|
ڤایرۆسی کۆرۆنا 4000 کەسی کووشتوە
رووداو -
ژمارەی ئەو کەسانەی لە جیهاندا بە کۆرۆنا گیانیان لەدەستداوە، چوار هەزاری تێپەڕاند و رێکخراوی تەندروستیی جیهانی هۆشداری لەوە دەدات کە بڵاوبوونەوەی کۆرۆنا بە هەموو جیهاندا بووەتە مەترسییەکی راستەقینە.
بە گوێرەی دوایین ئامارەکان لەسەر بڵاوبوونەوەی کۆرۆنا و قوربانیانی، تاوەکو ئێستا چوار هەزار و 27 کەس لە جیهاندا بە کۆرۆنا مردوون. ئەو هەواڵە ناخۆشە هەمیشە هیوایەکی لەگەڵدایە، ئەویش ئەوەیە کە 64 هەزار و 89 کەس لە کۆی 114 هەزار و 430 کەس چاکبوونەتەوە.
چین بە شێوەیەکی بەرچاو بەسەر ئەو ڤایرۆسەدا زاڵبووە کە چەند هەفتەیەک لەمەوبەر لە وڵاتەکەدا لە دەست دەرچووبوو.
ئێستا تەنیا 17 هەزار و 705 تووشبووی چالاک لە چین ماون، 59 هەزار و 913 کەسیان چاکبوونەتەوە.
ئیتاڵیا لەدوای چینەوە دێت، حەوت هەزار و985 تووشبووی چالاکی هەیەو 463 کەسیش گیانیان لەدەستداوە. لەداوی ئەویش ئێران دێت کە لەوێ 237 کەس بەهۆی کۆرۆناوە گیانیان لەدەستداوە، چوار هەزار و 530 کەس کۆرۆنا لە جەستەیاندا ماوە و دوو هەزار و 394 کەسیش چاکبوونەتەوە.
لە هەرێمی کوردستانیش تاوەکو ئێستا 14 هاونیشتمانی تووشی ڤایرۆسی کۆرۆنا بوون، کەسێکیان چاک بووەتەوە و یەکێکیش بەو هۆیەوە گیانی لەدەستداوە
به‌روار: 10/03/2020
326 جار خوێندراوه‌ته‌وه
|