|
نەتەوە یەکگرتووەکان دەڵێ : دەوڵەتی تورک تاوانی گەورەی دژ بە کورد کردووە
كۆمسیۆنی باڵای مافەكانی مرۆڤ لە رێكخراوی نەتەوەیەكگرتووەكان باس لەوەدەكات لە ماوەی 18 مانگدا بەهۆی هێرشەكانی سوپای توركیاوە، سەدان كەس لە باكوری كوردستان كوژراون و هەزارانیش ئاوارەبوون، ئەوەشی بە پێشێلكردنی مەترسیداری مافەكانی مرۆڤ ناوبردووە.
نوسینگەی كۆمسیۆنی باڵای مافەكانی مرۆڤی سەر بە نەتەوە یەكگرتووەكان لە ڕاپۆرتێكدا ئاماژەی بەوەكردووە، كە لە مانگی تەموزی 2015 وە تا كانونی یەكەمی 2016 كە دەكاتە ساڵ و نیوێك، جگە لە كوژرانی ئەو 2 هەزار كەسە نزیكەی 500 هەزار كەسی دیكە كە زۆربەیان كوردن ئاوارەبوون و ماڵ وحاڵی خۆیان جێهێشتووە.
لە ڕاپۆرتەكەدا باس لەوەشكراوە، كە لە ڕێگەی مانگە دەستكردەكانەوە وێنەی ناوچەكانی باكوری كوردستان گیراون و تیایدا دەردەكەوێت كە ژمارەیەك گەڕەك بە تەواوی خاپور بوون.
ڕاپۆرتەكە ئاماژەی بەوەشكردووە، وێرانبوونی ئەو ناوچەیە دەگەڕێتەوە بۆ بەكارهێنانی چەكی قورس و تەنانەت بەردانەوەی بۆمب لە ڕێی فڕۆكەوە لەلایەن حكومەتی توركیاوە.
نەتەوە یەكگرتووەكان، ئەو كارانەی بە پێشێلكردنی مەترسیداری مافەكانی مرۆڤ لە توركیا ناوبردووە.
نەوا
به‌روار: 10/03/2017
528 جار خوێندراوه‌ته‌وه
|