دەزگای ستاندەر ڕاگەیەنراوێکی بڵاوکردەوە
خەڵک-

پاش ئەوەی ئەمڕۆ ھێزە ئەمنییەکانی ھەولێر چوونە سەر دەزگای ستاندەر و رێگرییان لە ئەنجامدانی کۆڕێکی دەزگاکە کرد، دەزگای ستاندەر ڕاگەیەنراوێکی بڵاوکردەوە.

لە ڕاگەیەنراوەکەدا، دەزگای ستاندەر دەڵێت: ئەو رێگرییە لە كاتێكدایە، هەر لە شاری هەولێر چەندین كۆڕ و كۆبوونەوە ئەنجامدەدرێت كە بەشێكیان هەڕەشەن لەسەر ئاسایشی نەتەوەیی كورد و پەیوەندییان بە رژێمی پێشوو هەیە، جگە لە رێگاپێدان پارێزگاریشیان لێدەكرێت.

ھەورەھا دەڵێت: پێشنیار دەكەین ناوچەیەكی پارێزراو لەژێر چاودێری نەتەوەیەكگرتوەكان دابین بكرێت بۆ ئەوەی رێكخراو و دەزگا سەربەخۆكان بتوانن بەشێوەیەكی یاسایی و ئازادانە كارەكانی خۆیانی تێدا ئەنجام بدەن.

دەقی ڕاگەیەنراوەکە:

بەناوی خوای گەورە و میهرەبان
بەیاننامەی دەزگای ستاندەر لەبارەی رێگریەكانی ئەمرۆی دەزگا ئەمنیەكان لەچالاكیەكی ستاندەر

بۆ/ رێكخراوەكانی مافی مرۆڤ
بۆ/ یۆنامی و  نوێنەرایەتی وڵاتان لەهەرێمی كوردستان
بۆ/ سەندیكای رۆژنامەنووسانی كوردستان
بۆ/ ڕای گشتی

بابەت/ بەیاننامە
ئێمە وەك دەزگای ستاندەر كە دامەزراوەییەكی یاسایی سەربەخۆی رێگراپێدراوین لە بواری توێژینەوەی  سیاسی و كاری میدیایی و دیالۆگی نیشتیمانی كاردەكەین لەپێناو چارەسەركردنی كێشە سیاسی و سەربازی و كۆمەڵایەتیەكان بە شێوەیەكی ئاشتیانە و دور لە توندوتیژی، ئەویش لەرێگای ئەنجامدانی كۆر و سمینار و توێژینەوە و شێوازەكانی تری مەدەنی.

ئەمرۆ بەرواری 2017/3/15 لە درێژەی كاروچالاكیەكانمان بریار بوو سمینارێك ئەنجامبدەین بۆ هەریەك لە د.عەدبولڵا ئاگرین ئەندامی سەركردایەتی (پ.د.ك) و د.محەمەد كیانی سەرۆكی دەستەی سەرۆكایەتی بەرەی دیموكراسی گەل لەبارەی چارەسەر كردنی كێشەكانی نێوان پارتی و پەكەكە بەشێوەیەكی ئاشتیانە، بەڵام بەداخەوە بەر لەدەستپێكردنی سمینارەكە كاتژمێر 4 ی دوای نیوەڕۆ هێزیكی زۆری هاوبەشی ئاسایش و پۆلیس و دژە تیرۆر و وەزارەتی پیشمەرگە و هێزی چەكداری نەناسراو كە خۆیان بە شێوەیەك ناساند لەلایەن سەرۆكایەتی هەرێم راسپێردراون بەشێوازێكی ناشارستانیانە هەڵیان كوتایە سەر ئۆفیسی دەزگای ستاندەر و  بەشێوازێكی ناشارستانیانە ئامادەبوانیان كردە دەرەوە كە پێكهاتبون لە مامۆستایانی زانكۆ و رۆشنبیران و نوێنەری حیزبە سیاسیەكان و چالاكانی مەدەنی و دادوەران و بەزەبری هێز ئۆفیسەكەیان داخست.

بەرێزان ئەو رێگریە لەكاتێكدایە كە هەر لەشاری هەولێر چەندین كۆڕ و كۆبونەوە ئەنجامدەدرێت كە بەشێكیان هەڕەشەن لەسەر ئاسایشی نەتەوەیی كورد و پەیوەندیان بە رژێمی پێشوو هەیە و، جگە لەرێگا پێدان پارێزگاریشیان لێدەكرێت.

ئێمە داوای ڕونكردنەوە دەكەین لەبارەی راگرتنی سمینارەكە و شێوازی مامەڵەكردن و هاتنی ئەو هێزە زۆرە.

هاوكات بەهۆی ئەو رێگریە زۆرەی كە لە چالاكی رێكخراوەكانی كۆمەڵی مەدەنی  و دەزگا سەربەخۆكان لەهەولێر دەكرێت پێشنیار دەكەین ناوچەیەكی پارێزراو لەژێر چاودێری نەتەوەیەكگرتوەكان دابین بكرێت بۆ ئەوەی رێكخراو و دەزگا سەربەخۆكان بتوانن بەشێوەیەكی یاسایی و ئازادانە كارەكانی خۆیانی تێدا ئەنجام بدەن.

دەزگای ستاندەر بۆ توێژینەوە و راگەیاندن
هەولێر
2017/3/15
به‌روار:  15/03/2017
128   جار خوێندراوه‌ته‌وه
  بابه‌تی زیاتر ...
بەشی زۆر لەو هێزە سویدیە راهێنان بە هێزی پێشمەرگەی کوردستان دەکەن دژی شەڕی داعش. حکومەت بەرەی هاوپەیمانی و پارتی چەپی بانگهێشت کردووە بۆ ئەوەی لە بارەی داهاتووی هێزەکانیان لە عێ درێژه‌ ...
ئیمڕۆ چوارشەممە 2017.10.18 مەراسیمی ماڵئاوایی و بەخاک سپاردنی پێشەمەرگەی دێرین و فەرماندەی مەفرەزە پارتیزانەکان کاک بەکری شێخ عەلی لە مالمۆ بەڕێوەچوو. تەرمەی خوا لێخۆش بوو بە ئا درێژه‌ ...
ئەو بزووتنەوەیە لە ئامریکا و بە دەسپێشخەریی ئالیسا میلانۆ بە بڵاوکردنەوەی توویتێک دەستی پێکرد و ئێستا تۆرە کۆمەڵایەتیەکانی سویدیشی گرتۆتەوە. بە هاشتاگی METOO# بە هەزاران ژن لە ت درێژه‌ ...
مه‌سعود بارزانی‌ په‌یامێكی‌ به‌ شێوه‌ی‌ نوسراو بڵاوكرده‌وه‌ و تێیدا به‌رپرسیارێتی‌ كاره‌ساتی‌ كه‌ركوك و ناوچه‌ دابڕێنراوه‌كانی‌ خسته‌ ئه‌ستۆی‌ چه‌ند كه‌سێكی‌ لایه‌نێك و دانیشی‌ به درێژه‌ ...
شارپرێس: قەدەغەی هاتوچۆ لە شاری کەرکوک ڕاگەیاندراوە و ماڵی هاوڵاتیان پشکنینی بۆ دەکرێت. چەند سەرچاوەیەکی ئاگادار لە ناو شاری کەرکوکەوە بە شارپرێسیان ڕاگەیاند "ئەمشەو لە شاری کە درێژه‌ ...
خەڵک- مەسعود حەیدەر، پارلەمانتاری گۆڕان، ناوەرۆكی رێكەوتنی نێزان یەكێتی و حەشدی شەعبی بڵاو دەكاتەوە كە 9 خاڵ لە خۆ دەگرێت و تیایدا، یەكە ئیداریەكانی شارەكە و بەرێوەبردنی گەڕەكەك درێژه‌ ...
لە کاتژمێر هەشتی ئەم بەیانییەوە ژمارەیەک کوردی سوید لە گۆڕەپانی سێرگەلستۆری لە ستۆکهۆڵم بۆ پشتگیریی لە خەڵکی کەرکوک و بۆ ڕاگرتنی شەڕ کۆ بوونەتەوە. بەشی کوردیی ڕادیۆی سوید پەیوەن درێژه‌ ...
ئیمڕۆ دوو شەممە 2017.10.16 کاتژمێر 11.45 کاک بەکری شێخ عەلی پێشمەرگەی دێرین و مەفرەزە پارتیزانەکانی ئەنفال لە خەستەخانەی لوندی سوید کۆچی دوایی کرد . خوا لێخۆش بوو حەفەتەیەکە جە درێژه‌ ...
خاوەنی گۆڤارێکی سێکسی بڕی ۱۰ ملیون دولار ئەکاتە خەڵات بۆ لادانی ترامپ. لاری فلینت خاوەنی گۆڤاری (هاسلر) ڕاگەیاندنێکی لەسەر تەواوی ڕوپەڕی لاپەڕەیەکی ڕۆژنامەی واشنتون پۆستی ئەمریکی درێژه‌ ...
له ‌نزیک فولکەى سەناعەى باشورى کەرکوک پێکدادان لەنێوان هێزەکانى پێشمەرگە و حەشدى شەعبى رویداو هەردوولایان بەچەکى قورس یەکترى بۆمباران دەکەن. فەرماندەى باڵاى ئەمنى لەکەرکوک کەداو درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   131
کۆی سه‌ردان:   15759461