|
له‌سه‌ر فه‌یسبوك چالاكوانێكی ژینگه ده‌درێته دادگا
- لاڤه كورده
له‌سه‌ر پۆستێكی فه‌یسبوك كه تێیدا ره‌خنه‌ی له ده‌سه‌ڵاتی دادوه‌ری ده‌ربه‌ندیخان گرتوه، هاوسه‌رۆكی رێكخراوی سروشتی كوردستان ده‌ستبه‌سه‌ركراوه.
رۆژیار لوقمان وته‌بێژی رێكخراوی سروشتی كوردستان به رادیۆی نه‌وای راگه‌یاند، سه‌روه‌ر قه‌ره‌داغی هاوسه‌رۆكی رێكخراوه‌كه چه‌ند رۆژێك به‌رله ئێستا پۆستێكی له ئه‌كاونتی خۆی له فه‌یسبوك كردبوو تێیدا ره‌خنه‌ی له ده‌سه‌ڵاتی دادوه‌ری قه‌زای ده‌ربه‌ندیخان گرتبوو ده‌رباره‌ی روداوێك كه بزنێك له‌كاتێكدا دوو به‌چكه‌ی له سكدا بوه، له‌لایه‌ن دوو هاووڵاتیه‌وه كوژراوه، به‌ڵام هیچ رێكارێكی یاسایی به‌رامبه‌ریان نه‌گیراوه‌ته‌به‌ر.
ئاماژه‌ی به‌وه‌شكرد، له دوای ئه‌و پۆسته، داواكاری گشتی ده‌ربه‌ندیخان سكاڵای له‌سه‌ر سه‌روه‌ر قه‌ره‌داغی هاوسه‌رۆكی رێكخراوه‌كه تۆماركردوه و له ئێستادا ده‌ستبه‌سه‌ره.
نەوا
به‌روار: 05/09/2017
454 جار خوێندراوه‌ته‌وه
|