25 ساڵەی تیرۆرى سادق شەرەفکەندى سکرتێرى گشتیى حزبى دیموکرات
سادق شەرەفکەندی سکرتێرى گشتیى حزبى دیموکراتى کوردستانى ئێران لە ١٧ى ئەیلولی ١٩٩٢دا لە لایەن یەکەیەکى تیرۆری ئێرانەوە لە ئەڵمانیا تیرۆر کرا. دادگاى ئەڵمانیا دواى ٥ ساڵ لێکۆڵینەوە خامنەئى و ڕەفسەنجانی و عەلی ویلایەتیى بە بڕیاردەری تیرۆرکردنى سادق شەرەفکەندی ناساندووە.

سادق شەرەفکەندی سکرتێرى گشتیى حزبى دیموکراتى کوردستانى ئێران، کە ١٦ى ئەیلولی ١٩٩٢ بۆ بەشداریکردن لە کۆبوونەوەی ساڵانەی ڕێکخراوی ئەنتەرناسیۆنالی سۆسیالیست سەردانى ئەڵمانیاى کردبوو، ڕۆژی ١٧ى ئەیلول لەگەڵ هەر یەکە لە فەلاح عەبدلی و هومایون ئەردەڵان و نوری دێهکوردی و ژمارەیەک لە ئۆپۆزسیۆنى ئێرانى دانیشتنێک لە ڕیستورانتى میکۆنوس لە شاری بەرلینی ئەڵمانیا ڕێکدەخەن و لەو کاتەدا لەلایەن یەکەیەکى تیرۆرى ئێرانەوە تەقەیان لێدەکرێت و سادق شەرەفکەندی و فەلاح عەبدلی و هومایون ئەردەڵان تیرۆر دەکەن.

چەند ڕۆژ دوای تیرۆرکە پۆلیسی ئەڵمانیا ئێرانییەک و دوو لوبنانی دەستگیرکرد، دواتر دەرکەوت ئێرانییەکە ناوی کازم دارابییە و  سەرپەرشتی تیرۆرەکەی کردوە و دوو لوبنانیەکەش کە سەر بە گروپی حیزبوڵڵا بوون و چوونەتە ناو رێستۆرانتەکەوە و تیرۆرەکەیان ئەنجامداوە.

دادگاى ئەڵمانیا ماوەى ٥ ساڵ لێکۆڵینەوەى لە دۆسیەى تیرۆرى شەرەفکەندى و هاوڕێکانى کرد و لە دواى گوێگرتن لە شایەتیدانى ١٧٠ کەس بڕیاریدا، کە عەلى خامنەئى ڕابەری ئێران، هاشمى ڕەفسەنجانى سەرۆک کۆمارى ئەو کاتى ئێران، عەلی ویلایەتى وەزیرى دەرەوەى ئەو کاتى ئێران و عەلى فەلاحیان وەزیرى ئەو کاتى ئیتڵاعات پلانى تیرۆرکردنى شەرەفکەندی و هاوڕێکانیان داڕشتووە.

تیرۆرکردنى شەرەفکەندى لە کاتێکدابوو، نزیکەى ٣ ساڵ پێش تیرۆرکردنەکەى شەرەفکەندى، عەبدولڕەحمان قاسملو سکرتێرى گشتیى ئەو حزبە لە کاتى دانوستان لەگەڵ شاندێکى ئێرانیدا لە شارى ڤییەناى پایتەختى نەمسا، لەلایەن شاندە دانوستانکارەکەى ئێرانەوە تیرۆکرا. 

کاتێک دادگاى ئەڵمانیا لە ڕۆژى ١٠ى نیسانى ١٩٩٧ دوابڕیارى خۆى لەبارەى دۆسیەى تیرۆرکردنى سادق شەرەفکەندییەوە دەرکرد، سەرجەم وڵاتانی یەکێتیی ئەوروپا وەک ناڕەزایەتییەک بە تیرۆرەکە باڵیۆزەکانی خۆیانیان لە ئێران کشاندوە و پەیوەندییەکانیان لەگەڵ ئێران هەڵپەسارد.

لە سەردەمی سکرتێری شەرەفکەندیدا دوای چەند ساڵ شەڕ و ناکۆکی حیزبی دیموکرات پەیوەندییەکانی لەگەڵ پارتی دیموکراتی کوردستان ئاسایی کردەوە و لەگەڵ یەکێتی نیشتمانی کوردستانیش لە پەیوەندییەکی بەهێزدابوو.

هەندێک لەلایەنگرانی حیزبی دیموکرات پێیانوایە شەرەفکەندی توانیبووی جێگەی قاسملۆ بگرێتەوە، تەنانەت بەشێک لە بەرپرسانی ئۆپۆزسیۆنی ئێرانیش هۆکاری تیرۆرکردنی شەرەفکەندی بۆ ئەوە دەگەرێننەوە کە ناوبراو هەوڵی لێکنزیکردنەوەی ئۆپۆزسیۆنی ئێرانی داوە بۆ پێکهێنانی بەرەیەکی بەرفراوانی ئۆپۆزسیۆن لە دژی حکومەتی ئێران.

بەپێى بەشێک لە سەرچاوەکانی حیزبی دیموکرات، لە کۆبوونەوەکەی ئەنتێرناسیۆنال سۆسیالیستدا لە ئەڵمانیا جەلال تاڵەبانی سکرتێری گشتی یەکێتی نیشتمانی کوردستانیش بەشداربووە و لە ڕۆژی کۆبوونەوەکەدا تاڵەبانی بە شەرەفکەندی وتووە کە ئاگای لە خۆی بێت بەو پێیەی زانیاریان هەیە حکومەتی ئێران لە هەوڵی تیرۆرکردنیدایە.

بەشێک لە چاودێرانی ئێرانی پێیانوایە دوای ئەو بڕیارەی وڵاتانی یەکێتیی ئەوروپا بۆ ڕاگرتنى پەیوەندییەکانیان لەگەڵ ئێران و کشاندنەوەى باڵیۆزەکانیان، حکومەتی ئێران کەوتبووە ژێر فشار و ئەمەش ڕۆڵی هەبووە لەوەدا کە حکومەتی ئێران ڕێگە بدا بە کاندیدبوونی محەمەد خاتەمی بۆ پۆستی سەرکۆماری، هەر دوای ئەوەی محەمەد خاتەمیش بووە سەرکۆمار وڵاتانی ئەوروپا باڵیۆزەکانیان گەڕاندەوە ئێران و پەیوەندییەکانیان ئاسایی کردەوە.

کازم دارابی سەرپەرشتیارى تیرۆرکەى سادق شەرەفکەندی، لە دواى ١٥ ساڵ زیندانیکردن لە ئەڵمانیا ئازادکرا و گەڕایەوە بۆ ئێران و لەلایەن بەرپرسانى ئێرانەوە پێشوازیى لێکرا. ئەوەش ناڕەزایەتیى چالاکوانانى مافەکانى مرۆڤ و کوردەکانى ڕۆژهەڵاتى کوردستانى لێکەوتەوە.

سادق شەرەفکەندی لەساڵی ١٩٣٨دا لە گوندێکی ناوچەی بۆکانی رۆژهەڵاتی کوردستان لەدایکبووە، خوێندنی دۆکتۆرای لە بواری کیمیادا لە زانکۆی سۆربۆنی پاریس تەواو کردبوو. دواتر گەڕاوەتەوە ئێران و لە تاران بووەتە مامۆستای زانکۆ، لە ساڵی ١٩٧٣ بووبوە ئەندامی حیزبی دیموکرات و لەساڵی ١٩٨٠شدا بوو بە ئەندامی سەرکردایەتیی ئەو حیزبە و دواتریش لە تەموزی ١٩٨٩دا دوای تیرۆری قاسملۆ بوو بە سکرتێری گشتی حیزبی دیموکرات.
نالیا
به‌روار:  18/09/2017
161   جار خوێندراوه‌ته‌وه
  بابه‌تی زیاتر ...
لە گرتە ڤیدیۆیەکدا کە لە تۆڕە کۆمەڵایەتییەکاندا بڵاوبووەتەوە و کاردانەوەى زۆرى هاوڵاتیانى لێکەوتووەتەوە، دەردەکەوێت کەسێک بە دەمانچە لە ڕووخسار و سەری گەنجێک دەدات و برینداری دەکات درێژه‌ ...
دەستگەی کەشناسیی سوید (SMHI) لە بەر تۆفانی کنیود هۆشداریی پلە دووی دەرکرد. ئەم تۆفانە کە دوانیوەڕۆی ئەمڕۆ، ڕۆژی هەینی دەگاتە سوید، کێشە بۆ هاتووچۆی ئۆتۆمبێل و شەمەندەفەر و کەشت درێژه‌ ...
شارپرێس: وەزارەتی دەرەوەی ئەمریكا راپۆرتی ساڵی ٢٠١٧ی لەبارەی تیرۆرەوە لە وڵاتان بڵاوكردەوە و هەریەكە لە پەكەكە، و پەیەدە و یەپەگەی لە لیستی تیرۆر لابردووە. لە راپۆرتەكەدا جەخت ل درێژه‌ ...
لەعەفرینی داگیرکراو لە درێژەی دووەمین قۆناخی هەڵمەتی بەرخۆدانی سەردەم شەڕڤانان چالاکیان ئەنجام داوەتەوە و لە ئاکامیدا ۲سەرباز و ۳ چەتەی سەر بە تورکیا کوژراون. ناوەندی ڕاگەیاندنی ی درێژه‌ ...
زەنگیانەی ئاویی ڕستی حەوتەم ( تۆ و مانگ ) گەر دەپرسیت ئەمن جوانم یاوەکو مانگ ؟ درۆ بە زارمدا نایەت تۆ دەبینم، مانگم لەبیر دەچێتەوە مانگ دەبینم ئەتۆم بەبیردێنێتەوە. درێژه‌ ...
ژمارەی ئەو کەسانەی بۆ پەیدا کردنی خانوو داوای یارمەتیی لە کۆمۆنەکان دەکەن، لە زیادبووندایە. لە درێژایی ١٠ ساڵی ڕابردوودا ئەم ڕێژەیە لە دوو بەرابەر زیاتر بووە. ساڵی ٢٠٠٨ بۆ نموون درێژه‌ ...
ئەوڕۆ سێ شەممە۲۸ی خەرمانانی ۱۳۹۷ی هەتاوی کاتژمێر ۱۲ ژنێکی ۳۰ساڵ تەمەن بەناونیشانی ” موژدەعەزیمی” خەڵکی گوندی ” ناوتەنگی خان مەنسوور) ی شاری ئیسلام ئاوای ڕۆژئاو دانیشتووی شاری سەربە درێژه‌ ...
خەندان- د. بەرهەم ساڵح، بە فەرمی لەلایەن یەكێتی نیشتیمانی كوردستانەوە پاڵێورا بۆ پۆستی سەرۆك كۆماری عێراق. درێژه‌ ...
لە شاری مانهایمى ئەڵمانیا چالاکییەک لە دژى سەردانى ئەردۆغان سەرۆک کۆمارى تورکیا بۆ ئەڵمانیا بەڕێوەچوو. رەجەب تەیب ئەردۆغان سەرۆک کۆمارى تورکیا لە هەفتەى داهاتوودا سەردانى ئەڵمانیا درێژه‌ ...
ىڕیارە ٣٠ مانگی نۆ هەرڵبژاردنی پەرلەمانی هەرێمی کوردستان ئەنجام بدرێت ولە ئێستاشدا هەڵمەتی هەڵبژاردن بەڕێوەدەچێت. هاوکات پرسی بەشداری کردنی کوردانی تاراوگە و بەتایبەت کوردانی سوید درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   84
کۆی سه‌ردان:   17213086