|
زیندانیانی سیاسی داوای بایکۆتی هەڵبژاردنەکانی ئێران دەکەنەوە
ژمارەیەک زیندانی سیاسی کورد لە زیندانەکانی ئۆرمیە، خۆی، کاشمەر ڕاگەیەنراوێکی هاوبەشیان بۆ بایکۆتکردنی هەڵبژاردنەکانی ئێران بڵاوکردەوە.
لە ڕاگەیەنراوی زیندانیانی سیاسیدا هاتووە، "کۆماری ئیسلامی ئێران لە سیاسەتی ناوخۆیی و دەرەکی خۆیدا گەیشتووەتە کۆتایی و ڕۆژ بە ڕۆژ قەیڕانەکانی قوڵتر دەبنەوە. جارێکیتر بە هەڵبژاردن هەوڵ دەدات گەل هان بدات و مێژوو لەبیربەرێتەوە و بۆ ئەوەی کەشتیە شکاوەکەی بگەیەنێتە کەنارێکی ئارام. دەیانەوێت لەسێدارەدان لەبیربکرێت، باسی جێگای لەسێدارەدراوە بێکفنەکان نەکرێت، ئەشکەنجەی سەر لاشی گەل بشارنەوە و گەل بچێتە سەر سندوقەکانی دەنگدان. دەیانەویت ئەو خوێنەی لە زستانی ٢٠١٨ و پاییزی ٢٠١٩ دا ڕژا و ناوی ئەو کۆڵبەرانەی کە بۆ لەتێک نان گیانیان لەدەستدا لەبیربکرێن. لە سەرانسەری ئێران لە ئێستادا بایکۆتی هەڵبژاردنەکان بووەتە داواکاریەکی گشتی. ئێمەش پشتگیری ئەو داواکاریە دەکەین و داوا دەکەین هەڵبژاردنەکانی پەرلەمانی ئێران بایکۆت بکرێت."
ناوی ئەو زیندانیانەی ڕاگەیەنراوەکان بڵاوکردووەتەوە بەم شێوەیەیە:
١-زەینەب جەلالیان
٢-شاهر باقی
٣-ڕەحیم تورگوت
٤-بەشیر پیرەماوانە
٥-کامران دەرویشی
٦-پەروەیز ناسڕی
٧-ئەحمەد تەمویی
٨-ئیبراهیم عیساپور
٩-عەلی ئەحمەد سولەیمان
١٠-سابر کەمانی
١١-پەیمان میرزازادە
١٢-فیزروز موسازادە
١٣-سیامەک ئەشرەفی
١٤-کەمال حەسەن ڕەمەزان
١٥-حاتم ئوزدەمیر
١٦-ڕەحیم مەحمودی ئازەر
١٧-محەمەد میرزایی
فورات نیوز
به‌روار: 20/02/2020
291 جار خوێندراوه‌ته‌وه
|