کوردناسی هۆڵه‌ندی پیت مویله‌ر کۆچی دوایی کرد

بەداخ و پەژارەیەکی زۆرەوە ڕایدەگەیەنین ڕۆژی 05-04-2020 دۆستی دێرینی گه‌لی کورد به‌ڕێز (پیت مویله‌ر) کۆچی دوایی کرد.
پیت مویلەر ڕۆژی 19-10-1929 لە شاری هێلڤەرسووم لە هۆڵەندا لە دایک بووە، هەر لە سەرەتای گەنجێتیەوە، گەلی کوردیی ناسیووە، ساڵی 1973 بۆ یه‌که‌مجار له‌ ڕێگه‌ی ڕۆژئاوای کوردستان- سوریاە‌وه‌ گه‌شتی ی باشوری کوردستانی کردووه‌ و له‌ نزیکه‌وه‌ توانیوێتی‌ گه‌لی کورد بناسێت و له‌ نه‌هامه‌تییه‌کانی ئەم گەلە خاوەن خاکە بێ دەوڵەتە تێبگات و ئەو کاتە تێکه‌ڵاوی شۆڕشی ئه‌یلول بووە و چۆته‌‌ حاجی هۆمه‌ران و گه‌ڵاڵه‌، سه‌رۆکی پارتی دیموکراتی کوردستان خوالێخۆش بوو، مستەفا بارزانی بینیووه‌.
 له‌ پاش ڕێکه‌وتنامه‌ی شوومی جه‌زائیریش له‌ نێوان (هەواری بۆمیدیەن و شای ئێران و سه‌دام حوسه‌ین)دا له‌ ئازاری 1975دا، که‌ شکست به‌ شۆڕشی کورد هێنرا، ئه‌و و هەندێ لە هاوڕێکانی یارمه‌تیه‌کی زۆری ئه‌و کوردانه‌یان داوه‌، که‌ ژماره‌یان 50 که‌س بووه، کە‌ وه‌ک ده‌سته‌ی یه‌که‌می په‌نابه‌رانی کورد ڕوویان له‌ هۆڵه‌نده‌ کردووه و کار ئاسانیان بۆ کردوون‌.
پیت مویله‌ر سەردەمانێک سەرۆکی دەزگای نیدەرلاند کوردستان  SNK بووە، چه‌ندین جاری دیکه‌ش سه‌ردانی کوردستانی کردۆته‌وه...ڕؤڵی هه‌بووه‌ له‌ ده‌رکردنی بڵاوکراوه‌یه‌ک به‌ زمانی هۆڵه‌ندی به‌ ناونیشانی (کوردستان کۆریه‌ر) و هەمیشە گرنگی بە دۆزی‌ ڕه‌وا‌ی گەلی کورد و گەلانی دیکەی دنیا داوە و لەگەڵ کۆمەڵەی ڕێکخراوەکانی کۆمەڵگەی مەدنی لە هۆڵەندا هاوکاریی کۆمەڵگاکانی ( کورد، عەرەب، ئێرانی، ئەفغانی و پاکستانی ...هتد)ی داوە.
پیت مویله‌ر لە دوای ڕاپەڕینی بەهاری 1991، چه‌ندین جاری دیکەش سه‌ردانی کوردستانی کردووه‌ و ساڵی 1993 لەگەڵ گروپێکدا هاتۆتە باشوری کوردستان‌، کە بریتی بوون پیت میوللەر خۆیی و زاهیر مەحمود، وەک یاوەریان و بەڕێزان فلامین لە پارتیCDA ، فاڵک لەPvda  ، هەنەکە خڵدن بلوم لە D66 و لینۆنی سپیکەرس لە پارتی چەپی سەوز.
دواجار له‌ ئۆکتۆبه‌ری 2008 دا دیسان سه‌ردانی کوردستان کردۆتەوه‌ و به‌ نیاز بوو له‌ داهاتووشدا سه‌ردانی کوردستان بکاته‌وه‌، بەڵام لەمدوایەدا تەمەن و نەخٶشی بواری پێنەدا، تەنانەت به‌ڕێزیان هێنده‌ له‌ کورده‌وه‌ نزیک بوو‌، هێنده‌ کوردی خۆشده‌ویست، به‌جۆرێک له‌ خه‌ڵکی کوردستان ده‌چوو نه‌ک هۆڵه‌ندی و حه‌ز ده‌کرد به‌ کاک پیت بانگ بکرێت.
ڕۆژی 14-02- 2010 یانەی کوردیی "میدیــــا" سیمینارێکی بۆ ڕێکخست و به‌ پاوه‌رپۆینت وێنه‌ی گه‌شته‌کانی لەگەڵ خاتوو (لیا فیسه‌ر)ی هاوسەریدا له‌ ساڵی 1973 ه‌وه‌ تا 2008 به‌ لێدوانه‌وه‌ پێشکه‌ش ‌کرد، کە وێنه‌ی ڕاسته‌قینه‌ و مێژوویی گه‌لی کوردی تێدا نیسادا، هەر لە له‌ تێکۆشانی شاخ و به‌رگری قاره‌مانانەی پێشمەرگە‌.
لەو کۆڕەدا هاوڕێکانی پیت مویلەر کۆچکردوو دکتۆر جه‌میل شه‌ره‌ف و پرۆفیسۆر (یان مانسفێڵد باک) مامۆستای زانکۆی ئه‌مستردام، یاده‌وه‌ری خۆیان له‌گه‌ڵدا گێڕایەوە ڕۆڵی پیت مویله‌ریان بەرز نرخاند.
شایانی باسە نابێت کورد چاکە و دڵسۆزی پیت مویلەی لە بیر بچێت، بۆ ئەم مەبەستە خۆشبەختانە ڕۆژی 07-05-2019 بۆ سوپاسگوزاری و بەسەرکردنەوەی ئەم پیاوە مەزنە، دەستەیەکی سێ کەسی کە پێکهاتبووین لە بەڕێز کاک مەحمود موراد و بەڕێز عەبدوڵڵا ئەبوبەکر و بەندە (سەردار فەتاح ئەمین)، سەردانی ماڵەکەیمان کرد و دیارییەکی ڕەمزی شیاومان بە وێنەی خۆیی و خاتوو (لیا فیسه‌ر)ی دروست کرد بوو، پێسکەشمان کردن و کاتێکی بەسوودمان بە گفتوگۆ و تۆمارکردنی بیرەوەریەکان بەسەر برد،  بە پشتبەستن بە ئەرشیفە دەوڵەمەندەکەی ئەم دۆستە دەگمەنەی گەلی کورد.
ڕەوانی شاد بێت پیت مویلەر و دڵنەوایی و ئارامی بۆ  خاتوو (لیا فیسه‌ر) هاوسەری و تێکرای هاوڕییانی و خانەوادەکەی  بگه‌ڕێته‌وه‌.
سەردار فەتاح
به‌روار:  09/04/2020
80   جار خوێندراوه‌ته‌وه
  بابه‌تی زیاتر ...
دوو سەرخۆش لەنادیەک بەیەکەوە دانیشتوون و قسە دەکەن لەولاشەوە کابرایەک گوێی لێ گرتوون یەکەمیان بە دووەمیان دەڵێت ماڵتان لە کوێیە؟ دووەم :ماڵمان لەگەڕەکی هەوارە بەرزەیە. یەکەم:ئ درێژه‌ ...
رووه‌كی حه‌شیشه‌، چاره‌سه‌ری كۆرۆنا ده‌كات لوقمان غه‌فوور به‌م دواییه‌ توێژه‌ره‌وانی زانكۆی لیسبریدج له‌ هه‌رێمی ئه‌لبرتا-ی كه‌نه‌دا ئه‌نجامی توێژینه‌وه‌یه‌كیان خستۆته‌ڕوو كه‌ درێژه‌ ...
منداڵ بووم کۆمەڵێک بزنمان هەبوو لە ئەندازە و باڵادا هەموویان وەک یەک بوون تەنها یەکێکیان نەبێت. ووتم: باپیرە بۆ ئەو بزنە لە هەموویان گەورەتر و باڵای بەرزترە؟ باپیرم ووتی: کو درێژه‌ ...
جاران وابوو سلێمانی ،وام ئەزانی كۆڵانێكــــــــــە وامئەزانێ ئائەم شارە،غونچەو گوڵی گوڵدانێكــــە وامئەزانی گشت ڕوناكی ئائەم شارە بۆ من مۆمـن وامئەزانی درەختەكان لەحەوشەكەی ماڵ درێژه‌ ...
به‌رازیل هێدی هێدی ئه‌مرێت لوقمان غه‌فوور تا دێت به‌ پێچه‌وانه‌ی پێشبینییه‌كانه‌وه‌، مردن له‌ به‌رازیل هه‌ڵه‌كشێت. چوار رۆژه‌ به‌رازیل په‌یتا په‌یتا، رۆژ نییه‌ هه‌زار كه‌سی نه‌ درێژه‌ ...
بەتۆمەتی دەستگەیشتن بە سیستمی ناوەندی بانگدان و پەخشکردنی گۆرانی "بێلاچاو" لە بڵندگۆی مزگەوتەکانی شاری ئیزمیر، پۆلیسی تورکیا ژنێکی دەستگیرکرد. رۆژی پێنجشەممە ٢١ی ئایار، بەهۆی پە درێژه‌ ...
کۆمەڵێک نهێنی لە پشتی ناشرینترین ئافرەتی جیهان ئەم ئافرەتە ڕەنگە زۆربەتان شتتان لەسەر خوێندبێتەوە یان فیلمەکەیتان بینیبێ ئەگەر نازانن کێیە ئەم مرۆڤە ... نـــاوی ( ماری ئان پی درێژه‌ ...
قەبولکردنی لەدەستدانی ئازیزێکی نزیک لە ناکاو بە کۆرۆنا چۆنە و چەندە زەحمەتە؟ نووسەر و هەڵبەستوان بۆ نیە جگەرخوین لە وتووێژێکی تایبەتدا بۆ بەشی کوردی ڕادیۆی سوید باسی کۆچی دووایی ب درێژه‌ ...
خه‌لیل ئیبراهیم وته‌بێژی فه‌رمی یه‌كگرتووی ئیسلامی كوردستان ڕه‌تیده‌كاته‌وه‌ یه‌كگرتوو ده‌ستی هه‌بوبێت له‌خۆپیشاندانه‌كانی شاری دهۆك و ده‌ڵێت" ئه‌وه‌ ناڕاسته‌ و نادروسته‌ كه‌ ده‌بی درێژه‌ ...
وام بیستووە 😀 د. شێركۆ عەبدوڵڵا نەقڵی کفر کفر نییە ئەڵێن: *مەسئولە گەورەکانی وەزارەتی پەروەردەش مناڵەکانیان خستووەتە شوەیفات. *گۆڕانیش کە لە سیاسەت تێ ئەگات ئەبێ بە پارت درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   327
کۆی سه‌ردان:   19558102