لە گەرمیان، 45 ژن هەڕەشەیان لێکراوە و ماڵی داڵدەدانی ژنان(شێڵتەر) نایانگرێتە خۆی
لە نۆ مانگی ئەمساڵدا ٤٥ ژن لە سنووری گەرمیاندا هەڕەشەیان لێکراوە، سەرنجڕاکێشە هەرچەند ئەو ژنانە هانایان بۆ ماڵی داڵدەدانی ژنان(شێڵتەر) بردووە، بەڵام لەوێش تەنها چەند کاتژمێرێک دەرفەتی مانەوەیان پێدەدرێت.

بەپێی ئەو ئامار و زانیارییانەی لە شلێر حەسەن عەبدولقادر بەڕێوەبەری ماڵی داڵدەدانی ژنان لە گەرمیان وەرمانگرتووە، لە سەرەتای ئەمساڵەوە تا کۆتایی مانگی ڕابردوو ٤٥ كه‌یسی هه‌ڕه‌شه‌ لێكراودا ڕوویان لە ماڵەکە کردووە، کە به‌شێكی زۆریان‌ له‌ كاتی بڵاوبوونەوەی كۆرۆنادا بووە.

ماڵی داڵدەدانی ژنان لە گەرمیان، لە ١-١-٢٠١٤ـەوە کەیس وەردەگرێت و لەسەر میلاکی بەڕێوەبەرایەتی کاروباری کۆمەڵایەتییە، جگە لە کەیسەکانی سنووری گەرمیان، کەیسی شارەکانی دیکەی عێراقیش ڕوو لە ماڵە دەکەن، کە بیناکەی لە شارۆچکەی کەلاری ناوەندی ئیدارەی گەرمیانە.

هیچ ژنێک بەبێ بڕیاری دادوەر لە ماڵەکە وەناگیرێت، تا ئێستا لە سنووری گەرمیان وەک بەرپرسان باسیان کرد کێشەیەکی ئەوتۆیان ڕووبەڕوو نەبووەتەوە، بەڵام هەڕەشەیان لێکراوە لەلایەن کەسوکاری ئەو ژنانەوە کە هانایان بۆ بردوون.

ئەو ژنانەی ڕوودەکەنە ماڵەکە کێشەکانیان جۆراوجۆرن، لەوانە “کێشەی کۆمەڵایەتی، شەڕی نێوان هاوسەران، دەستدرێژیی سێکسی، ئەوانەی لە تۆڕە کۆمەڵایەتییەکان ڕووبەڕووی کێشە دەبنەوە”.

کەیسەکان لەلایەن بەڕێوەبەرایەتییەکانی ‘بەرەنگاربوونەوەی توندوتیژی دژی ژنان و خێزان’ یان بنكه‌كانی پۆلیس، یان پۆلیسی نه‌هێشتنی تاوان، ڕەوانەی ماڵەکە دەکرێن.

بەبڕیاری دادوەر ئەو کەیسانەی هەڕەشەیان لێکراوە تەنها دەتوانن ٧٢ کاتژمێر بمێننەوە، ئەو کەیسانەشی کە لەو ماوەیەدا یەکلا نابنەوە، دادوەر ماوەی مانەوەکەی درێژتر دەکاتەوە، بەڵام بۆ ئەو ژنانەی کە هەڕەشەی توندیان لەسەرە ناتوانن بۆ ماوەی درێژتر بمێێنەوە، ڕەوانەی ماڵی داڵدەدانی ژنان لە سلێمانی دەکرێت.

شلێر حەسەن، نیگەرانیی لەوە دەردەبڕێت کە ژنانی هەڕەشەلێکراو ناتوانن بۆ ماوەیەکی زۆر لە ماڵەکە بمێننە و کاتیان بۆ دیارییکراوە، هۆکارەکەشی بۆ نەبوونی بینای گونجاو دەگەڕێنێتەوە.
جگە لە نەگونجاویی بیناکە، کێشەی کەمیی کارمەند و پاسەوان هەیە، تێچووی ڕۆژانەی ئەوانەی ڕوو دەکەنە ماڵەکەش، کێشەیەکی دیکەیە.

لەو ٤٥ کەیسەی کە ڕوویان لە ماڵەکە کردووە، شەش کەسیان کێشەکانیان چارەسەر نەکراوە و ڕەوانەی ماڵی داڵدەدان کراون لە سلێمانی، ٢٩ کەیسیان کێشەکانیان چارەسەر بووە و گەڕاونەتەوە ناو خێزانەکانیان، ١٠ کەیسەکەی دیکەش پێش تۆمارکردنی سکاڵا، بەزوویی و بەڕێگای گفتوگۆ کێشەکانیان چارەسەر کراوە، ئێستا ماڵەکە هیچ ژنێکی تێدا داڵدەنەدراوە.

ئەو ئەو لایەنەی کەیسەکان دەنێرێتە بۆ ماڵەکە، خۆی بەدوداچوون بۆ کەیسەکە دەکات و بە گفتوگۆ و ڕاوێژکردن لەگەڵ کەسوکاری ژنەکان هەوڵی چارەسەرکردنی کێشەکان دەدەن، بەڵام “تەنیا بە بڕیاری دادگا دەگەڕێنەوە نێو خێزانەکانیان”.
ڕۆژنیوز
به‌روار:  15/10/2020
87   جار خوێندراوه‌ته‌وه
  بابه‌تی زیاتر ...
دوی ١٠ ساڵ ژیان لە سوید دەردەکرێن هێلیای ١٤ ساڵ و خوێندکار لە شاری ئوێرێبرو، ١٠ ساڵە لەگەڵ بنەماڵەکەی لە سوید دەژین. داوای مافی پەنابەرییەکەیان لەلایەن دەزگای کۆچی سویدەوە ڕەد کر درێژه‌ ...
دوکان و بازاڕەکانی سعودیە دەستیان کرد بە لابردنی بەرهەمە تورکیەکان، ئەمەش دوای ئەوەی سعودیە داوای کرد بەرهەم و شتومەکی تورکی بایکۆت بکرێت. سعودیە و تورکیا هەمیشە ڕکابەری یەکتریا درێژه‌ ...
شارپرێس... گۆڤارى"سفوبودنایا پریسا" راپۆرتێکى بڵاوکردۆتەوە، دەربارەى ئەگەرى دەرکردنى تورکیا لە هاوپەیمانێتى باکورى ئەتڵەسى (ناتۆ). لە راپۆرتەکەدا هاتووە، کۆنگرێسى ئەمریکا چاو بە درێژه‌ ...
درەنگانی شەوی پێنج شەممە دوای مانەوەی لەنەخۆشخانە بۆ ماوەی 15 رۆژ نوسەرو سیاسەتمداری كورد د.شەفیق قەزاز بەهۆی كۆرۆناوە گیانیلەدەستدا. بەپێی زانیاریەكانی PUKmedia، د.شەفیق تۆفیق درێژه‌ ...
سبەی): وەزارەتی دەرەوەی روسیا نیگەرانی خۆی نیشان دەدات بەرامبەر دۆخی باکوری رۆژهەڵاتی سوریا و جارێکی دیکە ئەمەریکا تۆمەتبار دەکاتەوە بە هاندانی کوردەکان بۆ جیابونەوە لە سوریا. درێژه‌ ...
مۆدێراتەکان پێشنیار دەکەن (Fotboja) جۆرە زنجیرێکی ئەلیکترۆنی قاچ بۆ چاودێریی بکرێتە پێی ئەوانەی کە بڕیاری ناردنەوەیان بۆ دەرچووە، تا شوێنپێیان هەڵبگیرێت و بدۆزرێنەوە. نزیکەی ٥٠ هە درێژه‌ ...
ئەمڕۆ ژنێک بە گومانی ئەوەی لە سەنتەری مەساجەکەیدا بازرگانی سێکسی بەڕیوەبردبێت دادگایی دەکرێت. داواکاری گشتی هەروەها دەیەوێت لە ڕێگەی ئەو بڕە پارانەی بە ئەپی (Swish) بۆ ژنە گومان درێژه‌ ...
هەنگاو: عادڵ موکەڕەم بەندکراوی سیاسی کە لە بەندیخانەی ناوەندیی ئورمیە ڕاگیراوە و ڕۆژی یەکشەممە ئاگری لەجەستەی خۆی بەردابوو، لە ژووری تاکەکەسیی ئەو بەندیخانەیە لە ڕێگای خواردنی وردە درێژه‌ ...
هەرچەندە پاسپۆرتی عێراقی بە یەکێک لە خراپترین پاسپۆرتەکان دادەنرێت لە جیهاندا، بەڵام زیاد لە ٣٠ وڵات هەن کە دەتوانی بە پاسپۆرتی عێراقییەوە بەبێ ڤیزەی پێشوەخت سەردانیان بکەیت. بە درێژه‌ ...
شاندێکی وەزارەتی دەرەوەی سوید، کە سەردانی خۆبەڕێوبەری باکور و ڕۆژهەڵاتی سوریا-یان کردووە، لەگەڵ ئەنجومەنی سوریای دیکموکرات- مەسەدە کۆبوونەوە، ڕێککەوتوون لەسەر ئەوەی سوید نێوەندیگیر درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   396
کۆی سه‌ردان:   21177121