چیرۆکی مەرگی ( مەناف ئیبراهیم ڕێکانی) لە سنووری یۆنان

یەکێک لەو گەنجانەی شیلادزێ کە بە ئومێدی ژیانێکی خۆشتر و دوور لە فشار بەرەو ئەوروپا کۆچی کرد، لە دارستانەکانی نێوان وڵاتی تورکیا و یۆناندا بەهۆی سەرماوە گیانی لەدەستدا، ئامۆزایەکیشی دەڵێت: هۆکاری مردنی مەناف لە ئەستۆی حکومەتی هەرێمە.

گەنجێکی تەمەن ٢٣ ساڵی شارەدێی شیلادزێ بەناوی مەناف ئیبراهیم، دانیشتوی گوندی شیف چنارکێ، کۆتاییەکانی مانگی ڕابردوو کۆچی بۆ دەرەوەی وڵات کرد، دوێنێ لەنێوان تورکیا و یۆناندا گیانی لەدەستدا و لە ئێستادا تەرمەکەی گەیەندراوەتە ئیستەنبوڵ.

کۆچی دوایی مەناف بە ئازار بووە، بەشێوەیەک وەک ئامۆزایەکی بۆ ڕۆژنیوز باسی دەکات، بەهۆی ساردیی کەشوهەواوە لەنێوان وڵاتانی تورکیا و یۆنان بە شێوەیەکی تراژیدیی گیانی لەدەستداوە.

دەربارەی تەرمی ئەم قوربانییە، هەكار ڕێكانی ئامۆزای مەناف وتی: تەرمی مەناف لەلایەن هاوڕێکانییەوە گەڕێندراوەتەوە بۆ تورکیا و لە ئیستەنبوڵە.

هەکار وەها سەفەرکردن و کۆچبەربوونی مەناف دەگێڕێتەوە: ئامۆزاكەم ماوەی حەوت ساڵە پەیمانگای تەكنیكی زاخۆی تەواوكردووە و بێکار بووە، بۆیە لە ٢٩-٩-٢٠٢٠دا لەگەڵ سێ هاوڕێی دیكەی لە گوندی شیف چناركێ’ی سەر بە شێلادزێ بە ڕێگای قاچاغ چوونە توركیا، لەویش بۆ یۆنان، بەڵام لە كاتی چوون بۆ یۆنان پۆلیسی توركیا هێرش دەكەنە سەریان و دوو هاورێی دەستبەسەردەكەن و ئەویش لەگەڵ هەندێک کەسی دیكە لە دەستی پۆلیسی تورك هەڵدێن، بەپێی زانیارییەكان دوای ڕزگاربوونیان لە دەست پۆلیس، سەرما كاریگەریی زۆری لێدەكات، شەو لەناو دارستانەکانی نێوان توركیا و یۆناندا دەخەون، بەیانی هاوڕێکانی دەبینن کە مەناف گیانی لەدەستداوە.

ئەمە لەکاتێکدایە، شەوی ڕابردوو وا بڵاوبووەوە، کە گروپێکی مافیایی ڕێگایان پێگرتوون و جلوبەرگەکانیان لێسەندوون.

هاوڕێکانی مەناف تەرمەکەیان گەیاندووەتە ئیستەنبوڵ، کەسوکارەکەشی چاوەڕێی هەڵمەتی خێرخوازان و مرۆڤدۆستانن بۆ گەڕانەوەی تەرمەکە، هەکار ڕێکانی دەڵێت، تا ئێستا نە حكومەتی هەرێم و نە ڕێكخراوەكان هیچ هەوڵێکیان بۆ گەڕانەوەی تەرمی ئامۆزاكەی نەداوە و “خۆیان بێدەنگ كردووە”.

ڕێکانی وەک خۆی وتی، هیچ داوایەكی لەحكومەت نییە، چونكە “هۆكاری سەرەكی گیانلەدەستدانی ئامۆزاكەم حكومەت خۆیەتی، بەرپرسانی هەرێم تەنها ئاگایان لە كۆمپانیا و ڕابواردنی خۆیانە و هیچ ئاگایان لە خەڵک نەماوە، ڕۆژانە دەیان گەنج بەهۆی ئەوانە لە سنووری دهۆك كۆچی دەرەوی وڵات دەكەن”.

لە چەند مانگی ڕابردووەوە کۆچکردن بۆ دەرەوەی وڵات لە سنووری پارێزگای دهۆک بەشێوەیەکی بەرچاو زیادی کردووە، بەپێی بەدواداچوونەکان، کە پێشتر ئاژانسەکەمان لە ڕپۆرتێکدا خستییەڕوو، فشارەکانی پەدەکە لە سنوورەکە و نەبوونی هەلی کار، هۆکاری سەرەکیین بۆ کۆچکردنی گەنجان و لەڕێی ‘تۆڕێکی قاچاخی مرۆڤەوە’ بە پلان و پشتیوانی ناوەندەکانی ڤیزای دەوڵەتی تورک، لە دەروازەی سنوورییەکانەوە تێپەڕی تورکیا دەکرێن.
ڕۆژ نیوز
به‌روار:  13/10/2020
104   جار خوێندراوه‌ته‌وه
  بابه‌تی زیاتر ...
دوی ١٠ ساڵ ژیان لە سوید دەردەکرێن هێلیای ١٤ ساڵ و خوێندکار لە شاری ئوێرێبرو، ١٠ ساڵە لەگەڵ بنەماڵەکەی لە سوید دەژین. داوای مافی پەنابەرییەکەیان لەلایەن دەزگای کۆچی سویدەوە ڕەد کر درێژه‌ ...
دوکان و بازاڕەکانی سعودیە دەستیان کرد بە لابردنی بەرهەمە تورکیەکان، ئەمەش دوای ئەوەی سعودیە داوای کرد بەرهەم و شتومەکی تورکی بایکۆت بکرێت. سعودیە و تورکیا هەمیشە ڕکابەری یەکتریا درێژه‌ ...
شارپرێس... گۆڤارى"سفوبودنایا پریسا" راپۆرتێکى بڵاوکردۆتەوە، دەربارەى ئەگەرى دەرکردنى تورکیا لە هاوپەیمانێتى باکورى ئەتڵەسى (ناتۆ). لە راپۆرتەکەدا هاتووە، کۆنگرێسى ئەمریکا چاو بە درێژه‌ ...
درەنگانی شەوی پێنج شەممە دوای مانەوەی لەنەخۆشخانە بۆ ماوەی 15 رۆژ نوسەرو سیاسەتمداری كورد د.شەفیق قەزاز بەهۆی كۆرۆناوە گیانیلەدەستدا. بەپێی زانیاریەكانی PUKmedia، د.شەفیق تۆفیق درێژه‌ ...
سبەی): وەزارەتی دەرەوەی روسیا نیگەرانی خۆی نیشان دەدات بەرامبەر دۆخی باکوری رۆژهەڵاتی سوریا و جارێکی دیکە ئەمەریکا تۆمەتبار دەکاتەوە بە هاندانی کوردەکان بۆ جیابونەوە لە سوریا. درێژه‌ ...
مۆدێراتەکان پێشنیار دەکەن (Fotboja) جۆرە زنجیرێکی ئەلیکترۆنی قاچ بۆ چاودێریی بکرێتە پێی ئەوانەی کە بڕیاری ناردنەوەیان بۆ دەرچووە، تا شوێنپێیان هەڵبگیرێت و بدۆزرێنەوە. نزیکەی ٥٠ هە درێژه‌ ...
ئەمڕۆ ژنێک بە گومانی ئەوەی لە سەنتەری مەساجەکەیدا بازرگانی سێکسی بەڕیوەبردبێت دادگایی دەکرێت. داواکاری گشتی هەروەها دەیەوێت لە ڕێگەی ئەو بڕە پارانەی بە ئەپی (Swish) بۆ ژنە گومان درێژه‌ ...
هەنگاو: عادڵ موکەڕەم بەندکراوی سیاسی کە لە بەندیخانەی ناوەندیی ئورمیە ڕاگیراوە و ڕۆژی یەکشەممە ئاگری لەجەستەی خۆی بەردابوو، لە ژووری تاکەکەسیی ئەو بەندیخانەیە لە ڕێگای خواردنی وردە درێژه‌ ...
هەرچەندە پاسپۆرتی عێراقی بە یەکێک لە خراپترین پاسپۆرتەکان دادەنرێت لە جیهاندا، بەڵام زیاد لە ٣٠ وڵات هەن کە دەتوانی بە پاسپۆرتی عێراقییەوە بەبێ ڤیزەی پێشوەخت سەردانیان بکەیت. بە درێژه‌ ...
شاندێکی وەزارەتی دەرەوەی سوید، کە سەردانی خۆبەڕێوبەری باکور و ڕۆژهەڵاتی سوریا-یان کردووە، لەگەڵ ئەنجومەنی سوریای دیکموکرات- مەسەدە کۆبوونەوە، ڕێککەوتوون لەسەر ئەوەی سوید نێوەندیگیر درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   379
کۆی سه‌ردان:   21177342