بۆ 8 مارس

من ئەمڕۆ ڕەنگی ٨ی مارس ئەگۆڕم
لە ڕەنگی خۆڵەمێشی و پەژوەردەییەوە
بۆ ڕەنگی ئارگۆنی و ڕەنگی ڕاچڵەکین
ڕاچڵەکینی ئاو لە سەرچاوەی خۆی
ڕاپەڕینی هەتاو لە ئاسۆی خۆی
ڕاچڵەکینی عەقڵ 
لە دیرۆکی دوو و درێژی بێهوودەیی خۆی
لە کولتوری ڕەش و سپی
لە مێژووی سێبەرە پیاوی 
کڵێتە و منارە
ڕاچڵەکین و ڕاچڵەکین 
تا ئەو شوێنەی خۆر
بەتەواوی لە ژنا هەڵ دێ و 
تا ئەو وەختەی خورافات 
بەتەواوی لە ژن دا 
ئاوا ئەبێت
من ئەمڕۆ رێی ئاوەڕۆی ٨ی مارس ئەگۆڕم
لە ئاستانەی بێدەنگیەوە
بۆ دوو ئاوانی پڕ لە هاوار و 
هاژە هاژ و یاخی بوون 
یاخی بوون لە سورە و دیوار 
ئەو دەمەی سورە و دیوار 
ئەبن بە دین ئەو وەختەی 
دین ئەبێ بە جەڵدە و 
جەڵدە ئەبێ بە شەریعەت و 
شەریعەت ئەبێ بە سێ دارە بۆ ژن
من ئەمڕۆ ئەبم بە کڵپە و
کڵپە ئەبێ بە پرچ و پرچ ئەبێ بە مەل و 
مەل ئەبێ بە گۆرانی و 
گۆرانیش ئەبێ بە باڵی ژن 
من ئەمڕۆ پیاو نیم و بووم بە ژن 
ناوی دایکم ئەخەمە جێی ناوی باوکم و
بەم جۆرە ئەمڕۆ من شێرکۆ فایەق بێکەس نیم و 
شێرکۆ شەفیقە سەبیحە م من 
وتیان داری نیشتیمان 
لە دوای داری خواوە دێت
وەلێ ئەو داری نیشتیمانەی 
ڕۆژانە و شەوانە خوێنی ژن ئاوی بدات
ئەوە نە داری منە و نە نیشتیمانی من 
ئەوە داری مەرگە و نیشتیمانی تیغ و 
خاکی درۆ
ئەوە داری خەلیفە و ئەسحابەکانی غەزایە
ئەوە نیشتیمانی ڕقە و داری حەدد و 
شەوی چەقۆ
پەنجەرە کوێرە و مات 
کوێرە و شەقام کوێرە بەبی ماچی ژن
قانون سەبەتەیەکی خاڵیە بێ دەستی ژن
تەرازووی داد لاسەنگە و هیچی تیانیە 
بێ دەنگی ژن
دیموکراسی لەم سەرەوە تا ئەوسەری
ئەبێتە هۆڵی پەرلەمانێکی چۆڵ وهۆڵ بە بێ ژن
ئازادیش هەورێکە بێ باران و ژیان خۆیشی درەختێکی زڕە
بە بێ سەما و بە بێ جەستەی جوانی ژن
من ئەمڕۆ پڕ پڕم لە 
ئاونگی ژن پڕ پڕم لە خۆرەتاوی مێ
لە ڕووباری مێ لە گیا و گوڵی مێ
لە شەپۆلی مێ لێواو لێوم لە شەوی مێی ئەم ووڵاتە و 
لێم ئەڕژێ ئاوی گوناح و حەرامی ناو شریخەی جەڵدە و 
بەردی ڕەجمی سەر جەستەی مێ
لەم مێژووەدا ئەوەتەی هەم 
هەرگیز هەرگیز مرۆڤێکی تەواو نەبووم 
نیوە دەست و نیوە قاچ و نیوە لەش بووم من 
نیوە شێعر و نیوە مۆسیقا و نیوە ڕێگا و 
نیوە گەروو بووم بە بێ مێ 
لە غەزا گەورەکەی کە کەقاعەوە 
لەو ڕۆژەوە کە لە بەیانیەکی ٨ی مارسا 
خۆری گاکاکان ئاوا بوو ئاو کوژراو 
ساماڵ ڕوخاو ناهیدیان کردە سەبایا و 
جەڵدەکان ژنی داگیرکرد لەو ڕۆژەوە ئیتر هەموو شتەکان
بوون بە نێر شاخ بوو بە نێر 
دەشت بوو بە نێر درەخت نێر و 
قەڵەم نێر و ووشە نێر و 
ماڵ بوو بە نێر من ئەمڕۆ ئەو ماڵە ئەڕووخێنم
ئەم نەخشەیە ئەدڕێنم و ئەو لەچک و چارشێوانە 
ئەدەمە دەس دۆزەخ و من ئەمڕۆ 
ئەم ڕووخسارە ئەسڕمەوە ئەمڕۆ منی مێ 
لە سەر و ملەوە خۆم دروست ئەکەمەوە
سەر لە نوێ خۆم ئەنوسمەوە
بە جۆرێکی تر خودا و پێغەمبەر و 
خەلیفە و نێر و مێ و ڕێگەکان ئەخوێنمەوە 
من ی مێ جارێکی تر وەک زەریای مێ دێمەوە 
زەریای مێ 
من ئەمڕۆ ئەم ٨ی مارس ە 
ئەکەم بە بورجێکی بەرز زۆر بەرزتر لە منارەکان 
لەو تەوقە سەرەوە پۆلە کراسێکی خوێناوی ژن هەڵئەفڕێنم


 مالمۆکورد وێنەکەی لەگەڵ وێنەیەکی  کۆمەڵەی مافی مرۆڤی کوردستان تێکەڵ کردووە بە سوپاسەوە
به‌روار:  07/03/2017
326   جار خوێندراوه‌ته‌وه
  بابه‌تی زیاتر ...
چەندین پەنابەر کە لە فینلاندا داواکانیان پەسەند نەکراوە بەنیازن بەرەو سوید بەڕێ بکەون. نور داود وتەبێژی ئەو گرووپە پەنابەرە دەڵێت، ژمارەی ئەو کەسانە دەگاتە نزیکەی هەزار کەس ڕەنگ درێژه‌ ...
فیستیڤاڵی نێودەوڵەتی كوردستان بۆ فیلم دەستپێدەكات.. " شاخەوان مستەفا: لە 46 فیلمی فیستیڤاڵ، 35 فیلم لە پێشبڕكێ دادەبن" وڵات بەیار ئامادەكارییەكان بۆ (فیستیڤاڵی نێودەوڵەتی درێژه‌ ...
ڕۆژنیوز – شەنگال ئەنجومەنی خۆبەڕێوەبەریی دیموکراتی شەنگال، پرۆژەی خۆبەڕێوەبەریی دیموکراتی ئێزدیخان-ی ڕاگەیاند و جەختدەکاتەوە، کە "داواکاریی کۆمەڵگای ئێزدی خۆبەڕێوەبەریی دیموکرا درێژه‌ ...
فیلمێكی‌ كوردی‌ له‌ماوه‌ی‌ 3 مانگدا به‌شداری‌ 25 فێستیڤاڵی‌ جیهانی‌ ده‌كات فیلمی ئه‌نیمه‌یشنی‌ كوردی‌ (بێده‌نگی‌ ئاسمان) له‌ده‌رهێنانی‌ جوبرائیل ئه‌بوبه‌كر له‌فێستیڤاڵی‌ عه‌ره‌ب درێژه‌ ...
ئه‌مریكا حه‌وت بنكه‌ی‌ سه‌ربازی‌ له‌ رۆژئاوای‌ كوردستاندا هه‌یه‌ ‌و به‌ڵێنی‌ دروستكردنی‌ بنكه‌یه‌كی‌ ئاسمانی‌ داوه‌ كه‌ ره‌نگه‌ له‌ داهاتودا ببێته‌ شوێنگره‌وه‌ی‌ بنكه‌ی‌ ئه‌نچه‌رلی درێژه‌ ...
بیبیخاڵ ئوزبێک کە وەک بەتەمەنترین کۆچبەر لە جیهاندا دادەنرێت. ئێستا ئوزبێک لەلایەن دەزگای کۆچی سویدەوە بڕیاری گەڕاندنەوەی لەسوید دەرچووە و دەبێت سوید بەجێبهێڵێت. بیبیخاڵ ئوزبێک درێژه‌ ...
رووداو - بەغدا هاوپەیمانی نیشتمانی عێراقی (شیعەکان) داوای دواخستنی گشتپرسی دەکات و شاندی کوردستانیش مەرج و داواکارییەکانی بۆ دواخستنی گشتپرسی "بۆ ماوەیەکی کاتی" دەداتە بەغدا. درێژه‌ ...
لە تۆڕە کۆمەڵایەتییەکاندا کۆمەڵێک وێنەی سوتاندنی ئاڵای پارتی لە قەڵادزێ بڵاوبووەتەوە، کە تێیدا دەردەکەوێت چەند کەسێک ئاڵای پارتی لەسەر شەقامەکان لێدەکەنەوە و دەیسووتێنن. لەسەر س درێژه‌ ...
وەزیری کۆچی سوید سەبارەت بە داوایی خۆپیشاندەرە ئەفغانییەکان کە ناردنەوەی بەزۆری ئەوان ڕابگیرێت ڕایگەیاندووە، حکومەت داوای خۆپیشاندەران ڕەت دەکاتەوە. جێی باسە ماوەی هەفتە و نیوێک درێژه‌ ...
ناسڕ حهسهن له ئهزموونێكی‌ نوێدا شیڤان شێرزاد له نوێترین ئهزموونی هونهری‌ خۆی دا، هونهرمهند (سامی كاكه) كۆتایی به وێنهگرتنی فیلمێكی نوێ هێنا له ژێر ناونیشانی (سپی سپی‌)، كه له درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   118
کۆی سه‌ردان:   15463160