دیداری ئۆجەلان سازکرا
ژوری پارێزەرانی سەدە، ڕایانگەیاند، کە خانەوادەی عەبدوڵا ئۆجالان، ڕێبەری گەلی کورد و زیندانیانی دیکەی ئیمرالی دیداریان لە ئیمرالی ئەنجامداوە.
لەسەر پەڕەی تایبەتی خۆیان لە تۆڕی کۆمەڵایەتی تویتەر، ژوری پارێزەرانی سەدە، ڕایانگەیاندووە، کە ئەمڕۆ خانەوادەی بەڕێز ئۆجالان و زینداندانی دیکەی ئیمرالی دیداریان ئەنجامداوە و دواتر لە کۆنگرەیەکی ڕۆژنامەنووسیدا ئەنجامەکەی بۆ ڕای گشتی ئاشکرا دەکەن.
ڕۆژی ٢٧ی مانگی ڕابردوو، لەدورگەی ئیمرالی ئاگر کەوتەوە، دەوڵەتی تورکیش ڕێگای نەدەدا پارێزەران و خانەوادەی عەبدوڵا ئۆجالان ڕێبەری گەلی کورد و زیندانیانی دیکەی ئیمرالی سەردانی دورگەی ئیمرالی بکەن بۆ ئەوەی لە دوخی تەندروستی ڕێبەری گەلی کورد و زیندانیانی دیکەی ئیمرالی دڵنیا بنەوە، ئەوەش نیگەرانی لای گەلی کورد دروستکرد و لە چوار پارچەی کوردستان و وڵاتانی ئەوروپا خۆپیشاندان ئەنجامدرا.
ڕۆژنیوز
بهروار: 04/03/2020
238 جار خوێندراوهتهوه
|