لە باڵوێزخانەی سوید پارە دراوە بۆ سەرەی چاوپێکەوتن

لە ئێستادا گومانی ئەوە دەکرێت کە ئەو کەسانەی بۆ چاوپێکەوتن بەمەبەستی گەشتنەوە بەکەسوکاریان  ڕۆشتوونەتە باڵیۆزخانەی سوید لە عەمانی پایەتەختی ئەردەن پێشنیازیان پێکراوە کە بە پارە سەرەی چاوپێکەوتنەکەیان بۆ پێشبەخەن.

ئەم بابەتە بەشی هەوڵەکانی ڕادیۆی سوید ئێکۆت و بەشی هەواڵەکانی تەلەفیزیۆنی سوید ئاشکرای کردووە.  لە ئێستاشدا باڵیۆزخانەی سوید لەو وڵاتە دەستی بە لێکۆڵینەوە لەسەر ئەو کارە کردووە.  ئێکۆت وتووێژی لەگەڵ لوبنا مووسا کە یەکێکە لە شایەت حاڵەکان و کە پێشنیازی کڕینی سەرەی پێکراوە لەلایەن کەسێکەوە کە خۆی وەک کارمەندی باڵیۆزخانەی سوید ناساندووە و  کەسەکە دەڵێ.

     من کارمەندی دەستگەی کۆچم و لە بڵێۆزخانەی سوید کار دەکەم.

لوبنا مووسا باس لەو پەیوەندییەی کە پێیەوە کراوە دەکات و دەڵێت.

   ئەو ژنە پێشنیازی بڕە پارەیەکی پێکردم و بە منی وەت ئەوە خەرجی کارەکانە، بەڵام هەر زوو من تێگەشتم کە ئەمە بەرتیلە.

لوبنا مووسا بەڕەچەڵەک خەڵکی سوریایەو لە باش هەڵگیرسانی جەنگی سوریا وڵاتەکەی جێهێشتووە و چووەتە ئەردەن. کاتێک ئەو ژنەی کە خۆی بە کارمەندی باڵیۆزخانەی سوید ناساند پەیوەندی پێوە کرد، لوبنا موسا لە ئەردەن بوو.  

ژنەکە بە لوبنای وتووە کە ئەو سەبارەت بە داخوازینامەی پەنابەرییەکەیان کە تایبەتە بەخۆی و منداڵاکانیان بۆ ئەوەی بە هاوسەرەکەی کە لە وڵاتی سویدە شاد ببنەوە پەیوەندی پێوە کردووە. بەشی هەواڵەکانی ڕادیۆی سوید ئێکۆت و هەواڵەکانی تەلەفیزۆنی سوید (SVT Nyheter) بەشێکی دەنگی ئەو پەیوەندییە تەلەفۆنییەیان بەردەست کەوتووە و بۆ زمانی سویدییان وەریان گێڕاوە، کەسە بە لوبنا  دەڵێت:

-  خاتوون لوبنا ئێستا من داخوازینامەکەی ئێوەم سەبارەت بە کاتی چاوپێکەوتنەکەتان لەگەڵ باڵیۆزخانە لەبەردەستدایە، بەڵام دەمەوێ پێت بڵێم کە چاوپێکەوتن زۆری پێ دەچێت، ئەوەنە وەختی پێ دەچێت کە وەک من دەبینم تەمەنی کوڕە گەورەکەت هەتاوەکو ئەو کاتە دەگاتە ١٨ ساڵ و مافی ئەوەی نامێنت کە ئیقامە وەرگرێت و لەگەڵ خێزانەکەیەیدا بەباوکی لە سوید شادببێتەوە. بۆیە ئێمە زیاتر بایەخ بەم حاڵەتدانە دەدەین.

 لە درێژەی وتووێژە تەلەفونییەکەی نێوان لوبنا و ئەو کەسەی کە خۆی وەک کارمەندی دەزگای کۆچ و باڵیۆزخانەکە ناساندووە هاتووە، کە ئەو کەسە فشار دەخاتە سەر لوبنا، ئەمەش بۆ ئەوەی لوبنا پارەی پێبدات هەتاوەکو سەرەکەی بۆ پێش بخات، کاتێک لوبنا دەپرسێ کە ئەو نرخی خەرجییەکان چەندە ئەو باسی لێ دەکات، کەسەکە دەڵێت ١٠٠٠٠٠ کرۆنی سویدییە.   

سەبارەت بەم پرسە ئێریک ئوولێنهاگ باڵیۆزی سوید لە عەمان، کاتێک ئەم بەڵگانەی ڕادیۆی سوید و تەلەفزیۆنی سویدی بەردەست خرا زۆر بەجددی ئەم بابەتەی وەرگرت. بەتایبەت لە ڕوانگەی ئەوەی کە ئەو کەسە خۆی بە کارمەندی باڵیۆزخانەکە ناساندووە و دەڵێت. 

-  ئەم کارە جێکەی مەترسییە، یەکەم لە ڕوانگەی ئەوەی کە سەرە بکڕیت و خۆت بخەیتە پێشەوە لەسەرەکەدا. دووەم لەبەر ئەوە جێگەی مەترسییە کە خەڵک دەچێت بازرگانی بە کەسانێکەوە دەکەن کە لە خراپترین ڕەوشی ژیاندان. ئێمە بە هەموو شێوەیەک دژی گەندەڵی و ساختەکاریین.

 جێی باسە لە کۆتایدا ئێرک ئولێنهاگ ڕایگەیاندووە کە ئەوان زانییاریان بەدەست گەشتووە کە لەم هەفتانەی دوایدا خەڵک هەوڵی داوە سەرەکانی خۆیان پێش بخەن و پارەیان پێشنیاز کردووە بۆ ئەو کار. بەڵام ئاماددە نەبوو زانیاری زیاتر بدات. هاوکات ڕایگەیاند ئەوان دەستیان بە لێکۆڵینەوە کردووە.

لە پاش ئەو کارە لوبنا مووسا چەندین جار  لە ڕێگەی مایل و تەلەفۆنەوە هەوڵی پەیوەندیی بە  باڵیۆزخانەکەوە کردووە بۆ ئەوەی کاتێکی نزیکتری پێ بدەن، بەر لەوەی کوڕەکەی تەمەنی بە ١٨ ساڵ بگات. باڵیۆزخانەکەش کاتی چاوپێکەوتنیان پێداوە و ئێستا لوبنا مووساو منداڵەکانی بێ ئەوەی بەرتیل بدەن لە سویدن.

لینکی هەواڵ
به‌روار:  24/03/2017
2961   جار خوێندراوه‌ته‌وه
  بابه‌تی زیاتر ...
ڕۆژنیوز – شەنگال ئەنجومەنی خۆبەڕێوەبەریی دیموکراتی شەنگال، پرۆژەی خۆبەڕێوەبەریی دیموکراتی ئێزدیخان-ی ڕاگەیاند و جەختدەکاتەوە، کە "داواکاریی کۆمەڵگای ئێزدی خۆبەڕێوەبەریی دیموکرا درێژه‌ ...
فیلمێكی‌ كوردی‌ له‌ماوه‌ی‌ 3 مانگدا به‌شداری‌ 25 فێستیڤاڵی‌ جیهانی‌ ده‌كات فیلمی ئه‌نیمه‌یشنی‌ كوردی‌ (بێده‌نگی‌ ئاسمان) له‌ده‌رهێنانی‌ جوبرائیل ئه‌بوبه‌كر له‌فێستیڤاڵی‌ عه‌ره‌ب درێژه‌ ...
ئه‌مریكا حه‌وت بنكه‌ی‌ سه‌ربازی‌ له‌ رۆژئاوای‌ كوردستاندا هه‌یه‌ ‌و به‌ڵێنی‌ دروستكردنی‌ بنكه‌یه‌كی‌ ئاسمانی‌ داوه‌ كه‌ ره‌نگه‌ له‌ داهاتودا ببێته‌ شوێنگره‌وه‌ی‌ بنكه‌ی‌ ئه‌نچه‌رلی درێژه‌ ...
بیبیخاڵ ئوزبێک کە وەک بەتەمەنترین کۆچبەر لە جیهاندا دادەنرێت. ئێستا ئوزبێک لەلایەن دەزگای کۆچی سویدەوە بڕیاری گەڕاندنەوەی لەسوید دەرچووە و دەبێت سوید بەجێبهێڵێت. بیبیخاڵ ئوزبێک درێژه‌ ...
رووداو - بەغدا هاوپەیمانی نیشتمانی عێراقی (شیعەکان) داوای دواخستنی گشتپرسی دەکات و شاندی کوردستانیش مەرج و داواکارییەکانی بۆ دواخستنی گشتپرسی "بۆ ماوەیەکی کاتی" دەداتە بەغدا. درێژه‌ ...
لە تۆڕە کۆمەڵایەتییەکاندا کۆمەڵێک وێنەی سوتاندنی ئاڵای پارتی لە قەڵادزێ بڵاوبووەتەوە، کە تێیدا دەردەکەوێت چەند کەسێک ئاڵای پارتی لەسەر شەقامەکان لێدەکەنەوە و دەیسووتێنن. لەسەر س درێژه‌ ...
وەزیری کۆچی سوید سەبارەت بە داوایی خۆپیشاندەرە ئەفغانییەکان کە ناردنەوەی بەزۆری ئەوان ڕابگیرێت ڕایگەیاندووە، حکومەت داوای خۆپیشاندەران ڕەت دەکاتەوە. جێی باسە ماوەی هەفتە و نیوێک درێژه‌ ...
ناسڕ حهسهن له ئهزموونێكی‌ نوێدا شیڤان شێرزاد له نوێترین ئهزموونی هونهری‌ خۆی دا، هونهرمهند (سامی كاكه) كۆتایی به وێنهگرتنی فیلمێكی نوێ هێنا له ژێر ناونیشانی (سپی سپی‌)، كه له درێژه‌ ...
ئێن ئاڕ تی چیرۆکی گیانلەدەستدانی گەنجێکی کورد لە پارکێکی ڤیەنای پایتەختی نەمسا بڵاودەکاتەوە کە بەهۆی بەرکەوتنی ڕێڕەوی مەرگەوە گیانی لەدەستداوە. سەنگەر عوسمانی تەمەن ٣١ ساڵ کات درێژه‌ ...
لە خۆپیشاندانێکدا ئیمامی مزگەوتێک لە هێلسینگبۆری وتاری داوە و تێیدا جولەکەی بە کوڕی سەگ و کوڕی بەراز ناو بردووە. ئەو ڕووداوە لە کۆتایی مانگی ڕابوردوودا بووە لەکاتی خۆپیشاندان درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   97
کۆی سه‌ردان:   15461500