى کە ئۆباما سەرۆک بوو و جۆرج بوشی کوڕ نوسینگەیەکى کردەوە و بانگهێشتى ئاهەنگێکى کردبوون.
هـ،ڕ
نالیا
به‌روار: 24/10/2017
856 جار خوێندراوه‌ته‌وه
|