پێناسە و بەڵگەی سویدی بەکرێ دەدرێ بە وپەنابەرانەی بەڕەش دەژین
فرۆشتن و بەکرێدانی پێناسە و حسابی بانک بەو کەسانەی کە ئیقامەیان نییە و بەنایاسایی لە سویددا دەژین، بەئاشکرا ئەنجام دەدرێت.

بە بڕی 2500 کرۆن کەسێکی پەنابەر کە بڕیاری ناردنەوەی هەیە بەڵام بە نهێنی لە سویددا ماوەتەوە، دەتوانێت ژمارەی کەسێتی (personnummer) و ژمارەی بانک (Bankkonto) لە کەسێک بە کرێ بگرێت یاخود بکڕیتەوە. بەو شێوەیە دەتوانێت ئەو بەڵگە و پێناسانە بۆ گرێبەستی کار بەکاربهێنێت.

ئەم زانیارییانە لەلایەن بەشی هەواڵەکانی ڕادیۆی سوید ئێکۆت دەرکەوتووە. یەکێک لەو کەسانەی کە پێناسەی خۆی بەکرێ داوە و لەم ڕیپۆرتاژەدا نهێنییە، واتا قسەکانی بە دەنگی کەسێکی دیکە دەخوێنرێتەوە دەڵێت بۆ نموونە گرێبەستی کار واتا کۆنتراکتی کارێک دەتوانیت بەناوی منەوە لەگەڵ خاوەنکارێکدا ببەستیت و کارەکەی خۆت بکەیت و مووچە وەربگریت.

ئەم جۆرە بازرگانییە بە پێناسە و حسابی بانکەوە تا ئێستا هێندە بێکێشە بووە کە ئەو پیاوە ژمارەتەلەفۆنی خۆی لە ئینتەرنێت بەئاشکرا بۆ ئەو کارە بڵاو کردۆتەوە.  ئەو هەروەها دەڵێت پێموایە لەسەدا 70 ی ئەو شوێنی کارانەی من دەیزانم دەتوانیت لەم جۆرە کەسانە بدۆزیتەوە. هەموو ناسیاوەکانی منیش خەریکی ئەو کارەن.

بەشی هەواڵەکانی ڕادیۆی سوید، ئێکۆت هەروەها ئاشکرای کردووە کە پاسپۆرت و پێناسەی وڵاتانی یەکییەتیی ئەورووپا بەساختە دروست دەکرێت و دەفرۆشرێتە کەسانێک کە بە نایاسایی لە سوددا دەژین و کار دەکەن، بۆ نموونە قسەیان لەگەڵ یەکێک لەو کەسانە کردووە کە خەڵکی ئاسیای ناوەڕاستە و بە بڕی 1500 یورو پێناسەیەکی بولگاریی بۆ دروست کراوە. ئەو دەڵێت ئەو هەوییەی کاتێک بەکاردەهێنم ئەگەر پۆلیس لە تونێلبانا، واتا شەمەندەفەری ژێرزەمین داوای پیناسەم لێ بکەن، با وابزانن کە من کۆچەریی ئەورووپیم.

ئەو دەڵێت ڕیزێکی زۆرم بۆ سویدی و کۆمەڵگەی سوید هەیە و دەزانین کە ساختەکاریی لەو شێوەیە هەڵەیە بەڵام هیچ ڕیگەیەکی دیکەمان نییە، کەسوکارمان لە وڵاتی خۆمان برسین و دەبێت ئێمە یارمەتییان بدەین.

بەگشتی پیاوی زگورتی لە وڵاتانی سۆڤییەتی کۆنەوە بەزەحمەت ئیقامە لە سویددا وەردەگرن، هەربۆیە ئەم جۆرە بازرگانییە واتا کڕین و فرۆشتنی پێناسەی سویدی لە نێو ئەم گرووپەدا زۆر بەربڵاوە، بەو ڕێگەیە دەتوانن لە سویددا بمێننە و بژێوی خێزانەکانیان لە وڵاتی خۆیان دابین بکەن.

هەر لە ارپۆرتەکەی ئێکۆتددا هاتووە، گەر لە ئینتەرنێت بگەڕێیت بە ئاسانی ئەو سەکۆیانە دەدۆزیتەوە کە بە زمانی ڕووسین و خەڵکی تێیدا زانیاریی دەگۆڕنەوە و کڕین و فرۆشتنی کەلوپەل ئەنجام دەدەن بەڵام هەر لەوێ گرێبەستی ساختەی کار، ئەدرێس، هاوسەرگیریی ساختە، پێناسە و مۆڵەتی شۆفێریی وڵاتانی بەلتیک هەروەها ڤیزای پۆڵۆنی دەفرۆشرێت.

جێی باسە ڕەحمەت ئەکیلۆڤ ئەو پیاوە گومانلێکراوەی بە ئوتومبێلێکی بارهەڵگر کردە تیرۆریستییەکەی ستۆکهۆڵمی ئەنجام دا بەهەمان شێوەی لە سویددا ژیاوە بۆیە وا ئازادانە لە ستۆکهۆڵمدا سوڕاوەتەوە. بەپێی کەسێکی نزیک لە ئەکیلوڤ، گومانلێکراو بە ڤیزایەکی ساختەی پۆلۆنی هاتۆتە سوید و بەڵگەی لەو جۆرەی بە کەسانی دیکەش فرۆشتووە.

ئینگێیرد ڤیدەل بەرپرسی تۆماری هاوڵاتییان لە (Skatteverket) دەستگەی باج دەڵێت ئەم جۆرە کارانە پەسەند نییە و لێ دەکۆڵینەوە ئاخۆ پێشتر ئەم پرسە هاتۆتە بەردەستمان یاخود نوێیە و دەبێت کاری زیاتری بۆ بکرێت.

لینکی هەواڵ
به‌روار:  21/04/2017
6972   جار خوێندراوه‌ته‌وه
  بابه‌تی زیاتر ...
یەکێک لەو کەسانەی لە کەسی کوشتنی ئولۆف پالمێدا وەک شایەتحاڵ لە لێکۆڵینەوەکاندا دەرکەوتووە، ئێستا گومانی ئەوەی لێ دەکرێت کە ئەو ئۆلف پالمێی کوشتبێت. ئەم بابەتە ڕۆژنامەی (Filter) ئا درێژه‌ ...
:ئەمڕۆ سێ شەممە یەکەمی جۆزردانی ۱۳۹۷ کۆچی هەتاویی حوسێن حەمدی نیاز پارێزەری ڕامین حوسێن پەنایی ، داواکاری گەڕاندنەوەی دادگایی ڕامین حوسێن پەنایی بۆ دادگای پێداچوونەوە نارد و وتی : درێژه‌ ...
روونکردنەوەیەک بۆ گشت بینەر و بەڕێزەکانی فەیسبوک و هەرکەسێک کە ئەو وێنەیەی من و کچەکەم دەبینیت کە بە جلوبەرگی بوکێنییەوە بڵاومکردووەتەوە: بەڕێزان ئەوە کچە تاقانەکەمە چەند وێنەیە درێژه‌ ...
ڕۆژنیوز – برادۆست لە ئەنجامی چەند چالاکییەکی گەریلاکانی هەپەگە و یەژاستار لە ناوچەی برادۆست ٢٨ سەربازی سوپای تورک و سێ بەکرێگیراو کوژران. چالاکییەکانی گەریلاکان لەد درێژه‌ ...
لە پەیامێکی ماتەمینیدا، کەسایەتی ناوداری کورد "جەلالی عومەری سام ئاغا"ٚ سەبارەت بە کۆچی دوایی "عادل موراد" ئەڵێت "چی بڵێم زیاتر له‌وه‌ی كه‌ به‌ ته‌نیاو له‌گه‌ڵ خۆمدا فرمێسكی درێژه‌ ...
دادگای بەرایی هەولێر بڕیاریدا دواخستنی لەسەر دۆسیەی دكتۆرە شایان تا كۆتای مانگی شەش دا، كە لەلایەن دوو كەسی سەر بەپارتیەوە داوای 200 ملیۆن دینار قەرەبوی لێدەكرێت. ئەمڕۆ دووشەممە درێژه‌ ...
ژیانی‌ سه‌ختی‌ په‌نابه‌رێـتی‌ له‌ ڕۆمانێكدا په‌نابه‌رێكی‌ كورد ، ژیانی‌ سه‌ختی‌ خۆی‌ له‌ كه‌مپه‌كاندا ده‌كات به‌ ڕۆمانێك به‌هرۆز بوچانی‌ ، ناوی‌ ئه‌و په‌نابه‌ره‌ كورده‌یه‌ كه‌ درێژه‌ ...
پەیامێك لە ئەمینداری گشتی یەكگرتوو بۆ گەلی كورد فزنا ورب الكعبە سوێند بە خوا بردمانەوە خوشك و برا دڵگەرم و هەناو پر لە حەسرەتی غەدر و دزی و ساختەكاری... خوشك و برا چالاك و هەڵس درێژه‌ ...
وەزارەتی دادی عیراق رایگەیاند، لەلایەن 30 پەرلەمانتار و ژمارەیەكی زۆر هاووڵاتییەوە سكاڵا لەدژی كۆمسیۆنی باڵای سەربەخۆی هەڵبژاردنەكان تۆماركراوە. وەزارەتی داد لەبەیاننامەیەكدا رونی درێژه‌ ...
نەوشیروان مستەفا 2017.5.19 هێندە بەرزی تەنانەت تا لوتکەش ئیرەییت پێدەبا بۆیە مرۆڤ هەر چەنبکا لەم وڵاتە پڕ لەچیای سەر لەهەورانگیرکردوەشا بەرزاییەکی واشک نابا ئاڵای درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   136
کۆی سه‌ردان:   16750954