|
هەنگاریا پەنابەران له په‌ناگاكاندا ده‌ستبه‌سه‌ردەکا
هەژار تەها
مالمۆکورد
هه‌نگاریا پێشنیاری توندترین یاسا بۆ سنورداركردنی شالاَوی كۆچ بۆ وولاَته ده‌كات
پاش ئه‌وه‌ی حكومه‌تی هه‌نگاریا بڕیاریدا كه پڕۆژه یاسایه‌ك به‌مه‌به‌ستی ده‌ستبه‌سه‌ركردن و گێڕانه‌وه‌ی هه‌ر كۆچبه‌رێك نایاسایی كه ده‌چێته ئه‌و وولاَته‌وه پێشكه‌ش به یه‌كێتی ئه‌وروپا بكات ، ڕێكخراوی هیومان ڕایتز ۆچ له ڕاگه‌یه‌ندراوێكدا هۆشداریده‌دات كه كه ئه‌گه‌ر ئه‌و پڕۆژه یاسایه بخرێته بواری جێبه‌جێكردنه‌وه ، حكومه‌تی هه‌نگاریا ده‌توانێت سه‌رجه‌م كۆچبه‌رانی ناو وولاَته‌كه‌ی له كه‌مپه‌كانی سه‌ر سنوری وولاَته‌كه‌ی له‌گه‌ڵ سربیا كۆبكانه‌وه و جموجۆڵی كۆچبه‌ران له وولاَته سنوردار بكات.
ئه‌م پڕۆژه یاسایه‌ش كه توندترین ڕێوشوێن له‌به‌رامبه‌ر كۆچبه‌راندا له‌سه‌ر ئاستی ئه‌وروپا له خۆده‌گرێت ، هاوشێوه‌ی ئه‌و ڕێوشوێنه توندانه‌یه كه حكومه‌تی ئوسترالیا له به‌رامبه‌ر كۆچبه‌رانی نایاسایدا پیاده‌یان ده‌كات به‌جۆرێك كه هیچ واده‌یه‌ك بۆ مانه‌وه‌ی په‌ناخوازان له كه‌مپه‌كاندا دیاری نه‌كراوه و هاوكات به‌رده‌وامه له سیاسه‌تی گرتن و گێڕانه‌وه‌ی كۆچبه‌رانی ده‌ریایی قاچاخ بۆ ئه‌و وولاَته‌ی كه به‌به‌له‌مه‌كه لێوه‌ی هاتوون.
ووته‌بێژێكی حكومه‌تی هه‌نگاریاش هه‌بوونی پڕۆژه یاساكه پشتڕاست ده‌كاته‌وه و ده‌ڵێت به‌گوێره‌ی پڕۆژه یاساكه ، كۆچبه‌ران له په‌ناگاكاندا ده‌ستبه‌سه‌رده‌كرێن تا ئه‌و كاته‌ی كه‌یسه‌كانیان یه‌كلایده‌كرێنه‌وه و هه‌ر له كاتیشكیشدا هه‌ر په‌نابه‌رێك ده‌توانێت گه‌ڕانه‌وه بۆ وولاَته‌كه‌ی خۆی هه‌ڵبژیرێت.
سه‌رچاوه‌كان : ماڵپه‌ری گاردیان ، هیومان ڕایتز ۆچ
به‌روار: 02/03/2017
1268 جار خوێندراوه‌ته‌وه
|