ڕێژەی ئەو عێراقییانە دەگەڕێنەوە سوید زیادیکردووە
لەم ساڵانەی دوایدا ڕێژەی ئەو عێراقییانەی نیشتەجێیی عێراق و هەرێمی کوردستان بوون و  هاوڵاتینامەی سویدییان هەیە و ئێستا بۆ سوید دەگەڕێنەوە زیاد دەکات.

ئەو هاوڵاتییە خاوەن دوو هاوڵاتینامەن، واتە هاوڵاتینامەی سویدیی و عێراقییان هەیە و دەتوانن کوێیان پێخوشبێت لێی نیشتەجێ ببن. چەند ساڵێک بەر لە ئێستا چەندین خێزان بەتایبەت بۆ هەرێمی کوردستان لە سویدەووە بە مەبەستی نیشتەجێ بوون بۆ هەرێمی کوردستان و عێراق گەڕانەوە. بەڵام لە ئێستادا بەشێک لەو خێزانە بۆ سوید دەگەڕێنەوە.یەکێک لەو  کەسانە محەمەدە و خێزانەکەیەتی  کە لە کۆتای ساڵی ٢٠١٤ دا بە مەبەستی نیشتەجی بوونی یەکجاری بۆ هەرێمی کوردستان گەڕاوەتەوە.  

    لە سەرتاوە باش بوو، بەڵام پاشان ڕەوشەکە لە ڕووی ئابوورییەوە بەرەو داڕمان دەڕۆیشت، شەڕی داعش هات بەسەرا و لە ئارادا بوو، بەغدا بەشە بودجەی هەرێمی نەدەنارد، ئابووری کوردستان بەرەو خراپ بوون دەڕۆشت. نرخی نەوت داشکاو حەسارێکی زۆر کوردستانی گرتەوە و ئیش کاری هاوڵاتیان و بازاڕ و کۆمپانیاکان زۆرینەی وەستا. پاشان قوتابخانە بۆ ماوەی سێ مانگ داخرا. لەبەر ئەوەی مامۆستا ماعاشی نەبوو، وە نەی ئەتوانی بەبێ مەعاش دەوام بکات. ئێمەش بەتایبەت لەبەر  ڕەوشی منداڵەکان بڕیارماندا بۆ سوید بگەڕێینەوە.

محمەد و خێزانەکەی تەنها نین لەوەی کە دووبارە گەڕاونەتەوە سوید. بە پێیی دواین ئاماری بیرۆی ناوەندی ئامار (Statistiska Centralbyrån) کە تایبەت بەساڵی ٢٠١٦ ئەو کەسانەی کە بە خواستی خۆیان لە کاتی گەڕانەوەیان بۆ عێراق ناوی خۆیان لە لە تۆماردا کوژاندۆتەوە و پاشان کە گەڕاونەتەوە ناویان دووبارە تۆمارکردووە زۆر زیادیکردووە. بەڵام ڕێژەی ئەو کەس و خێزانانەی کە ناویان لەکاتی ڕۆشتن و هاتنەوەدا تۆمار نەکراوە، واتە نادیارە زۆر زۆر زیاترە. 

ڕێژەی ئەو خێزان و کەسانەی کە بۆ سوید گەڕاونەتەوە  ساڵی ٢٠١٦ بەراورد بە ساڵی ٢٠١٠ زۆر زیادی کردووە.

 بەپێیی ئامارەکەی بیرۆی ناوەندی ئامار سالی ٢٠١٠ نزیکەی تەنها ١٣٠ کەس بۆ سوید گەڕاونەتەوە، بەڵام لەگەڵ دەستپێکردنی شەڕی دژی ڕێکخراوی تیرۆریستی دەوڵەتی ئیسلامی ناسراو بەداعش سالی ٢٠١٣ ئەم ڕێژە زۆر زیاد دەکات و دەگاتە ٣٠٠ کەس.  ئەم ئامارە هەتاوەکو ساڵی ٢٠١٦ کە ڕێژەی ئەو کەسانەی دەگەڕێنەوە بۆ سوید لە هەڵگشان بەردەوامە و پار ساڵ نزیکەی ٥٠٠ کەس گەڕاونەتەوە سوید و سەر لە نوێ دەستیان بە دەمەزرادنەوە کردووە.

 هاوکات نوێنەرایەتی حکومەتی هەرێمی کوردستان لە سوید بە هەمان شێوە، ئەوە پشتڕاست دەکەنەوە کە ڕێژەی ئەو هاوڵاتیانەی بەتایبەت لە هەرێمی کوردستانەوە دەگەڕێنەوە سوید زیادیکردووە. شۆڕش قادر ڕەحیم نوێنەری حکومەتی هەرێمی کوردستان لە سوید سەبارەت بە ڕێژەی ئەو هاوڵاتیانەی دێنەوە دەڵێت.

 

    دەتوانم بڵێم ڕێژەی ئەو کەسانەی لە هەرێمی کوردستانەوە دێنەوە زیادیکردووە، بەڵام هیچ ئامارێکمان لە بەر دەستدا نییە، لەبەر ئەوەی ئەو کەسانەی دەگەڕێنەوە ناوی خۆیان تۆمار ناکەن. بەڵام لەکاتی سەردانکردنیان بۆلامان لە سوید سەبارەت بە کاری کۆنسوڵیان هەیە هەست بەوە دەکەین کە ڕێژەی ئەو کەسانەی دەگەڕێنەوە زیادی کردووە. ئەو کارانەش لە ڕێگەی ئێمەوە بۆیان دەکرێت بۆ نمونە پێکدێت لە وەکالەتنامە، بەرحەیات، وەفاتنامە  و ڕدەستکردنی شەهادەو چەندین بابەتی دیکەیە.

گوێ لە ڕاپۆرتەکە بگرە
به‌روار:  10/08/2017
907   جار خوێندراوه‌ته‌وه
  بابه‌تی زیاتر ...
لە بەدواداچوونێکی دەزگای چاوەدێریی گشتیی دارایی (Riksrevisionen) کە ئەمڕۆ بڵاو بوویەوە دەردەکەوێت کە ڕێژەی ئەو سکاڵایانەی دەربارەی گوومانی گەندەڵی لە ناو باڵیۆزخانە و کۆنسۆلگەرییەک درێژه‌ ...
یانەی داڵکورد ئێستا لە خشتەی یارییە ئەنجامدراوەکانی خولە پلە یەکەکان لە خواری خوارەوەیە. هەتاوەکو ئێستاش پێنج شکستی لەسەر یەک خواردووە. لە بەیاننامەیەکدا یانەی داڵکورد ڕایان گەی درێژه‌ ...
ڕۆژنیوز - ناوەندی هەواڵەکان دادگای نێودەوڵەتیی پاریس حکومەتی تورک و ئەردۆغانی بە دژایەتیی گەلی کورد بە تاوانبار لەقەڵەم دا، ئەردۆغانیشی بە بەرپرسیاری سەرەکی ئەو تاوانانە نا درێژه‌ ...
یەکێک لەو کەسانەی لە کەسی کوشتنی ئولۆف پالمێدا وەک شایەتحاڵ لە لێکۆڵینەوەکاندا دەرکەوتووە، ئێستا گومانی ئەوەی لێ دەکرێت کە ئەو ئۆلف پالمێی کوشتبێت. ئەم بابەتە ڕۆژنامەی (Filter) ئا درێژه‌ ...
:ئەمڕۆ سێ شەممە یەکەمی جۆزردانی ۱۳۹۷ کۆچی هەتاویی حوسێن حەمدی نیاز پارێزەری ڕامین حوسێن پەنایی ، داواکاری گەڕاندنەوەی دادگایی ڕامین حوسێن پەنایی بۆ دادگای پێداچوونەوە نارد و وتی : درێژه‌ ...
روونکردنەوەیەک بۆ گشت بینەر و بەڕێزەکانی فەیسبوک و هەرکەسێک کە ئەو وێنەیەی من و کچەکەم دەبینیت کە بە جلوبەرگی بوکێنییەوە بڵاومکردووەتەوە: بەڕێزان ئەوە کچە تاقانەکەمە چەند وێنەیە درێژه‌ ...
ڕۆژنیوز – برادۆست لە ئەنجامی چەند چالاکییەکی گەریلاکانی هەپەگە و یەژاستار لە ناوچەی برادۆست ٢٨ سەربازی سوپای تورک و سێ بەکرێگیراو کوژران. چالاکییەکانی گەریلاکان لەد درێژه‌ ...
لە پەیامێکی ماتەمینیدا، کەسایەتی ناوداری کورد "جەلالی عومەری سام ئاغا"ٚ سەبارەت بە کۆچی دوایی "عادل موراد" ئەڵێت "چی بڵێم زیاتر له‌وه‌ی كه‌ به‌ ته‌نیاو له‌گه‌ڵ خۆمدا فرمێسكی درێژه‌ ...
دادگای بەرایی هەولێر بڕیاریدا دواخستنی لەسەر دۆسیەی دكتۆرە شایان تا كۆتای مانگی شەش دا، كە لەلایەن دوو كەسی سەر بەپارتیەوە داوای 200 ملیۆن دینار قەرەبوی لێدەكرێت. ئەمڕۆ دووشەممە درێژه‌ ...
ژیانی‌ سه‌ختی‌ په‌نابه‌رێـتی‌ له‌ ڕۆمانێكدا په‌نابه‌رێكی‌ كورد ، ژیانی‌ سه‌ختی‌ خۆی‌ له‌ كه‌مپه‌كاندا ده‌كات به‌ ڕۆمانێك به‌هرۆز بوچانی‌ ، ناوی‌ ئه‌و په‌نابه‌ره‌ كورده‌یه‌ كه‌ درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   56
کۆی سه‌ردان:   16769180