مەزڵوم عەبدی: بە هەموو ڕێکەوتنەکەی نێوان واشنتن و ئەنکەرە ڕازی نین
فەرماندەی گشتی هێزەکانی سوریای دیموکرات دەڵێت کەس ڕاوێژی پـێنەکردوون سەبارەت بەو ڕێکەوتنەی لە نێوان ئەمەریکا و تورکیا کراوە لەبارەی باکوری ڕۆژهەڵاتی سوریا، بۆیە ئەوان وەک هێزە کوردیـیەکان لەسەری ڕازی نین.

مەزڵوم عەبدی ئەمڕۆ دووشەممە لە لێدوانێکی تایبەت بۆ دەنگی ئەمەریکا گوتی ئەوان وەک هێزەکانی سوریای دیموکرات تەنیا بە ئاگربەستە کاتیـیەکەی ڕێکەوتنەکە ڕازیبوون کە لە گرێ سپی دەگرێتەوە هەتا سەری کانی. گوتیشی خوازیارن ئاگربەستەکە بەردەوامبێت.

جەختی کردەوە ئەوان بەوەی ئەمەریکا ڕازین کە دەڵێت ناوچە ئارامەکە لە گرێ سپیـیەوە دەستپـێدەکات هەتا سەری کانی، بەڵام ئەوەی تورکیا دەیڵێت ناوچە ئارامەکە تەواوی سنوورەکانی لەگەڵ سوریا دەگرێتەوە، پـێی ڕازی نابن.

جەنەڕاڵ مەزڵوم گوتیشی متمانەیان بە بەڕێوەبەرایەتی سەرۆک ترامپ زۆر زۆر کەمبووەتەوە، بەو پـێـیەی بڕیاری دا هێزەکانی ئەمەریکا بکشێنێتەوە کە ئەمەش ڕێگەی بۆ لەشکرکێشیـیەکەی تورکیا خۆشکرد و خەڵکی باکوری سوریا دووچاری ئاوارەیی بوونەتەوە و لەگەڵ ئەوانەشدا دەرگای واڵاکردووە بۆ پاکتاوی نەژادی لە دژی گەلی کورد.

دەشڵێت ئەو ڕێگەدانە بە تورکیا زیانی زۆری بە پەیوەندیـیەکانیان لەگەڵ واشنتن گەیاندووە، بەڵام لەگەڵ ئەوشدا هێشتا لە هاوپەیمانێتی بۆ شەڕی دژی داعش پـێکەوە کاردەکەن.

پاشان گوتی سەرەڕای کشانەوەی بەشێکی زۆری هێزەکانی ئەمەریکا، بەڵام هێشتا پـێیان باشە ئەگەر ژمارەیەکیشیان لە سوریا بمێننەوە تاوەکو هاوسەنگیـیەک لە هێزە نێودەوڵەتیـیەکاندا هەبێت بۆ ئەوەی تاکە لایەنێک نەتوانێت بە زۆر داخوازیـیەکانی بەسەر گەلی کورددا بسەپـێنێت.

سەبارەت بە دەستگیرکراوەکانی داعش، گوتی هیچ بەندیخانەیەک نیـیە چەکدارە دەستگیرکراوەکانی داعشی تێدابووبێت و تورکیا دەستی بەسەرداگرتبێت، بەڵکو هەموو دەستگیرکراوەکان گواستراونەتەوە بۆ ناوچەی دیکەی ژێر دەسەڵاتی هێزەکانی سوریای دیموکرات. گوتیشی نابێت تورکیا هیچ پەیوەندیـیەکی بەو دەستگیرکراوانە هەبێت، چونکە تورکیا خۆی یارمەتی ئەو چەکدارانەی داعشی دابوو بێنە ناو خاکی سوریا.

سەبارەت بە ڕۆڵی ڕووسیا لە ناوچەکە، جەنەڕاڵ مەزڵوم گوتی ڕووسیا لەگەڵ ڕژێمی سوریا هاوپەیمانە و بە تەواوی لەگەڵ تورکیا هەماهەنگی دەکات و کورد ئەزمونێکی پـێشووی لەگەڵیدا هەیە کە لە عەفرین ڕێگەی بۆ تورکیا خۆشکرد پاکتاوی نەژادی لە دژی بکات، بۆیە پشتی پێ نابەستن. ڕەتیکردەوە لەگەڵ ڕژیمی سوریا و ڕووسیا ڕێکەوتبن، دەڵێت ڕووسیا هاوپەیمانی حکومەتی سوریایە و هیچ ئامانجێکی نیـیە بۆ پاراستنی کورد.
دەنگی کوردی ئەمریکا
به‌روار:  22/10/2019
260   جار خوێندراوه‌ته‌وه
  بابه‌تی زیاتر ...
شارپرێس: میدیا ناوخۆییه‌كانی ئێران بڵاویانكرده‌وه‌، لە شاری تالشی باكوری وڵاته‌كه‌ كچێك له‌لایه‌ن باوكییه‌وه‌ به‌ داس كوژرا. به‌پێی هه‌واڵی میدیا ناوخۆییه‌كانی ئێران، كچێك به‌ درێژه‌ ...
نیگەرانی ئەوانەی ئەندامانی خێزانەکەیان شێرپەنجەیان هەیە زیادیکردووە، دەربارەی ئەوەی بەهۆی کارەکەیانەوە ڤایرۆسی کۆرۆنا بگوازنە ماڵەوە و کەسوکاریان تووش بکەن، کە سیستمی بەرگری لەشیان درێژه‌ ...
sbeiy.com (لەکتێبی زمانی دادگاکان )ـەوە .. دیدارى کاک نەوشیروان مستەفا 14-17 minuter دیداری بەڕێز کاک نەوشیروان مستەفا ساڵانێک بوو ماڵم لەسلێمانی بوو، بەڵام شەرەفی ئەوەم پێ درێژه‌ ...
دوو سەرخۆش لەنادیەک بەیەکەوە دانیشتوون و قسە دەکەن لەولاشەوە کابرایەک گوێی لێ گرتوون یەکەمیان بە دووەمیان دەڵێت ماڵتان لە کوێیە؟ دووەم :ماڵمان لەگەڕەکی هەوارە بەرزەیە. یەکەم:ئ درێژه‌ ...
رووه‌كی حه‌شیشه‌، چاره‌سه‌ری كۆرۆنا ده‌كات لوقمان غه‌فوور به‌م دواییه‌ توێژه‌ره‌وانی زانكۆی لیسبریدج له‌ هه‌رێمی ئه‌لبرتا-ی كه‌نه‌دا ئه‌نجامی توێژینه‌وه‌یه‌كیان خستۆته‌ڕوو كه‌ درێژه‌ ...
منداڵ بووم کۆمەڵێک بزنمان هەبوو لە ئەندازە و باڵادا هەموویان وەک یەک بوون تەنها یەکێکیان نەبێت. ووتم: باپیرە بۆ ئەو بزنە لە هەموویان گەورەتر و باڵای بەرزترە؟ باپیرم ووتی: کو درێژه‌ ...
جاران وابوو سلێمانی ،وام ئەزانی كۆڵانێكــــــــــە وامئەزانێ ئائەم شارە،غونچەو گوڵی گوڵدانێكــــە وامئەزانی گشت ڕوناكی ئائەم شارە بۆ من مۆمـن وامئەزانی درەختەكان لەحەوشەكەی ماڵ درێژه‌ ...
به‌رازیل هێدی هێدی ئه‌مرێت لوقمان غه‌فوور تا دێت به‌ پێچه‌وانه‌ی پێشبینییه‌كانه‌وه‌، مردن له‌ به‌رازیل هه‌ڵه‌كشێت. چوار رۆژه‌ به‌رازیل په‌یتا په‌یتا، رۆژ نییه‌ هه‌زار كه‌سی نه‌ درێژه‌ ...
بەتۆمەتی دەستگەیشتن بە سیستمی ناوەندی بانگدان و پەخشکردنی گۆرانی "بێلاچاو" لە بڵندگۆی مزگەوتەکانی شاری ئیزمیر، پۆلیسی تورکیا ژنێکی دەستگیرکرد. رۆژی پێنجشەممە ٢١ی ئایار، بەهۆی پە درێژه‌ ...
کۆمەڵێک نهێنی لە پشتی ناشرینترین ئافرەتی جیهان ئەم ئافرەتە ڕەنگە زۆربەتان شتتان لەسەر خوێندبێتەوە یان فیلمەکەیتان بینیبێ ئەگەر نازانن کێیە ئەم مرۆڤە ... نـــاوی ( ماری ئان پی درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   166
کۆی سه‌ردان:   19561219