|
ساتی دەستگیرکردنی چیچەک کۆبانێ بەدەستی چەتەکانی تورک
مستەفا بالی، گوتەبێژی هێزەکانی سووریای دیموکرات - هەسەدە ڤیدیۆیەکی چیچەک کۆبانێ، ژنە شەڕڤانی یەکینەکانی پاراستنی ژنان - یەپەژەی بڵاوکردووەتەوە، تێیدا چەکدارانی ئۆپۆزیسیۆن هاواری بەسەردا دەکەن و قسەی پێدەڵێن.
بەپێی راگەیێندراوی یەپەژە، رۆژی دووشەممە 21ـی تشرینی یەکەم، سوپای تورکیا هێرشیکردە سەر گوندی میشراقەی سەر بە شارۆچکەی عەین عیسا و شەڕڤانانیش بەرپەرچیانداونەتەوە، لە ئەنجامی ئەوەشدا (چیچەک) برینداربووە و کەوتووەتەدەست گرووپە چەکدارە تووندڕەوەکان.
لە ڤیدیۆکەدا دەردەکەوێت، چیچەک کۆبانێ بریندارە و چەکدارەکانی ئۆپۆزیسیۆنی سووریا لە دەوری کۆبوونەتەوە و هاواری بەسەردا دەکەن، یەکێک لە چەکدارەکان پرسیاردەکات و دەڵێت: جەمیل پێکاویەتی ها؟
یەکێکی دیکە لە چەکدارەکان چیچەک هەڵدەگرێت و بە باوەش دەیبات، بەڵام چیچەک بەرگرییەکی کەمدەکات.
مستەفا بالی لەبارەی ڤیدیۆکەوە نووسیویەتی، چەکدارانی ئۆپۆزیسیۆنی سووریا لەدەوری چیچەک کۆبانێ کۆبوونەتەوە، "هاواری بەسەدا دەکەن و قسەی ناشرینی پێدەڵێن، لەکاتێکدا وادەردەکەوێت ئەو بریندارە و ئازاری هەیە".
سەیری ڤیدیۆیەکە بکە
به‌روار: 29/10/2019
460 جار خوێندراوه‌ته‌وه
|