حەشدی شەعبی بە پێشڕەوەی هێزێکی تایبەتی یەکێتی پشکنین لە کەرکوک دەکەن
شارپرێس:
قەدەغەی هاتوچۆ لە شاری کەرکوک ڕاگەیاندراوە و ماڵی هاوڵاتیان پشکنینی بۆ دەکرێت.
چەند سەرچاوەیەکی ئاگادار لە ناو شاری کەرکوکەوە بە شارپرێسیان ڕاگەیاند "ئەمشەو لە شاری کەرکوک قەدەغەی هاتوچۆ ڕاگەیاندراوە و بە تەواوەتی جوڵەی شاری وەستێندراوە".
ئەو سەرچاوانە باسیان لەوەشکرد "لەلایەن هێزەکانی حەشدی شەعبی بە پێشڕەوەی هێزێکی تایبەتی یەکێتی نیشتیمانی کوردستان گەڕان و پشکنین لە گەڕەکە کوردییەکانی کەرکوک دەکرێت و ماڵی هاوڵاتیان بۆ چەک و کەرەستەی سەربازی دەگەڕێن".
هاوکات لە شارۆچکەی دوزخورماتو چەکدارانی حەشدی شەعبی و هاوڵاتیانی توروکمان و عەرەب ئاهەنەگ دەگیڕن و تەقەیەکی زۆریشیان بەناوی تەقەی خۆشیەوە کردووە.
لە ئێستادا مەڵبەندەکانی یەکێتی نیشتیمانی کوردستان لە کەرکوک لە ئینزاردان و لقەکانی پارتیش بەسەرجەم ئەندامەکانیانەوە چونەتە شارەکانی سلێمانی و هەولێر.
ئەوەش دوای ئەوە دێت کە بەرەبەیانی رۆژی دووشەمە ١٦ی تشرینی یەکەمی ٢٠١٧ لە دوای کشانەوە بەشێک لە هێزەکانی پێشمەرگە هێزەکانی سوپای عێراق و حەشدی شەعبی هێرشێکی فراوانیان بۆ شاری کەرکوک و دەوروبەری دەستپێکرد و شارەکەیان کەرکوک داگیرکرد و ئاڵای کوردستانیان لەسەرجەم دامودەزگا نەوتییەکانی شاری کەرکوک داگرت.
بهروار: 18/10/2017
2022 جار خوێندراوهتهوه
|