ئەو کەسەی دایک و سێ برای خۆی کووشت بە برینداری دەستگیر کرا
خەندان-
پۆلیسی سلێمانی رایگەیاند،"ئەو كەسەی تەقەی لە ئەندامانی خێزانەكەی كرد بە برینداری دەستگیركرا".
نەقیب سەركەوت ئەحمەد، وتەبێژی پۆلیسی سلێمانی بە خەندان-ی راگەیاند،"ئەو كەسەی تەقەی كردوە، ئەندامی خێزانەكە بوە و بەو هۆیەوە سێ برا و دایكی كوژراون"
وتیشی،"لەئێستادا باوكی بریندارە و باری تەندروستی ناجێگیرە"
وتەبێژی پۆلیسی سلێمانی وتیشی،"تەقە كەرەكە دوای ئەنجامدانی كارەكە، هەڵاتوە و دوای ئەوەی هێزەكانی پۆلیس دوای كەوتون روبەرویان بوەتەوە و لە ئەنجامدا توانرا بە برینداری دەستگیربكرێت"
سەبارەت بە جۆری ئەو چەكەی كارەكەی پێكردوە و هۆكاری روداوەكە وتی،"بە چەكی كڵاشینكۆف كردەوەكەی ئەنجامداوە، لەئێستادا دەستگیراوە بەسەر كڵاشینكۆفەكەدا، لەبەر ئەوەی برینداركراوە، هێشتا لێكۆڵینەوەكان لەسەر هۆكاری ئەنجامدانی ئەو كردەوەیە لەگەڵیدا دەستیپێنەكردوە و سبەی سەرجەم زانیارییەكان ئاشكرادەكەین"
بهروار: 21/03/2020
558 جار خوێندراوهتهوه
|