رۆژنامەنووسی سویدی ، کە نووسەری کتێبی (چیاکان تاکە هاوڕێمانن) کۆچی دوایی کرد
دارا ئیبراهیم 
رووداو-سوێد

تۆرد ڤاڵسترۆم، رۆژنامەنووس و نووسەری سویدی ، کە نووسەری کتێبی (چیاکان تاکە هاوڕێمانن)-ە لە تەمەنی 89 ساڵیدا کۆچی دوایی کرد.

تۆرد ڤاڵسترۆم ، لەدایکبووی ساڵی 1928، یەکێکە لە گەورەترین رۆژنامەنووسە کۆنەکانی سوید، کارەکانی بەوە ناسراون کە کاریگەرییان هەبووە بەسەر رای گشتی و بە سەرچاوەیەکی زانیاریی دروست دادەنرێن.

ڤاڵسترۆم خاوەن چەند کتێبێکە، بەنێوبانگترینیان کتێبی (چیاکان تاکە هاوڕێمانن) ە کە لە ساڵی 1975 نووسیویەتی و تێیدا باسی گەشتێکی خۆی دەکات بۆ باشووری کوردستان لە ساڵی 1974.
لەوکاتەدا دوو مانگ لەگەڵ خەڵکی سڤیل، پێشمەرگە و سەرکردەکانی شۆڕش بووە، لە چۆمانەوە بۆ بادینان، لە ژێر بۆردوومانی فرۆکەکانی حکومەتی ئەوکاتەی عێراق، دەربەدەریی ، شەڕ ، ماڵوێرانیی و خەباتی میللەتی کوردی تۆمارکردووە و لەکتێبەکەدا چاپیکردوون و دەنگی کوردی بە وڵاتانی جیهان گەیاندووە.
 
تاوەکو ئیستاش لە میدیاکانی سوێددا هەر کە باسی کوردستانی عێراق دەکرێت، ناوی ڤاڵسترۆم و کتێبەکەی دێت، چونکە ئەو کتێبە وەک سەرچاوەیەکی مێژوویی باوەڕپێکراو بەکاردێت، تەنانەت لە کتێبخانەی زانکۆکان و پەرلەمانی سوێدیش بە پڕ زانیاریترین کتێب دادەنرێت. 

ڤاڵسترۆم لە ساڵی 1968دا خەڵاتی گەورەی رۆژنامەڤانی و لە 1991دا خەڵاتی سڤێن برومانی رۆژنامەڤانیی وەرگرت. 

لە فەرهەنگی سوێدیدا هاتووە "کتێبەکانی تۆرد ڤاڵسترۆم دەربارەی مالدیڤ ، بیاڤرا و کوردستان، کاریگەریی هەبووە بۆ دروستبوونی رای گشتی دەربارەی ئەو وڵاتانە و کاریگەریی هەبووە لەسەر سیاسەتی نێودەوڵەتیی".

کتێبی (چیاکان تاکە هاوڕێمانن) 150 لاپەڕەیە کە چەندین وێنەی دەگمەنی پێشمەرگە ، سەرکردە و خەڵکی سڤیلی تێدایە.

سەبارەت بە مانەوەی لە کوردستان ڤاڵسترۆم گوتوویەتی:"هەرکاتێک ئەو گەشتەم بیردێتەوە چاوەکانم پڕدەبن لە فرمێسك، من ئەو کتێبەم نووسی بۆ ئەوەی ویژدانی هەموو دونیا رابچڵەکێنم".

لە بەشێکی کتێبی چیاکان تاکە هاوڕێمانن-دا ڤاڵسترۆم دەڵێ:" پێش ئەوەی لەگەڵ ژەنەڕال مستەفا بارزانی دابنیشم، چاوم بە ئیدریس و مەسعود کەوت، لەگەڵ مەسعود قسەم کرد، برای بچووکی ئیدریسە، زۆر گەنج دیاربوو، 18 ساڵم بۆی دانا، کەچی تەمەنی 28 ساڵ بوو! بە روواڵەت زۆر بەیەك دەچوون، بەڵام لە قسەکردندا، ئیدریس دیپلۆماسی بوو، وشەکانی بە وردیی هەڵدەبژارد، بەڵام مەسعود بە دڵێکی فراوان، زۆر نەرم و لەسەرەخۆ بوو، بەشێوەیەکی زۆر باش شتەکانی رووندەکردەوە".

لە کتێبەکدا نووسیویەتی: "لە مەسعودم پرسی: کوردستان بە چ سیستەمێکی سیاسی بەڕێوەدەچێت دوای شەڕ؟ کە دەگەڕێمەوە سوێد ئەم پرسیارەم لێدەکەن: کوردستان دوای شەڕ چی بەسەردێت؟ سوسیالیست، چەپ، راست یان پارێزگار؟ چۆن وەڵامیان بدەمەوە؟ مەسعود گوتی: ساڵانێکی زۆرە شەڕ دەکەین، زۆر بەپەرۆشین بۆ ئەو رۆژەی دوای شەڕ کە تیایدا خەریکی کاروباری قۆنا‌خی ئاشتیی دەبین. من زۆر بەدڵنیاییەوە دەتوانم پێت بڵێم ئێمە دەبینە کۆمەڵگەیەکی دیموکراتیی بە سیستەمێکی پەرلەمانیی".

ڤاڵسترۆم، پێش مردنی، بە رووداوی گوتبوو: "بۆچوون و پێشبینییەکانی مەسعود بارزانی لەڕاستیەوە زۆر نزیکن، بەڵام کورد تووشی مەترسیی گەورە بووە". هەروەها گوتی: "دەمەوێت کتێبێکی دیکە بنووسم تەواوکەری ئەوەی پێشووبێت، بە ئەرکی خۆمی دەزانم بەدواچوونەوەیەك بکەم بۆ ئەو کتێبەم، دەمەوێت کتێبێکی تازە بنووسم دەربارەی کوردستان، پێویستە باسی ئەوەش بکەم ئایا دوای ئەو هەموو خەبات و قوربانیدانە، میللەتی کورد بە چی گەیشت، چونکە لەوانەیە ئێستا بەقەد ئەو کاتە، خەڵکی کوردستان پێویستی بە یارمەتیی و دۆستایەتیی هەبێت لەگەڵ میللەت و حکومەتەکانی دیکە". 

تۆرد ڤاڵسترۆم لە ئیمەیلێکدا، مافی وەرگێڕانی (چیاکان تاکە هاوڕێمانن) بۆ زمانی کوردی دا بە رووداو.  
 

گرینگترین کتێبەکانی:

سپێدە ساڵی 1964 ، باسی سەرەتاکانی سەربەخۆیی زامبیا دەکات.
خەون دیتن بە دوورگەیەك 1972، باسی گەشتەکەی دەکات بۆ دوورگەکانی مالدیڤ.
بیاڤرا1968، دەربارەی کێشەی نێوان نەیجیریا و بیاڤرا.
ئاسمانی ئاو1977، دەربارەی دەریای باشوور.

پێداچوونەوە؛ عومەر شایان


به‌روار:  10/03/2017
1505   جار خوێندراوه‌ته‌وه
  بابه‌تی زیاتر ...
بە پێی ئەو یاسایە نزیکەی 9000 پەنابەری بەتەنهاهاتوو کە بڕیاری ناردنەوەیان هەیە شانسی مانەوەیان دەدرێتێ. - سەرۆکی پارتی سێنتەر ئانیێ لۆف دەڵێت ئێمە وەک پارتی سێنتەر سەبارەت بەو درێژه‌ ...
ئەڵمانیا و ئێراق لەسەر ناردنەوەی 10 هەزار پەنابەر ڕێککەوتن ئەڵمانیا وئێراق واژۆی ڕێککەوتنێکیان کردووە لەسەر گەڕاندنەوەی ئەو پەنابەرانەی کە دەبێت ئەڵمانیا بەجێ بهێڵن و ناگەڕێننەوە درێژه‌ ...
نه‌وا باڵیۆزی ئه‌مریكا له‌ عیراق رایگه‌یاند، هه‌رێمی كوردستان ده‌بێته‌ خاڵێكی گرنگی وه‌به‌رهێنان. سه‌رۆكی حكومه‌تی هه‌رێمیش ده‌ڵێت "ئه‌مریكا پشتگیری له‌ سه‌قامگیریی كوردستان ده‌كا درێژه‌ ...
زۆربەی نوێنەرایەتییەکانی پرسی خانووی کرێ شایەتحاڵی زیادبوونی ئەو سکاڵایانەن کە لەسەر بەکرێدانی نایاسایی تۆمار دەکرێن. لیسێ لۆت ڤیلکەنس بەڕێوەبەری نوێنەرایەتیی خانووی کرێ لە شاری درێژه‌ ...
(سبەی): بەرەبەیانی ئەمڕۆ دوشەممە لە ناحیەی حاجی ئۆمەران پەلاماری بنکە بانگەشەی هەڵبژاردنی گۆڕان درا و بنکەکە سوتێندرا. پەیامنێری (سبەی) رایگەیاند؛ سەعات (2)ی بەرەبەیانی ئەمڕۆ درێژه‌ ...
نەبی کاوانی بەرھەمی پەشیمانی لە ‌ڕەمەزان دا بڵاودەکاتەوە دوای چەندین بەرھەم بۆ شارۆچکە جوانەکەی شەقڵاوە و میلۆدییە شیرینەکانی ئێستا (نەبی کاوانی) کۆتایی بە بەرھەمێکی نوێ ھێناوە درێژه‌ ...
مالمۆکورد ئەمڕۆ تەمەنی رۆژنامەگەریی كوردی دەبێتە 120 ساڵ، ئەم ژمارەیە كەم نیە بۆ داهێنان و نوێخوازی و باشتركردنی گوزەرانی میدیاكاران، كەچی هێشتا وێڵین بەدوای پێناسێكی گونجاودا درێژه‌ ...
ئەكادیمیای بەدرخان: سەرجەم ژمارەكانی كوردستان لە میسر چاپكراون لە یادی رۆژنامەگەریی كوردیی ئەكادیمیای بەدرخان رایدەگەیەنێت: پاش گەڕان و پشكنینی زیاتر لە ئەرشیفی 50 وڵات ، وای بۆ د درێژه‌ ...
مالمۆکورد یەکەمجارە لەمێژوودا کە ئەنجوومەنی ئاسایشی نەتەوە یەکگرتووەکان لە دەرەوەی بارەگای خۆی لە نیویۆرک کۆبوونەوە بکات. ئیمڕۆ هەیینی 2018.4.20., 15 ئەندامەکەی ئەنجوومەنی ئ درێژه‌ ...
پرسی سوریا تەوەری سەرەکی کۆبوونەوەکانی ئەمڕۆی نەتەوەیەگرتووەکان دەبێت لە هەرێمی سکۆنێ لە سوید. ئەنجوومەنی ئاساییشی ڕێکخراوی نەتەوەیەگرتووەکان کە پێکهاتووە لە ١٥ باڵێۆزی وڵاتان درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   100
کۆی سه‌ردان:   16614839